الأربعاء، ديسمبر 29، 2010

واسطة ولا علاقات عامة؟؟؟ أصلها تفرق


السلام عليكم
جزاك الله كل خير علي اللي بتعمليه، أنا سمعت حضرتك في نجوم اف ام، و كنت سعيد جداً، أنا باختصار حاصل علي ليسانس حقوق 2001 بتقدير جيد، و حاصل علي ماجستير في القانون من جامعة عين شمس، وأقوم حاليا بتحضير رسالة دكتوارة، واجيد استخدام الحاسب الالي.

اتعب دلوقت ....و استريح بعدين

سلام عليكم...انا عبدالحميد وعندي 23 سنه..حاسس اني مأنجزتش حاجه فحياتي وحاسس انها ماشيه ببطء جدا..

انا معايا بكالريوس نظم معلومات اداريه...واشتغلت جرافيك ديزاينر في شركه IT فالمنصوره طول فتره دراستي...وحبيت اشتغل فمجال ال3D والانيميشن



الثلاثاء، ديسمبر 28، 2010

انا عايزه شغل صعب



انا اسمى اية و عندى 22 سنة حديثة التخرج من كلية التربية قسم اللغة الانجليزية بس انا مش عايزة مجال التدريس خالص.

انا اخذت كورس شامل خدمة عملاء و كميوتر و انجليش و communication skills and typing عايزة اشتغل فى شغل يكون ليه علاقة بخدمة العملاء ة الكمبيوتر و الانجليش بس المشكلة ان معظم شركات

معظمهم ...مش كلهم يعني


السلام عليكم 
اتمنى لكى مزيد من التقدم والنجاح وكل الخير
انا عايزه منك خدمه لو تقدرى 

انا وجوزى عندنا صيدليه وعايزين نعمل تعاقد مع شركات لتوريد ادويه للوظفين فى الشركات طبعا اللى بتقدم الخدمه دى
انا دورت كتير بس معظم الاماكن اللى روحتها كانت عامله مع الصيدليات الكبيره وبعض محتاج 

الأحد، ديسمبر 26، 2010

من طلب العلا.... لازم يعرف يطلع السلم

السلام عليكم ,بصي يااستاذه رشا انا ريهام بعتلك قبل كده اسالك عن التعليم العالي وضرورته في شغل الsalesوmarketingورديتي عليا وقولتي مش لازم.
طيب انا كنت بائع في مركز لتجارة الملابس الحريمي لمدة 4سنين واكتسبت خبرة عملية كبيرة وكنت متميزة وتقريبا كنت بشرف على كل حاجة بتحصل في المركز وحبيت اخد خبرة علمية كمان قمت دورت على دروس البيع

عندك رؤية ورسالة؟؟؟؟؟


أنا نفسى اشتغل فى مكان مناسب ليا، أنا عمالة آخد فى كورسات و بحضر فى دراسات عليا بس أنا حاسة فى كل ده إنى تاهية ومش عارفة استفيد من كل اللى أنا بتعب فيه ده.

دي مش مشكلتك لوحدك .... دي مشكلة ناس كثير!! 

لو في صحراء الربع الخالي ...هروح برضه


رشا انا معجبه جدا بكل اللى بتعمليه عشان تساعدى الشباب انه يلاقى فرصه عمل وكمان نفسى انضم للمنح اللى انتى بتقدميها بس ااناا حاسه ان كل ده لشباب القاهره واسكندريه لكن انا من اسوان واحنا هنا معندناش ولا كورسات ولا اى حاجه يا ريت لو تعملى حاجه لابناء المحافظات او تقوليلنا ممكن نتصرف ازاى





علم النفس ...ليه ناسه:)


انا معايا ليسانس اداب قسم علم نفس وبرده نفس المشكلة مش عارفه عايزة ايه؟؟؟؟؟؟

 عايزة اشتغل فى تخصص علم النفس بس مش عارفه ابدأ ازاى انا لسه خريجة السنة دى 2010 مش اخدت اى كورسات غير دورة بينيه لذكاء الاطفال مش عارفه اعمل ايه او ابدا منين ياريت تساعدينى .


البيع تسويق ....بس التسويق مش بيع خالص

OH
بصي يا انسه رشا انا مش هطول عليكي بس ياريت تتفضلي تسمعي كلامي للأخر لو سمحتي 

انا طالب في الفرقه الثالثه في قسم الرياضيات بكليه العلوم جامعه طنطا 

انا خلال فتره الدراسه بحاول اشتغل برده اشتغلت لفتره في مكتبه كبيره في طنطا كبائع ومصمم لبعض الدعايا اللي كانت بتعملها المكتبه للعملاء ( للعلم المكتبه كان ليها فرعين وانا والحمد لله لخبرتي اتنقلت في الفرعين وخلال فتره شغلي اللي هي حوالي سنه دربت أكتر من واحد علي كيفيه الشغل وهكذا .. )

السبت، ديسمبر 25، 2010

الخميس، ديسمبر 23، 2010

نظرية امسك العصاية من النص

بصي يا فندم
انا خريجة كلية تجارة قسم ادارة اعمال
بعد التخرج تفرغت تماما اني اخذ كورسات أخذت في الكنبيوتر
وفي تنمية البشربة وطبعا حضرت معاكي ومع كل جيل التنموين الحالين المهم انا كنت من ايام الجامعة بشترك في انشطة المساجد الخاصة

الأربعاء، ديسمبر 22، 2010

مش مهم فين ...المهم هم عندهم الي انا عايزه؟؟؟؟

أ/ رشا 

انا معايا بكالوريس نظم معلومات ادارية ( حاسب الى ) أكاديمية القاهرة بالمقطم خريج سنة 2008 

انا اشتغلت مونتير فى شركة انتاج فنى لمدة سنتين  و اشتغلت سكرتير مدير ادراة

عرض خاص .... ليه لا

انا خريجة حاسبات ومعلومات 2004  واخدت كورس ويب ديزين  وجيت ادور علي شغل ولا شركة وافقت بيا قالتيلي ادة ممعكيش اي خبرة وماعملتيش اي مواقع مانقدرشي نشغل مع مجال اليب ديزين حلو وانا معروفة اني بفهم في الالوان والتناسق  والله اتصدمت لاني بجد خدت الكورس ب1000 جينينة ولااستفدت اي حاجة لاقيت شركة بتقولي اشتغلي تيلي مارككت للويب سايت ووافقت قولت اخد 

بلد شهادات صحيح ..!!!!

ازيك يارشا 
انا عرفتك بس من كام يوم من على قهوة نجوم ا ام
وانا بجد معجبة بيكى جدا جدا وبقصة نجاحك وباتمنى ليكى يارب نجاح اكتر واكتر 
انا طموحة ونفسى اكبر فى شغلى اكتر

انا شهادتهى دبلوم متوسط ومع ذلك الانجليزى بتاعى كويس الحمد لله لكن برضه مش فظيع
وعندى خبرة حلوة اوى فى شركات الدعاية والاعلان بافهم فى الطباعة وفصل الالوان وكل ما يخص الدعاية واقدر اكون مسئولة عن ادارة شركة كاملة 

لتحديد موعد مقابلة ومراجعة CV



ازيك يا رشا
 انا كنت عاوزه اسال ازاى اسجل فى الموضوع اللى قولتى عليه فى برنامج على القهوة بخصوص عمل انترفيو فى الاكاديمى لان الموضوع ده مهم جدا بالنسبالى  انا بعتلك السى فى على الميل الخاص بيكى واتمنى انى اقدر اجى واعمل الانترفيو واصحح السى فى

شكرا ليكى 


هي مبتتحسبش كده !!!!!!

ازيك يارشا انا اخدت فكرة عن المنحة وسجلت فيها بس كنت عايز اعرف التسويق اللى ف المنحة عباره عن كورس تسويق يأهلنى اشتغل ف مجال التسويق ولا عباره عن كورس اتعلم ازاى اسوق نفسي بين الشركات 

طب حضرتك شايفه ان ال5 ايام بتوع المنحة كفايه انهم يأهلونى انى اشتغل ف مجال التسويق

Goooooooooooooooooooogle

زيك يا رشا انا معجبه جدااا بيكي

وشفت الجروب بتاعك و اد ايه بتساعدي الشباب

انا عندي 34 سنه خريجه علوم

بس ما اشتغلتش كتير غير كام شهر في مدرسه كنت بادرس للحضانه

الثلاثاء، ديسمبر 21، 2010

انت جايه اشتغلي ايه؟؟؟؟؟؟

دلوقتي يا رشا أنا خريج لغة انجليزية بتقدير جيد جدا و هو شىء مش سهل في كلية زي اللي كنت فيها.

بس بمجرد ما اتخرجت لقيت إنه في سوق العمل كل الأمجاد اللي كنت بفتخر بيها في الكلية مالهاش أي لزمة في سوق العما(أو العمل) .

وإنه مفيش غير خدمة عملاء و ترجمة عشان خبرتي في العمل صفر ... و الترجمة مابتجيبش فلوس و خدمة العملاء مالهاش مستقبل !! . 

ادي العيش لخبازة !!!!

رشا ازيك انا خريجه كليه تجاره

2009 واشتغلت الحمد لله علي طول في شركه اسيراد وتصدير اشتغلت محاسبه 

اشتغلت ازاي باه زي ماانتي بتقولي بالضبط رحت شركه توظيف كده وعملت اترفيو وكانت الشركه التوظيف في الوقت ده بتدور علي حد قوي جدا في الانجليزي والفرنساوي وانا مش قويه اخدوا مني cvوقالولي لو في احياج لمحاسبين بعد كده هنتصل بيكي وفعلا عدي 3 شهور وشركه التوظيف اتصلت بياه وقالتي انهم هيخدوا نص شهر من اول راتب وافقت وانا دلوقتي شغله بقالي سنه

الموضوع دلوقتي اي عايزه اعمل خطوه جديده بس انا حسه ان قدراتي اكبر من اني اكون محاسبه بس او حتي رئاسه حاسبات

عايزه اشتغل في مجال تاني مجال في تجديد ابتكار

عايزه اشتغل في مجال التنميه البشريه بس مش عارفة اخد كورسات في ايه انا خلصت كورسات انجليزي خلاص اكمل ازاي علشان اكون حد قووووووي في التنميه البشريه

محاضر تنميه بشريه يعني

الاثنين، ديسمبر 20، 2010

مش عارفه ازاي ميعرفوش؟؟؟؟؟؟؟



الاستاذه/رشا خليفه
اريد معرفه فرص العمل كأخصائى اداره مستشفيات أو كأخصائى جوده صحيه داخل وخارج مصر....علما بأنى طالب بالفرقه السادسه كليه الطب وأريد التخصص فى احد هذين المجالين....وسألت فى الكليه معظم الدكاتره لا يعلمون معلومات عن هذه التخصصات لأنها بعيده عن ممارسه الطب فهى مهن اداريه بالدرجه الاولى...فقط اريد الاتجاه اللى أسال فيه للحصول على المعلومات.....ولكم جزيل الشكر











خلي مصيلحي مثلك الأعلي؟؟؟؟؟

أنا أسمى عبدالرحمن خريج مودرن أكاديمى (نظم معلومات عربى)، كويس فى الأنجليزى إلى حد ما، كمبيوتر بردو كويس اوى وكل ده مش مهم 

و تقريبا كل اللى أنا أتعلمته حاسس أنه مش مهم ولا الشغلانات اللى ممكن أشتغلها دى تناسبنى 

عندى طموح كبير جداً و واثق أنى إن شاء الله هحقق نجاح فى المستقبل

عارف أنا بعرف أعمل أيه كويس أوى و أمكانياتى بس مش عارف أيه أسم الشغلانه اللى بتعمل اللى هقولك عليه ده 

و بردو معرفش أخد شهادات أيه علشان أشتغل الشغلانه ديه

المهم

الأول أقولك أنا كويس فى أيه...

أنا عندى خيال واسع و أفكار بنائه جداً يعنى مثلا ممكن أكون بستخدم أى منتج بنستخدمه فى حياتنا اليوميه و يجيلى فكره أنه لو حصله كذا أو كذا يبقى أحسن وياه بقى لو ضيفناله كذا و الأفكار تنزل زى المطر بمجرد ما أدخل فى مود التفكير علشان أطور حاجه معينه وهكذا بقى زى اللى بيكتب شعر أول ما يحس بحاجه و يكون ماسك قلم تلاقى أيه بتكتب لوحدها و الكلام بييجى لوحده من غير تفكير
بس ده بيحصل لما أستخدم المنتج أو أى كان الشى اللى بفكر فى تطويره 

ممكن أطور خدمة، ممكن أطور فكرة، ممكن أطور نظام تعليمى، ممكن أطور أى حاجه بمجرد ما أعرف أبعادها و مشاكلها و أعيشها يعنى مثلا الأنترنت ياه لو كان ينفع أنا أتحكم فى الأنترنت جو مصر أو أعمل خطط للأنترنت أو مثلا أفكار لبيت مودرن أو حتى تطوير عربيات او كاميره أو موبايل او او او او (بس المهم أكون أستخدمت الحاجه و أعدت معايا فتره علشان أقول أيه العيوب اللى ممكن نشيلها من المنتج و أيه المزايا اللى ممكن نظهرها أكتر و أيه الأمكانيات اللى مش موجوده ممكن نضيفها)

أنا عارف أنا طولت عليكى أوى و كمان مقولتش كل اللى عندى بس يا رب تكونى فهمتى أنا أقصد أيه

 مستنى الرد

HR وبس !!!!



انا اول مرة ابعت حاجة لحدعلى النت بس الموضوع شدنى لانى بحب الموارد البشرية اوووى ونفسى اعرف كل حاجة عنها انا لسة طالبة فى كلية الحقوق جامعة عين شمس الفرقة الرابعةواشتغلت حاجات كتير فى الدراسة ولسة بشتغل اكتر الاوقات سكرتارية اسفة لاطالة انا عاوزة اعرف انا اعمل ايه علشان اكون مديرة HR يعنى من الاخر اعمل اية علشان اكون زيك شكرا 

الأحد، ديسمبر 19، 2010

اتفرج الأول ....والعب بعدين

السلام عليكم

ازيك رشا اسمى منى و انا معجبة بيكى جدا و بافكارك و نشاطاتك 

و انا قريت الموضوع ان فية واحد عايز يفتح شركة استيراد و مش عارف ازاى و عجبنى الموضوع فقلت اسالك
انا خريجة تجارة و معايا كورسات انجليزى و كمبيوتر كتييييير و مع ذلك مش لاقية شغل و من فترة بفكر افتح مشروع و اعمل business خاص بى و انا نفسى اعمل شركة كبيرة و على مستوى عالى و شيك لان انا اصلا نفسى اشتغل فى شركة كبيرة و شيك
بس المشكلة الكبيرة
  1.  انا مش عارفة اية الموطلوب فى سوق العمل من مشاريع لان مافيش مشروع معين فى دماغى و انا خايفة اعمل اى مشروع و مانجحش فية
  2. زى مثلا افتح شركة سياحة طيب مافية شركات سياحة كتييير دة غير ان السياحة ممكن تضرب فى اى وقت و بالتالى اخسر
  3.  الخبرة فى ادارة المشروع
  4.  التمويل كماديا للمشروع هايكون مثلا من اى بنك؟
  5.  و لو روحت للبنك التفاهم معاة على تفاصيل المشروع و تمويلة الكلام هايكون ازاى؟ط
شكرا لاهتمامك و تشجيعك للشباب

اسعي يا عبد !!!!!



سلام عليكم. ازيك يا رشا ؟ عاملة اية؟؟؟ أنا كنت عايزة نصيحتك فى حاجة. انا اخويا الصغير فى رابعة ألسن أسبانى يعنى خلاص أخر سنة السنة دى. هو نفسه اول م يخلص يشتغل فى  الشركة الاسبانية المصرية للغاز - سيجاس  اللى هى فى دمياط- احنا اساسا من دمياط - 

او حتى اى شركة محتر مة فى القاهرة مش مشكلة يعنى المكان  بس المشكلة ان انتى عارفة ان الشركات دايما عايزة وسايط و كدة. هو الاسبانى بتاعه كويس جدا قراءة و كتابة و كمان خد كورس فى معهد سيرفانتس و خد شهادة و هياخد كورس ICDL و كمان عايز ياخد كورس انجليزى ان شاء الله فى الترم التانى. قوليلى كل حاجة ممكن يعملها من دلوقتى عشان بجد يلاقى شغلانه محترمة و يحقق نفسه.

هو فعلا بيحب الشغل جدا مش واحد كسول يعنى. اتمنى انك تردى عليا فى اقرب وقت و بجد شكرا 

الست ملهاش غير بيتها .... والكمبيوتر بتاعها:)

ازيك رشا عن سمعتك امبارح في برنامج احمد يونس عالقهوة  والموضوع عجبني اوي وسمعت من على موقع لينكد إن ولسة اهو عاملة اكاونت عليه  وانا كنت عايزة اسألك على حاجة معلش انا خريجة كلية العلوم قسم رياضة وحاسب ومتخرجة من اربع سنين واخلة على الخمسة "وانا نفسي اشتغل شغل من البيت "بس طبعا ما بشتغلش ولكن المفروض اني هاخد كورس تسويق الكتروني في جامعة القاهرة .

ايه رايك في التسويق الالكتروني عموما ؟واناا بالنسبة لي اخد الكورس ده على العلم ان الكورس اصلا او الدورة كلها مكونة من عدة اجزاء وكل حاجة ليها تمن اقصد بفلوس معينة هي صحيح مدعمة لانها تبع جامعة القاهرة وهيديها مهندس اسمه خالد محمد خالد ولكن انا مش هاخدكها كلها لانها مكلفة بالنسبة لي و الدورة مكونة من حاجة اسمها التسويق الالكتروني , العمل من المنزل, ودروة البي تو بي الاستيراد والتصدير وحاجات تانية فهل اللي انا هاخدو "التسويق الالكتروني فقط" كافي اني اشتغل بيه؟؟؟

 واتمني اني اشتغل بيه وعلشان كده كتبت في البينات بتعتي لما سجلت في لينكد إن اني بدور على عمل والعمل هو الماركتينج والادفيرتيسنيح وبعد ما سجلت ودخلت لينكد ان لاقيت مكتوب جنب اسمي اني بروفيشنال في مجال الماركتينج  وطبعا انا مش كده فعايزة رايك ايه الصح اللي المفروض اعمله او اكتبه ؟وهل ممكن اعتبر ده متحقق على اعتبار ماسيكون بعد مااخد الكورس؟؟؟؟عايزة خبرتك ورايك...اسفة للتطويل, وكمان في حاجات مش فاهماها في موقع لينكد ان زي مثلا اب جريد للاكاونت يعني ايه؟وهل لازم كل ما ابعت رسالة لحد علي لينكد ان اعمل اب جريد للاكاونت؟؟؟

الكورسات دي كلام فاضي !!!!

انا خريج كلية زراعة دفعة 2008 بس انا مش حابب موضوع مهندس زراعي دا وبحب الشغل الإداري والمكتبي بس طبعا مش عارف إية طبيعة الشغل أو المسميات الوظيفية لأني بكل بساطة بتكسف أساس في حاجة إن حد يتريق عليا ومحاولتش اخد كورسات لأن الكلام اللي إتقالي أن الكورسات دي كلام ف الفاضي.

 عشان كدا انا بسأل حضرتك إبة المسميات الوظيفية وإزاي اتواصل مع الشركات القريبة مني يعني ف الشرقية والإسماعيلية والقاهرة دول أقرب المحافظات ليا بس دا طبعا بعد ماعرف انا المفروض اعمل إية لأني تعبت وبأمانة محدش فاهمني وكل لما اكلم حد يدخلي ف قصص وف موضوعات وشغل كذا وكذا وانا مش حابب الحاجات اللي بيقولوها انا عاوز الحاجة اللي انا بحبها واللي انا عاوزها بس لا أكتر ولا أقل 

هل دا ممكن ؟؟؟؟؟

هكون مبسوط لو رديتي عليا وعرفتيني انا ممكن أعمل إية عشان أنا مش عارف وحاسس إني تايه ومحبط ونفسي اسيب البلد دي عشان محدش بقي فاهمني 


يموت المعلم .... ولا يتعلم



انا حسه اني في دوامة بين اللي نفسي فيه والواقع.اتخرجت السنة دي من كلية هندسة وربنا رزقني علطول بمنحة ولسه مخلصها
انا عندي مشكلتين 
  1. .انا بقول عاوزة اعمل واعمل ولا انفذ ما اقول علي ان سهل تنفيذه ليه كده؟
  2. .نفسي اشتغل في شركة اتصالات كبيرة وابقي مهندسة ناجحة ومتطورة وعشان ابقي كده لازم اعمل حاجات كتير ومن الحاجات دي كان منها المنحة اللي اخدتها والمفروض اني اكمل الحاجات التانية اللي محتاجها

بس انا زهقت نفسي اشتغل واحس بالمسئولية وجيالي فرصة اني اشتغل بس مش الشغلانة اللي نفسي فيها.فكرت اني اقبلها اكسب منها عائد مادي والمساء اخد الدورات اللي محتاجها .

بصراحه خايفه من نفسي بسبب المشكلة اللي عندي(ا) وكمان خايفه لتجيلي فرصة تانية احسن وتضيع مني وفي نفس الوقت خايفة لتضيع دي مني رغم انها مش حلمي وكمان اللي مخليني مترددة اني سمعت من حد لو مجتلكش الوظيفة الكويسة خد كورسات احسن وانا بقول لغيت امتي اخد امتي بقي اقدر ادي؟؟؟

ارجو منك ان تردي عليا وتنصحيني

انا عايزه منظمات أنسانية!!!!!

سلام عليكم 

انا عايزه اخد رأيك فى موضوع

انا مهندسة اتصالات دفعة 2005 وبشتغل مهندسة كهرباء فى احدى المصانع 

بس للاسف انا زهقيت ومليت وكان بقالى فتره مش عارفة اغير ازاى مجال شغلى 

اخذت كورسات فى Project Management و Mini MBA وحاجات كتير فى ال Leadership لكن انا مش مقتنعه اشتغل فى الsales او Marketing 

المهم انا نفسى اشتغل فى مجال ال Human Relief لانى بحب الموضوع ده بس مش عارفة اخد كورسات فين لكى اكون مؤهله للعمل معاهم ...... ممكن تساعدينى اروح فين و اى كورسات...

الخميس، ديسمبر 16، 2010

أخيرا .... فاهم مش حافظ ...أشكرك يا رب

يارشا .. أنا بحييكى على مجهودك الكبير اللى انتى عامله على الجروبات بتاعتك . رشا عندى إستفسار .. أنا عندى حلم وإن شاء الله هيتحقق إن يبقى عندى شركة صغيرة للاستيراد والتصدير إن شاء الله .. ففكرت فى الخطوات اللى توصلنى للحلم لاقيت انى محتاج اعرف كل حاجة عن قوانين لاستيراد والتصدير واعرف اللعبة ماشية إزاى .. تمام  ..

 فقولت إنى أشتغل الاول فى شركة تخليص جمركى كا أول خطوة فى طريقى ..تمام ..... اسنفسارى منك عن حاجتين ..

ثانيا :  الوسيلة الوحيدة عشان اتواصل مع الشركات هيا انى ابعتلهم على الايميل الخاص بالشركة ... روحت رايح لصفحة يلوو بيج وعملت بحث  وطلعت كل مواقع الشركات اللى عايز ابعتلهم بس قابلنى عقبة ؟؟؟ ايه محتوى الرسالة ؟؟؟  يعنى ازاى هتكون فورمل ؟؟ وبعدين عندى عقبة هيا مش عقبة اد مهيا ميزة انى لسه بدرس فى كل تجارة .. وكمان كانت عايز اكتب انى ممكن اقبل التدريب من غير مقابل بس معرفتش اعمل ده إزاى ؟؟؟؟ حابب منك لو تقوليلى اعمل ايه او تدينى مواقع تساعدنى فى ده .. انا متأكد ان رأيك هيفرق معايا .... اتمنالك دايما التوفيق ومن نجاح لنجاح على طول

يا سلام كده لما تجيلي رسايل تبعث علي الأمل علي الصبح ..... الواحد كده يصطبح برساله حلوة من دول ... 

شوف يا سيدي .... دلوقت احنا لما بنخاطب الشركات بنكتب خطاب الأول اسمه Cover Letter و نرفق معاه ال CV الخطاب دا خطاب زي اي خطاب ...بشرح فيه انا براسل الشركة دي علشان ايه ... و هو عباره عن ملخص للCV بتاعتك ...اقولك ركز معايا .

  1.  هتحدد الهدف من الراسالة ايه .
  2. ترجع بالزمن لورا فاكر ايام اعدادي وثانوي .... لما كانو بيعلمونا ازاي نكتب موضوع تعبير أو Paragraph في الأنجليزي كان بيقولو ايه ... حدد عناصر الموضوع في نقط محددة و بعد كده شبك العناصر مع بعض في شكل قطعة بجمل مفيدة مرتبطه ببعضها .... دا بالظبط الي بنعملة في الخطاب .
  • بقسم الخطاب إلي 3 مقاطع (Paragraph ) يعني.
  • كل مقطع مقسم إلي عناصر أساسية .
  • كل مقطع بين 3 ل 4 أسطر ( خير الكلام ما قل ودل يعني ).
  • المقطع الأول .... بتكلم فيه عن نفسي و انا مين وقدراتي ايه و امكانياتي ومهاراتي ... الخ.
  • المقطع الثاني ..... بتكلم فيه عن سبب أرسالي للسالة دي و أنا عايز ايه من الشركة الي انا بعتلها و ايه الخدمات الي اقدر اقدمها ليهم .
  • المقطع الثالث ..... دا فيه كيفية الأتصال بيا واني في انتظار اتصالهم عيل الميل كذا و ارقام تليفونات كذا .
    3-  انهاء الخطاب بتحية لطيفة - و أسمي طبعا .
    4- بعد أرسال الخطاب ...مكالمة لطيفة اتأكد انه وصل .
    5- بعد ارسال الخطاب بحوالي أسبوع ..... مكالمة تاني لطيفة للمتابعة وتحديد معاد للمقابلة ... وهكذا.

بالنسبة لموضوع انك لسه طالب .... أنا شايفة ان دا مفيهوش اي مشكلة خاصة انك هتكتب مستعد اشتغل ببلاش .... 


واضح و محدد وصريح....فاهمه



السلام عليكم
كيف حالك يا رشا؟

الحمد لله أن وجدتك، من مدونة لأخرى وجدت كتابك"شركة اسمها أنا"، قرأته ثم بحثت عن موقعك و هأنذا أكتب إليك. لا أريد أن أسألك: أين أبحث عن عمل لأنك شرحتِ ذلك في الكتاب،  بل عن العمل المناسب لي، أريد أن أعرف المناسب لقدراتي و ما أعرفه و ما أحتاج أن أتعلمه، و أرجو أن تساعديني.

التحقت بالكلية باختياري لأني ظننت أني أستطيع أن أكون صحفية جيدة، أنا أحب القراءة و الكتابة منذ الصغر ولكن هل يكفي هذا؟ حاولت التدريب في جريدة و أكثر و لكن مشكلتي الأساسية هي في التواصل مع الناس فأنا لا أتكلم كثيراُ و تقريباُ ليس لي أصدقاء و أخرج نادراً.

أفضل التواصل مع الأشياء غير الحية -إن جاز التعبير- وهذا بالنسبة لصحفية مهمتها أن تسمع و تناقش لتكتب يجعل العمل صعباً جداً ، لكي لا أطيل عليك بعد نحو عامين من المحاولات غير الناجحة باستثناء كتابة بعض عروض الكتب تقدمت لمنحة وزارة الاتصالات "الجرافيك" ، لم أكن يوماً موهوبة جداً في الرسم لكن عموماً استفدت منها جداً ،و رأيت أنها أكملت لي مهارة الكتابة بمعرفة الكثير عن تصميم المواقع و تحرير الصور و الكتب.

آسفة على الإطالة ، ثم جربت العمل أخصائية صحافة في مدرسة حكومية و عملت فيها أكثر من عام لكن العمل لم يناسبني؛ لا أستطيع التواصل جيداً مع الأطفال و ظروف المدرسة لم تناسبني و شعرت أن لديّ أفضل ، تخلل ذلك عمل كمحررة لموقع عن بعد و التجربة كانت معقولة .

باختصار هذا ما لديّ من خبرات بالإضافة إلى استعداد كبير للتعلم و يسعدني جداً أن أتعلم الجديد.

سيرتي الذاتية فيها دورات الجرافيك المتعددة لكن لا أريد أن أعمل يه

الثلاثاء، ديسمبر 14، 2010

مفيش أكل في البيت .... اطلب ديلفري :)

انا بصراحه يأست من حياتي وحاسة بالفشل المدوي والله لاني اتخرجت واشتغلت علي طول 
فمكان ومنفعش اسيبوه وقولت باخد خبرة

 واكتشفت بعد سنتين اني صفر علي الشمال واني واقفه مكاني انا ديزينر في شركة ملابس بخبرة سنتين علي الورق لكن الخبرة الفعليه حساها شهرين وبس والله وكرهت نفسي ومجالي وقررت اغير المجال لتصميم ويب مجال محترم بس كلو عايز خبرة.


يعني بقت من الناحينين ديزينر اكني مليش خبرة والويب خلاص برضو مليش خبرة ومش عارفه اعمل ايه
لو الاقي شركات ويب تدرب المصممين انشاله ببلاش عشان احس اني عايشه
ارجوكي انصحينيييييييييي.


هو ليه كل الناس الي بتبعتلي مش عاجبها حالها و عايزين يغيرو و يروحو مكان تاني ؟؟؟؟؟؟

دو...ري... مي...فاصوليا:)

السلام عليكم ازيك يارشا لوحد متخرج من تربيه موسيقيه وهو بيشتغل فى مدرسه بس المرتب مش عالى وعايز يغير وظيفته ويشتغل فى حاجه تجاريه او اى حاجه متعلقه بالتجاره ايه الخطوات اللى يعملها وفى نفس الوقت يكون فى وقت صغير مع العلم هو عنده 25 سنه وفى نفس الوقت يحصل على راتب كويس ياريت تردى عليا


الحقيقة انا مش موافقة انه يسيب شغلة

الخميس، ديسمبر 09، 2010

أخبار أهرام جمهوريه


أخبار جامده جدا .... طازه جدا .... بنار الفرن:)


تم بحمد الله وفضلة وبركة دعاكم يا رب يخليكم ليا ... موافقة د/ حسن القلا رئيس مجلس إدارة الأكاديمية المصرية للتنمية البشرية بمدينة المعراج بالمعادي - بجوار كارفور  علي أن يتم أستضافة كافة الدورات التدريبية وكورسات اللغات و الكمبيوتر .... الخ.

المكان مجهز تجهيز كامل بأحدث تكنولوجيا ... نقدر نعمل كل الي نفسنا فيه ...

نص ساعة مشي .... تحل الموضوع

أولا كل سنه وأنتي طيبه أناكنت أعمل بقطاع البترول بنظام العقد ثم جائني تعين بالقطاع العام الحكومي  وهنا كان الفرق في النظام والإمكانيات خاصه أن مجال عملي في الأمن الصناعي الذي يعتبرونه إداري يعني علي الورق تقارير وملاحيظ لإخلاء المسؤليه علي عكس الخواجه في البترول الذي يعتبر الأمن الصناعي تروموميتر العمل مما جعلني في حاله من اللامبالاه يعني حضور وإنصراف وبس أما نفسيا فغير راضي عن نفسي

امشي عدل ... يحتار عدوك فيك


سؤاللى ياترى لو قبلت زميل لية فى الشغل او زميلة بالعربى كدة منفسنة
يعنى بتحب تظهر اوى على حساب الاخرين وبتوصل كل اخطائك للمدرين وبتنتهز اى فرصة عشان تعمل كل الشغل لوحدها وانتى فى الاخر يبقى صورتك وحشة قدام المرؤوسين اية الحل يبقى معاها والتعامل مع الشخصية المنفسنة دية ازاى

الأربعاء، ديسمبر 08، 2010

ابنك علي ما تربيه .... و مديرك علي ما تعوديه

اولا : باتشرف انى باكتب على صفحتك

مش هاطول وهادخل فى السؤال ...

كيف تتغلب ارادة النجاح على سلطة الفشل ؟؟؟؟
ولانى سألت السؤال ده قبل كده فى احد ندوات التنميه البشريه الا ان الجواب لم يكن شافيا على الاطلاق
بدعوى ان السؤال غير واضح ..
احب ان اوضحه
عندما يكون من بيده السلطه الاقوى هو الشخص الفاشل
بسلبيته ورجعيته وافكاره القديمه
كيف يواجهه من يسعى الى النجاح ...بارادته ..

اشكرك
واعتذر ان اطلت

لك منى اسمى ايات الاحترام

ياااااه ايه الكلام الكبير دا .... سلطه الفشل ... و أرادة النجاح ..... كلام كبير كبير .... طبعا صعب الأجابه عليه .... مش عارفه انا حاسة و الله اعلم ؟؟؟؟ ان معني السؤال

الأحد، ديسمبر 05، 2010

انت فين من زمان ؟؟؟؟!!!!


معلشى هطول عليكى بس الله يباركلك ردى عليا
انا هبه طالبه فى كليه الخدمه الاجتماعيه الفرقه الرابعه جامعه حلوان
بحب الشغل جدا بس نشاط مش تفكير يعنى ممكن اجهد نفسى جدا بس ع الفاضى
نفسى اعرف ابيع كويس اشتغلت فى شركه دعايه واعلان بس سيلز مش مدربه وحاسه بالفشل
وكمان اشتغلت حسابات وعملت الحسابات غلط واتجازيت على كده لحد ما كرهت نفسى
وانا ماديا مقدرش اخد دورات تدريبيه للتنميه البشريه ولا ااقدر اخد دورات تدريبيه اصلا

رجاااااااااااء لو عندك اقتراحات عليا تقترحى عليا اعمل ايه الله يخليكى


ياااااااااااااااااه حد عايز سيلز يا جدعان و بنت كمان .... اشكرك يا رب....
يعني انتي اختارتي الشغلانه الي كل الشباب بيرفضوها سبحان الله .... بس عارفه برافو عليكي انا مبسوطه جدا انك محدده و عارفه انتي عايزه ايه ودا أول سلمة في النجاح ...
عارفه شغلانة السيلز ليها مميزات كتير جدا .... اسمحيلي استنهز الفرصة و اشرحها يمكن الناس تغير رايهم ...
1-      السيلز مرتباااااتــــــــــــــــه كويسة جدا ... بس الي يلعبها صح و يعرف ازاي يستفيد .
2-      السيلز التدرج الوظيفي بتاعه هايل جدا .. افضل من اي وظيفة ادارية اخري ... خليني اقولك ازاي
  
عايزه اقول ان الترقيات بتوصل لحد مدير عام  دا غير ان الاداري بيفضل طول عمره اداري .... المبيعات .... بيتدرج لحد ما بيوصل لاداري ... بس مين يصبر ؟؟؟؟؟؟

طولت عليكي .... نيجي للحل .... انتي مش هتقدري تخدي كورسات علشان الأمكانيات .... دا موضوع سهل جدا ...

أولا عليكي و علي جمعية جيل المستقبل .... هتاخدي كورسات ومش هتدفعي فلوس دي كمان هتساعدك تجدي فرص عمل.

ثانيا عندك جمعية رسالة ... ليها فروع في كل مكان وفيه فريق اسمه انوار رساله ... بيدرس الكورسات و احيانا بتكون مجانية او بأسعار قليلة جدا .

ثالثا .... جوجل GOOOGLE... عليكي وعلي جوجل و اعملي ابحاث و اقري و اتعلمي ... يعني هي الكورسات بتيجي منين ؟؟؟؟ مهي من الكتب والمراجع؟؟؟؟

رابعا ... السيد الفاضل ... يو تيوب YOUTUBE  ... هتعملي بحث عن الموضوعات الي انتي عايزه تتعلميها مثلا مهارات البيع  هتجدي كم كبير جدا من المقاطع بالصوت و الصورة و هتتعلمي ان شاء الله ...

الحل دا حل مؤقت لحد ما تجدي شغل كويس و هم هيعلموكي .. او ساعتها ربنا يفرجها عليكي و تاخدي كورسات علشان يكون معاكي شهادات مش عارف منين و منين :)

ربنا معاكي ان شاء الله