الثلاثاء، يناير 11، 2011

مين عايز يشتغل في شركة بترول؟؟؟؟؟

الثلاثاء, يناير 11, 2011    21 تعليقات



سلام عليكم
ازيك يااستاذه رشا
انا عارفه وكنت سمعتك قبل كده بتكلمي عن فرص عمل للخريجين
وكنت بسألك لو تعرفي فى مجال البترول انا خريجه علوم قسم جيولوجيا
انا مش عارفه التواصل يكون ازي الحقيقه
اني ابعت السي في بتاعي مثلا وهو موضح كل حاجه ولا اعمل ايه
لو ممكن تفيديني يبأه جزاكي الله كل خير

شركات البترول .... ناس كتتتتتتتتتتتييييييييييير جدا ... عايزه تشتغل في شركات البترول النهارده و بعد لقاء مع احدي العاملات في شركات البترول للاجابة علي اسئلة كل الراغبين في العمل بشركات البترول و كمان الي بيقولو ان شركات البترول بالوسايط وبس .... لا الموضوع مش كده ... انا شخصيا أعرف اكثر من شخص اشتغل في شركات بترول بدون واسطه :)

اولا ... الفئات الي بيطلبها قطاع البترول ...

- خريجي الهندسة و العلوم .... بالاضافة للتخصصات الادارية ودي مش كتير زي الحجات التانية ..

ثانيا ... شركات البترول بتاخد مين ... عندهم اولويات كالتالي 

- أوائل الدفعات ... ( يعني علشان تشتغل في شركة بترول لازم تكون من ال10 الأوائل ).
- حاطط السيرة الذاتية بتاعتك في شركة توظيف.... لانهم بيعتمدوا بشكل كبير علي شركات التوظيف و الشركات الكبيره منها بشكل خاص..
- قدمت عن طريق اعلان من اعلانات الجرائد.
- اشتغلت في قطاع البترول قبل كده ... لانهم بياخدو من بعض .

معظم شركات البترول .... شركات عالمية و الي ماسكينها اجانب .... الاجانب معندهمش وسايط ...

ثالثا .... اجتياز الأختبارات و المقابلات ....

القطاع دا دونا عن غيره من القطاعات الأخري ... المتقدم ليه بيمر بعدد كبير جدا من الأختبارات سواء في مجال التخصص أو في اللغات أو في المهارات الشخصية أو في الذكاء كمان ...

طيب ... علشان اشتغل في شركة بترول ايه المطلوب ؟؟؟؟؟؟
  1.  تقدير كويس جدا جدا جدا ...
  2. مهارات شخصية و لغة و كمبيوتر ... برضه كويس جدا ...مهو انت هتشتغل مع اجانب اكيد مش هتتعامل معاهم بلغة الاشارة:)
  3. تبعت الCV لشركات التوظيف ودي هتعرف تجيبها عن طريق جوجل ...
  4. تقدم بشكل مباشر في الشركات ... معظم ادارات الشركات موجوده في المعادي ... 
  5. متابعة اعلانات الجرائد ...
  6. متابعة اعلانات غرفة التجارة الأمريكية ...
افتكر بكده اكون جاوبت علي كيفية العمل بشركة بترول .... عايزه افكركم ان كل شيء و ليه ثمن ... و الي عايز يتكحل .. يشتري مكحلة ... مش كده و لا ايه؟؟؟؟؟


21 التعليقات:

اختلف جملة وتفصيلا معك استاذه رشا

90% بالواسطه
لا يحتاج الى انترفيوهات كثير
مش شرط التقدير يكون عالي اطلاقا

لو قريت المقال كويس هتلاقي اني عندي اكثر من 3 شخصيات انا اعرفهم و هم اشتغلوا من غير وسايط .... دا غير اني اتكلمت مع احدهم الي هو شغال جوا شركة بترول ... هو الي قال ان دي الشروط المتفق عليها في كل شركات البترول :)بس لو انت عايز تفتضل مقتنع انها واسطه خلاص براحتك متعملش اي حاجه من دول و استني الواسطه :)

وأنا والد صاحبي مدير احدى شركات البترول المشهوره
وانا عارف نظام التوظيف فيها

وبالمناسبه انا مش مستني واسطه في شركة بترول

انا بس حبيت اصحح الكلام اللي حضرتك قولتيه اللي انا شايفه من جهة نظري خطا

ومش معنى ان حد اشتغل من غير واسطه يبقى ده قاعده

لا القاعده هي الواسطه شئت ام ابيت

انا اتفق مع عبد اللطيف ودة عشان انا ابويا واخويا شغالين فى شركات بترول وعايزة اقولك ان تلات اربع الشركات اللى هية حكومية اللى حضرتك بتقولية دة ينطبق على الأجنبية لكن الحكومى كلة مش وسايط اللى يعرف حد يجيبة وبيشتغل فى ساعتها من غير انترفيو وان شاللة يكون سقط تسعين مرة بس هى معرفة بحد جوة وبس كدة دة الحكومة انا بس حبيت اقولك الجو عامل ازاى ومشكورة على نصايحك القيمة جدااااا

فعلا يارشا الوساطة هى نمبر وان لانى انا بعرف ناس ولا بتفهم حاجة غير انهم عاملين كام شهادة كمبيوتر ع كام شهادة لغات بالوسطة وع يدى والله العظيم ولا فيهماى مؤهلات من اللى انتى بتقولى عليها غير ان ابوهم فلان بيعرف حضرة الفلان الوسيط واهى كوسة وماشية ف البلد يعنى فى ناس كتير تستحق تشتغل ف البترول ومؤهلات جدا لكن مش معهم الوسطةواهلهم غلابة فبياخدو اللى بيدفعوا فلوس واللى معاه وسطة واللى ابوه فلان ملعون ابو الكوسة والوسطة والمحسوبية علشان فى مصر مصر شباب بنات ورجالة زى الورد مش واخدين فرصتهم منتظرين ايه من بلد رئيسها الفساد ربنا يستر ع مصر والله العظيم ما فى احسن من المصرى ف ذكائه ومستوى ادائه ف الشغل لكن للاسف بلدنا مضيعة حقوقنا ياريت نشوف البلاد التانية بتعمل ايه لولادها حرررررررررررررررررررام

هذا الكلام معزرة وتقديرا لكى ولكنوا غير صحيح بالمرة الشغل فى البترول كلوا بالوسايط حتى علشان تدربى فية وانا مهندس واتدربت فى شركة بترول وكان بواسطة وحتى الشغل ولا بيحتاج تقدير كويس ولا وحش ولو بمقبول حتى طالما معاه وسطى هتدخلوا الشركة

الواسطه الاساس فى كل حاجه فى مصر

اوك ما علينا يا اختي رشا انا اهو مش شغاال وكاان نفسي اشتغل في شركه بترول بس قالولي وسطه طب ايه بقي مفيش وسطه علي العموم انا معااكي لو الشغل من غير وسطه طب ياريت اشتغل في شركات بترول مستمره مش في فروع كلها كاام شهر ويصفولي لالا
ده ايميلي abdoamer66@yahoo.com , ودخ موبايلي 01099896506
ياريت لو عندك مكاان ليه في شركه من شركاات البترول انا اهو اولااا بيها انا معايه دبلوم تجاره وعمري 22سنه ومش متزوج عشاان ماتكونش حجه

انا جيولوجيه و من الاوائل كمان و طبعا بتقدير و على فكره استاذه رشا عملت كل اللى بتقولى عليه ده روحت و قدمت مادخلونيش من الباب لانى ببساطه معاييش واسطه و مش شركه واحده لا اكتر من شركه من اللى حضرتك بتقولى عليهم فى المعادى ... استاذه رشا مع احترامى لكلام حضرتك لكن الحقيقه الواسطه هى الحل

ايوة يعني تقدير جيد جدا كويس ولا لا......

هي شركات البترول بتقبل معاهد

استاذة رشا الواسطه هى اللى شغاله وبلاش تاخدى الكلام بسخرية

استاذة رشا داخلة بوسطه وعايشة بعالم الأوهام بلاش قرف بئا

كفاية كدب بقى يا استاذة رشا كله بالواسطه بقى

كلام كذب حرام عليكم تتاجروا بأحلام الناس

عايز اشتغل في شركة بترول
انا حاصل على بكالوريوس تجارة قسم محاسبة

حضرتك أنا خريج كلية هندسة البترول قسم الحفر. ومازال ابحث عن العمل. وقدمت في شركات ولكن لم احصل على رد

إرسال تعليق