كل يوم مهارة .... ادارة الوقت 2

نكمل كلام عن ادارة الوقت ...

ادارة الوقت يا جماعة ليه فوائد كييييير جدا ... المشكله اننا مش بنحس بفايدته قبل ما نشتغل علي نفسنا في تنظيم اوقاتنا احنا بنحس فوائده اول ما نبتدي نرتب حياتنا وننظم وقتنا لان النتائج بتبان .. خيني اكلمكم عن الفوائد الي هتلاقوها لما ننظم وقتنا

n       الشعور بالتحسن بشكل عام في حياتك .

n       قضاء أكبر وقت في التطوير الذاتي .

n       إنجاز الأهداف والطموحات الشخصية .

n       تحسين الإنتاج . ( صلح الحديبية )

n       التخفيف من الضغوط في العمل والحياة الشخصية .

n       قضاء أكبر وقت مع العائلة والاسترخاء والراحة .

علشان ننظم وقتنا فيه شوية حجات ممكن تساعدنا بشكل كبير في التنظيم منها

واصل القراءة

كل يوم مهارة ... إدارة الوقت 1

ادارة الوقت دا موضوع مش صعب ابدا ... المساله بس محتاجه محاولات مستمره وكمان شوية تدريب وبكده الدنيا هتمشي ،وعلي فكره احنا بنفذ دا دايما ... يعني اصلا احنا بنظم وقتنا في امور حياتنا العادية بتلقائية و من غير ترتيب يعني مثلا الصبح و انت رايح الشغل .. بتصحي من النوم تحط البراد علي النار وتطلع العيش تحطه في الفرن علشان يسخن وعلي دا ما يحصل تكون ااخدت الدش المتين وتخرج تصب الشاي ولا النسكافيه وعلي ما يبرد تكون لبست هدومك وبعدين تفطر ووانت بتفطر تبص بصه علي الجرايد تعرف اخبار الدنيا ايه ولا تتفرج علي برنامج صباح الخير يا مصر علشان تشوف احوال الدنيا ...وبعدين تنزل تروح علي شغلك ... حتي لو مبتعملش كل دا ... هتلاقي برضه انك بتنادي علي ماما تكوي القميص علي ما تاخد دش .. مش بقو لكم ان الموضوع بسيط .

واصل القراءة

كل يوم مهارة .... التفكير الابداعي

من وجهة نظري الإبداع موضوع مش من الصعب اكتسابه .... والابداع من العوامل الهامة جدا في التطور الوظيفي لان الشخصير المبتكره غالبا ما بيكون بالبلدي كده نجمها طالع وبيتم الاعتماد عليها ...

من وجهة نظري الشخصية المبدعة هي الشخصية القادرة علي التفكير برا الصندوق "out of the box " والحقيقة الاسلام حسنا علي التفكير ودا من خلال كلمات مفتاحية متمثلة في (يعقلون في 22 آية، تعقلون في 24 آية، الألباب في 16 آية، الأبصار في 9 آيات) كما أشار إلى الفكر والتفكير تحت كلمات مثل (يتفكرون في 10 آيات، تتفكرون في 3 آيات) وفي هذا دليل واضح على الاهتمام بالعقل و التفكير بشكل عام.

واصل القراءة

كل يوم مهارة .... "التخطيط"

النهار ده عايزه اتكلم معاكم في موضوع مهم جدا ... التخطيط ..

التخطيط حاجه مهمه و اساسية مش بس في شغلنا لكن كمان في حياتنا .. كل واحد فينا المفروض يكون مخطط لحياته ومستقبله ومحدد بالظبط كل خطوة هتوصولوا لايه و هيوصل ليها ازاي؟؟؟

عايزه اقولوكم ان التخطيط دا مش حاجه جديدة ولا حديثة ... دا من بداية الخلق ... قصص التخطيط كثيره جدا في القران الكريم ...  يعني مثلا قصة سيدنا يوسف كانت مثال رائع جدا علي التخطيط ...

"يوسف أيها الصديق أفتنا في سبع بقرات سمان يأكلهن سبع عجاف وسبع سنبلات خضر وأخر يابسات لعلي أرجع إلي الناس لعلهم يعلمون. قال تزرعون سبع سنين دأبا فما حصدتم فذروه في سنبله إلا قليلا مما تأكلون ثم يأتي من بعد ذلك سبع شداد يأكلن ما قدتم لهن إلا قليلا مما تحضون ثم يأتي بعد ذلك عام فيه ياغاث الناس وفيه يعصرون" "46 - 49 يوسف".

واصل القراءة

مهارات المراسلات 2

نكمل باه الكلام عن المراسلات

النهار ده هنتكلم عن كيفية الكتابة وشوية نصائح كده ناخد بالنا منها اثناء الكتابة ... المراسلات ليها دور جامد جدا علي مر التاريخ يعني لو نرجع بالزمن كده ايام الفراعنة فاكرين قصة الفلاح الفصيح الي من خلال مراسلاته للملك استطاع انه يحصل علي كل ما يريده ... وخلال الاسلام كانت المراسلات هي الوسيلة للدعوة لدين الاسلام زي ما شفنا في الموضوع  الي فات ...

واصل القراءة

أصلو عربي ... مهارات المراسلاات 1

 قررت طول شهر رمضان ... اني اغير جملتي الشهيرة " الخواجه بيقول " إلي جملة اخري و هي " الأسلام بيقول" المساله ببساطه ان بشويه بحث صغيرين جدا لقيت ان كل المهارات الي الواحد بيتكلم عنها موجوده في الاسلام بشكل واضح وصريح ...

اول موضوع هنتكلم فيه هو المراسلات الإدارية ....

المراسلات موضوع مهم جدا لكل الناس علي فكره ... علشان كده انا فاكره علي ايامي وانا في 2 اعدادي اتعلمنا في الانجليزي كيفيه كتابة الرسائل ... وساعتها عينكم ما تشوف الا النور كتبت جوابات للعيله كلها هو كده .. مش اتعلمت حاجه جديدة التطبيق واجب ...

ولما كبرت شويه كان نفعتني الجكايه دي جدا ... لدرجة ان زمايلي كانوا لما يحبو يقدمو طلبات لرعاية الشباب ولا هيعملوا اي نشاط كنت انا بكون كاتب الفريق   ...

واصل القراءة

كل يوم مهارة ....كل إناء ...ينطح بما فيه!!!!

 

انتو عارفين اني دايما بقول ان المؤسسة ما هي إلا مجتمع صغير .... يشبه المجتمع الكبير الي احنا عايشين فيه .... يعني الموظف في الشركة ما هو إلا نتاج اسرته و تربيته و مجتمعة .... ومن هنا جاء عنوان تدوينه اليوم " كل اناء ينطح بما فيه" الكلام دا كلام صحيح بنسبة كبيرة جدا .... فالإناء الذي امتلأ بالغيرة والحقد وتصيًد السلبيات لا يمكن ان يفيض إلا بكل المشاعر السلبيه مهما حاولت ان تتفاءل بان الاناء بذرة يمكن ان تنبت يوما نبته صالحة .....

 بس علشان انا شخصية متفائلة ... و مقبلة علي الحياة .... بقول اننا برضه لازم نحاول .... و لو فشلنا فيكفينا شرف محاولة الإصلاح :)

واصل القراءة

كل يوم مهارة ...كتر الطباخين .... يفسد الطبخة :)

 

 انا النهار ده جايه اكلمكم عن موضوع مهم جدا ....

عارفين يعني ايه أزمات ؟؟؟؟

طبعا العارف لا يعرف .... علي اساس ان حياتنا كلها اصبحت ازمات ....

انا بتكلم النهار ده عن الازمات الي ممكن تواجه المؤسسات ... الازمات ليها اشكال كتير ... ممكن المؤسسة تولع – او تخسر فلوسها في البورصة – أو تفقد التمويل مثلا ....

فيه ناس كتير وضعت تعريف للازمة ...

واصل القراءة

كل يوم مهارة ....ابعتلي شكرا...!!!!!!!

لما بنتكلم عن الأتيكيت ... أول حاجه بتيجي في زهننا الملابس السينيه والبرفانات الفرنساوي الي ريحتها تجيب آخر الشارع و 

العربيات ال 7 متر .... تفتكر  شويكار مع فؤاد المهندس في مسرحية سيدتي الجميلة ...

لكن لو أتكلمنا عن الأتيكيت في العمل ... فهو ببساطه شديدة جدا مجموعة من السلوكيات لو الموظف قام بإتباعها تحسن من صورته

 وبالتالي هـ يحصل تحسن في الصورة العامة للمؤسسة أو الشركة

كان ليا مدير زمان ليه مقوله شهيرة جدا     " الإدارة شياكة و إتيكيت " كانت وجهة نظره آن الفن في التعامل مع الناس هو أساس

 الإدارة الناجحة .... يعني كلما كنت أكثر شياكة و لباقة وحسن معاملة ... كلما كنت موظف أفضل ...

واصل القراءة

ممكن اعرف ... هتتحرك امتي؟؟؟؟!!!!!

 التدوينة دي تدوينه ثائرة .... حادة ... غاضبة ... !!!!!

مصطفي يساعد في جمع كسر الخام

للمرة ال 7 مليون بفكركم ... المؤسسة الي بتشتغل فيها هي مجتمع صغير ... يعني سلوكياتنا داخل المجتمع الصغير دي هي برضة هتكون سلوكياتنا في المجتمع الكبير الي إحنا عايشين فيه ...  كل يوم بنمر بمواقف ملهاش أي 30 لازمة ... هديكو شوية أمثلة

واصل القراءة

خطط مستقبلك وشتغل في فريق

ساقية الصاوي - مبادرة العمل عبادة 

اتكلمنا عن ازاي اخطط لمستقبلي و ادور علي شغل وكمان لما اشتغل ازاي اشتغل في فريق :) 

وطبعا كالعادة مش مخلية نفسكم في حاجه .... محتوي محاضرة النهارده اي خدمة :) 

واصل القراءة

متبصليش بعين رضيه .... شوف الي أتدفع فيا !!!!

و انت ماشي في الشارع تلاقي العربيات الكبيرة وسواقين الميكروباص والتاكسي وحتي التوكتوك ... كاتبين جمل زى " متبصليش بعين رضية .. شوف الي اندفع فيا " أو " يا ناس يا شر كفاية قرر " .. أو " العين أصابتني و رب العرش نجاني " ... كل الجمل دي علشان تبعد عين الحسود ... دا غير الخرزة الزرقاء وفرده الحزمة المتعلقة في آخر العربية مش عارفه فردة الحزمة الصغيرة هتعمل 

إيه لطرد الحسد ... لكن ما علينا

الحسد معروف و مذكور في كل مكان ... الشغل كمان فيه حسد وغيرة ... مهي المؤسسة يا جماعة ما هي إلا مجتمع صغير فيه كل حاجه موجودة في المجتمع الكبير الي إحنا عايشين فيه ...

واصل القراءة

اعلان هاااااااااااااام

يوم الجمعة الموافقة 27 يناير 2012 ... ساقية الصاوي قاعة الكلمة ... وكلام عن سلوكيات العمل ...

هكون في ضيافة مبادرة العمل عبادة 

هستناكم ... الدعوة عامة :)

جدول ساقية الصاوي 

واصل القراءة

كل يوم مهارة ....اجتماعات الديوك الشركسي ....

في الافلام القديمة تلاقي ان دايما فوق السطوح شش فراخ ... و غالبا كل عشة بيكون فيها ديك ...

وتسمع سيمفونية من الصياح المتواصل ... كل ديك بيتفنن ازاي صوتو يكون اعلي ... مهو ديك البرابر باه ... ماشي علي السطوح يتمختر و يقول يا ارض اتهدي ما عليكي ادي ....

دا بالظبط الي بشوفو في الاجتماعات ... انا بشتغل من 1997 تقريبا حضرت اجتماعات بعدد شعر راسي ... منها اجتماعات كنت بحضرها عادي و منها اجتماعات كنت بحضرا بحكم وظيفتي كسكرتيرة ومسئولة عن تنظيم الاجتماع ومؤخرا ... بحضرها بصفتي Middle management ....

واصل القراءة

كل يوم مهارة ....هل انت موظف سمكة ؟؟؟؟ ام دجاجة ؟؟؟؟؟

الحكاية ان واحد موظف راح علي مدرة و هو مش طايق نفسه ....  و بيطالب انه يترقي زيه زي باقي زميله الي معاه في نفس المكتب !!!! و طبعا نزل زم في زميلة انه مبيشتغلش ... وانه مبينتجش ... الخ

مديره سال سؤال ....

هو انت موظف سمكة ؟؟؟؟ ولا موظف دجاجه ؟؟؟؟

الموظف سكت شوية .... و اتنرفز اكتر ... هو انا جاي اشتكي ولا جاي علشان حضرتك تتريق عليا؟؟؟؟؟

المدير رد عليه ...يا أخي الدجاه بتبيض كل يوم بيضه ... لكن تفضل تكاكي وتسمع الجيران .. يعني يالي مشفتش شوف .

اما السمكة ... بتبيض كل يوم الاف البيض تحت الصخرة .. ولا من شاف ولا من دري...

واصل القراءة

فضفضة سنة 2011

بصفة اننا داخلين كده علي ابواب سنه جديدة .... ان شاء الله تكون احسن من السنة الي فاتت ....

قلت باه افضفض و اطلع الي في قلبي .... انا جبت نفسي ... و عشت عليها دور الدكتور النفساني و قتلها قولي يا حبيبتي مين بس الي مزعلك ؟؟؟؟ فكانت النتيجه 3 ساعات رغي رغي رغي لما دماغي وجعتني منها بس استحملتها مهي نفسي برضه اروح منها فين؟؟؟؟

المهم مش عايزه اطول عليكم ... انا هقولوكم هي قالت ايه ... و انتو احكموا :) ... وطبعا كل لبيب بالاشارة يفهمو ... نبتدي بالناس الي مزعلينها ....

واصل القراءة

انا ... ليا تصور تاني خالص :)

الواحد كل يوم بيمر بمشاكل و بصعاب في الحياه ... و فرص بتعدي و مبيلحقش يمسكها ...
لكن نظرتنا للامور بتختلف من واحدد للتاني .. كل واحد ليه وتصور تاني خالص !!!!

هحكيلكم حكاية بائع الاحذية ....

واصل القراءة

خناقشة ال50%

موزا بعد ما نوفا خطفت منه الفرصة في شركة التصدير .... تفكيره أتغير 180 درجة و ما شاء الله ركز في هدفه و ربنا أكرمه بشغل في شركة اتصالات ... شركة كبيرة و مرتب محترم ... و هو كمان يحب الشغلانه دي ...

و نوفا طبعا ركزت في شغلها كمنسقة تصدير واستيراد و مديرها كان محترف ... يعني عارف يعمل إيه أمتي و أزاي .. و فوق كل دا عارف كويس أوي يستفيد من قدرات فريق العمل إلي يشتغل معه ...

واصل القراءة

خناقشة ...ياباني !!!!!!

لو فاكرين نوفا كانت بتشتغل ايه؟؟؟؟؟

نوفا كانت بتشتغل خدمة عملاء في كول سنتر ...و بتاخد كورسات كمبيوتر و انجليزي ....

المهم نوفا كانت دايما بتابع مع شركات التوظيف علشان تخرج من جو... الكول سنتر الي يرفع الضغط ...

في يوم ...شركة من الشركات اتصلت بيها ...و قالت ان فيه وظيفة سكرتيره في شركة كبيره ...كل الشروط انها تعرف كمبيوتر و تتحدث الأنجليزية بطلاقة ....

نوفا قالت تجرب حظها ...و علشان هي لبقه ...و تبيع الميه في حارة السقايين ...اقنعتهم بيها ...و الشركة عينتها في 

وظيفة سكرتيرة تنفيذية .... و ما أدراك ما السكرتيرة التنفيذية ....

واصل القراءة

ايد لوحدها .... متسقفش !!!!!!

اليوم كان يوم جامد جدا بكل معاني الكلمة .... علي راي الست سومة ... ما يتحسبش من عمري :)
النهارده كان المفروض اني اكرم فريق العمل الي بيشتغلوا معايا .... تصدقوني لو قلتلكم اني حسيت من جوايا اني انا الي بتكرم

ربنا يديمها علينا نعمة فريق العمل الي بيحب بعضه ..... و يبعد عننا عيون الحاسدين :)

كلامي النهارده عننا ...

فريق العمل حاجه مهمه جدا .... مهم ان الناس تكون متفاهمه مع بعضها و بتحب بعضها بجد ... مش مجرد شعارات مرفوعة

واصل القراءة