الخميس، يونيو 10، 2010

عسل أسود




من كام يوم كده قلت اعدي علي النادي .... تغيير يعني :)

المهم ...لقيت مجموعة كده سلمت عليهم وقعدت ...

  فتح الحوار علي فيلم أحمد حلمي عسل اسود ....

وقلتلهم الحقيقه الفيلم عجبني جدا جدا جدا اخر حاجه .... لكن حاسه انه اوفر شوية يعني الدنيا مش كده .... يعني الدنيا لطيفة و ظريفة وبنت ناس ....

لقيت حرب طروادة شنت عليا .... أصلك مش عايشه في البلد دية....

ليه بس يا جماعة ...

دا دلوقت الواحد لما يحب يطلع بطاقة بيدخل يقدم الطلب من الانترنت والبطاقة تجيله علي البيت .....

أنا فاكره إني طلعت جواز سفري في نص يوم .... كام ساعة يعني .... عادي

مش عارفه .... أنا حاسة إن الدنيا لطيفة .... صحيح في مشاكل ...

بس يعني مهو مفيش حلاوة من غير نار ...

يعني فيه زحمة شويتين تلاته أربعة ..........

بس فيه أتوبيسات ولكل المستويات ...

يعني المكيف و الأتوبيس الجديد الأحمر دا ...والمني باص و المترو ....

 الي مقتدر يركب الغالي و الي مش قادر يركب الأتوبيس الثاني .... مأزمينها ليه؟؟؟؟

يمكن باصه لنصف الكوبايه المليان .... ودي حاجه مش مزعلاني :)

علي فكره الفيلم جامد جامد جامد جدا ............. أنا دخلته مرتين 

0 التعليقات:

إرسال تعليق