ول الطريق من بيتي لحد ما وصلت عند راديو حريتنا علشان اقابل مصطفي ...ودماغي عامله زي المكنة ..افكار افكار ..بين الي بيقولو انه حد كويس و انسان خدوم ..وبين الي بيقول ...دا بيفسد في مجتمعنا ...و الي يقول دا بينادي بالتطبيع ... ,,,و الي يقول انه مثلي ... كنت خايفه جدا ...اسئلة كتير ...و مش عارفه اسئلها ازاي ...و ابتدب منين ...بس قلت و الله لهسأله و الي يحصل يحل ....
أحكيلي بأه ....مين مصطفي فتحي ....الي محير الناس...؟؟؟؟؟؟
تصدقي يا رشا ...دا سؤال صعب أوي ان الواحد يجاوب عليه ....صعب ان الواحد يعرف نفسه !!!
بس مصطفي فتحي ....حد ...زي اي حد ...لكن مش عايز يبقي زي حد ..... ربنا اداني قلم ...و كا قدامي حاجه من اثنين ....
اكتب كلام لطيف ظريف يعجب الناس ....
أو اشغل مخي و اكتب حاجات تستحق النقاش.......
صحفي ...و افتخر .....
كتبت 3 كتب ,,,,
أولهم كان..ما تيجي ننجح ..... و دا كان نفسي ان الشباب تبقي سوبر شباب .
و بعد كده ...بلد الولاد ......و الهدف الاساسي منه ..تقبل الاخر.
و حاليا....حدوتة عبريه ..... ودا عن الاراء الجماعية ...و ليه امشي ورارها بدون تفكير لمجرد ان دا الراي العام .
مبتخفش يا مصطفي من ان المجتمع ميتقبلش افكارك؟؟؟؟
لا مبخافش ...
مش شايف ان الافكار دي صعب علينا تقبلها في الوقت الحالي ؟؟؟يعني موصلناش لمرحلة تقبل الافكار الي بالشكل دا؟؟؟؟
محنا لو فضلنا نقول موصلناش ..موصلناش ...عمرنا ما هنوصل ...يبقي نكتب و لما نكتب ..هنعرف احنا وصلنا و لا لا....
بس انت بتتكلم عن افكار ...و مقدمتش حلول ...و طبعا بتكلم عن بلد الولاد ؟؟؟؟
مهو يا رشا انا مش حلال عقد ..و بلد الولاد اصلا في البدايه مكنش هيتكلم عن الفئة دي ...خالص ...الكتاب بيناقش فكره تقبل الاخر ..و أخترت أصعب نموذج ...يعني احنا لازم نكون واضحين ...يا اتقبل ...يا متقبلش .... يعني الموضوع مش ترديد شعارات وخلاص ...أتقبل الاخر ...في كل الاحوال و الاشكال و الاوضاع ...أو انا معنديش استعداد لتقبل الاخر ...
احكيلي يا مصطفي...ايه حكايتك مع مدربين التنمية البشرية؟؟؟؟؟
مفيش حكايه ...بصي يا رشا فيه مقوله مشهورة بتقول ...."الحكيم يناقش الافكار .....و الاحمق ...يناقش اشخاص "
انا بتكلم عن الفكره .. مش بتكلم عن شخص بعينه ...ولا اقصد اهاجم حد معين ...الكلام دا عن كل واحد يستخف بعقول الناس و يسخر منهم .... أنا كنت منتظر تعليق من مدربين التنمية البشرية ....يناقشوني ...محدش علق ...
و بعدين الموضوع كبر و اتزحم ...يعني واحد يروح يحدر ورشة لمدرب تنمية بشرية ...ياخد بعدها شهادة معتمده ...يبتدي هو كمان يدرب ....ازاي يعني ...؟؟؟؟؟
فيه موقف مشهور جدا حصل في برنامج شبابيك ...مدرب تنمية بشرية ...مشهور ....بيتكلم عن 5 خطوات تخليك مش عارف ايه المهم قال 4 خطوات و نسي الخامسه ...المذيع سأله ...طب الخامسه ايه قعد يفتكر ...معرفش ...قاله أكيد هتبقي حاجه ايجابية ..... لو هو مؤمن بالموضوع ...عمره ما كان هينسي ....
و بعدين باختصار " النجاح ....هو واحد عايز ينجح ...فهينجح "
غير كده ان كل المدربين بقي ليهم لقب ....المدرب الاول في مش عارف ايه ...المدرب المصري الوحيد في كذا ...الخ
شيء عجيب فعلا ...يمكن انا عقلي اقل من ان يستوعب هذا الابداع .....
و غير كده انا ليا اصدقاء كتير مدربين تنمية بشرية ...وفعلا بحترمهم كلهم .... لكن انا أعلن تعجبي ...
و تاني بقولك انا مش بنتقد الاشخاص ...انا بنتقد تصرفات ...
ايه حكايتك مع نهاد رجب .. و النوت الي كتبها عنك فيها نقد صريح ...و اسمك كان منور ؟؟؟؟
انا قابلت نهاد رجب مرتين ...و مره جه سجل هنا في الراديو ...و مفيش بنا حاجه ...لكن هو في فتره من الفترات كان مركز معايا اوي ...لكن الحقيقه انا مقرتش النوت الي هو كتبها عني ....لكن هقراها ...و لو كانت النوت دي نقد و مهما كان جريء انا متقبله ...بالعكس ناس كتير بتنتقدني ...وفعلا بتعلم من نقدهم ...و فيه نقد بيخليني اراجع نفسي ... ومازلت عند موقفي ...انا بناقش افكار مش اشخاص .
مصطفي ...كل الاديان فيها متعصبين وغير متعصبين ...ناس بتنادي بافكار و ناس تنتقدهم ...انت باه ليه مركز علي المسلمين بس ؟؟؟؟
ببساطه لاني مسلم .... بصي يا رشا انا لا أجرؤ علي أهانة الأسلام .... لكني بنتقد تصرفات المسلمين ...
و انا مش بتكلم في فتوي ...لكن ارفض الناس الي حافظه مش فاهمه .....فيه حاجات نفسية لو الواحد راح لدكتور نفسي ...تتحل ...لو راح لرجل دين ...متتحلش ...فيبقي كل حاجه و ليها حاجه يعني امور طبية لا دخل للدين فيها ...
مشيت يوم في الشارع ...لقيت كنيسة حاطه تهنئة للمسلمين بحلول العيد ...فقلت طب و احنا ليه منعملش كده ؟؟؟؟؟ هجوم كبير من ناس كتير ....طب ليه ..اد طلب عادي .....
طب تقول ايه للي بيقولو انك بتسمم عقول الشباب؟؟؟؟؟؟
هو لما اقول اننا نحب بعض ..و نعيش في سلام ...تبقي أفكار مسمومة ....بالشكل دا انا بفخر اني اسمم افكار الشباب....
مصطفي .....انت مقتنع بالاسلام؟؟؟؟
مقتنع جدا جدا جدا جدا ...و لو مكنتش مقتنع كنت تركت الأسلام فورا ....
طب و الناس الي بتقول انهم مش عارفين ملتك ايه؟؟؟؟
عارفه يا رشا الاعلان بتاع الفتايين ...الفتايين بتشجع و احنا معاهم؟؟؟؟؟
احنا كده نموت في الكلام علي بعض ..و نمشي ورا اي نقد وخلاص ...مبنحكمش عقلنا ....الحياه بسيطه ...بتحبني تابع كلامي ..مبتحبنيش ...متقراهوش ...بسيطه ....
و الي بيضايقني فعلا ...التناقض ...يعني مكتبة من المكتبات ...نزلت الكتاب بتاعي في بلد الولاد ...و بعد 3 شهور صاحب المكتبة قرر انه يقرا الكتاب ...وشاف ان الافكار الي فيه جريئة ....شال الكتاب من علي الاستاند و حطه في الدرج و قال للناشره ...كده ...فلما عرفت قلتلها لا خلاص احنا لما النسخ الي عنده تخلص اعفيه من الحرج ... وبلاش نوديله نسخ تانيه ....زعل جدا ...يعني تناقض ؟؟؟؟
صحيح الي بينتقدك ....بتعمله الغاء من عندك ؟؟؟؟
بصي الي بيهيني ...بشيله ...لكن الي ينتقدني باحترام ..... رايه بينال التقدير .... و عملت صفحة كارهي مصطفي فتحي ...يدخل عليها يقول الي في نفسه ...لكن يبقي عندي صديق ..و يهيني ....دا غير مقبول ...
مع انك يا مصطفي لسانك ...ميتوصاش.....
انا عارف انتي بتتكلمي علي التوبيك الي فيه لفظ معين .....و انا فسرته ...وقلت انه مش عيب .....
التوبيك الثاني .... ليه الناس فهمت غلط ....انا كتبتها يوم راس السنة ...فقلت دي حمرا ...كبيره ....يعني هديه حمرا
كبيره ...الناس هي الي فسرتها غلط
الناس بجد يا رشا عدوة الي متعرفوش ....انا نفسي نبطل نفاق ...
و انتهت قاعدة صحاب ....مع مصطفي فتحي ....بعد ساعتين تقريبا .....!!!!
ارجو ان قاعده صحاب النهارده ....تكون وضحت ...مين هو مصطفي فتحي الي قال للشباب ما تيجي ننجح ...علي طريقة بلد الولاد ....في حدوته عبرية ....
استنوني في قعدات تانية .... مع صحاب تانين ....
وقاعدة صحاب مع رشا خليفة
مستنية رأيكم ...
للاشتراج في جروب قاعدة صحاب ...مع رشا خليفة
دا الينك
http://www.facebook.com/rkhalifa?v=app_2392950137&ref=profile#/group.php?gid=233848726828&ref=search&sid=614928693.2794355304..1
.jpg)
