انا لسة متخرج طازة (هندسة اتصلات) و ياريت حد يدلنى ادور على شغل ازاى ..انا دخلت على كزا موقع و بصراحة تهت ومش عارف ادور ازاى ..و بالنسبة للكورسات محتار جدا كل ماجى اخد كورس ناس تئولى دا غالى و ممكن متحتاجوش فى مجال الشغل انت دور على شغل و بعدين شوف الكورسات اللى تسعدك
طيب ايه رأيك لو درسنا السوق و عرفنا أحتياجاته و السوق محتاج لوظائف ايه وكمان ايه الكورسات الي تؤهلني لذلك ؟؟؟؟؟
انا مش متفقه مع مبدا انك اشتغل الاول و بعدين خد كورسات ... يعني انت متخرج جديد و السوق بيحتاج لناس عندها خبره ... مش كده؟؟؟
مهو انا كشركة مش هعينك عندي غير لو كان فيه استفاده هتيجي من وراك .... يعني خبره سابقة أو علم ؟؟؟؟ و العلم هيجي من الدراسة و الكورسات و الخبره هتيجي من الشغل .... ها هتختار ايه؟؟؟؟ تسمع كلام الناس و لا تبتدي تدور علي احتياجات السوق؟؟؟؟
و طبعا قبل ما تسألني هتعرف السوق محتاج ايه منين ... بسيطه جدا ...
هتجمع عينة عشوائية من الشركات ... و تتصل تسأل عن مسئول الموارد البشرية ... و تقول انا فلان ... وبعمل بحث عن احتياجات السوق و كنت عايز اعرف انتو بتختارو الناس الي تشتغل علي اساس ايه؟؟؟؟ و ايه الكورسات الي بتفضل وان الواحد يكون واخدها ؟؟؟؟ وطبعا تختار الشركات الي فيها المجال بتاعك .. و ربنا معا كان شاء الله..
2 التعليقات:
انا تقريبا في نفس ظروف الباشمهندس اللي يفرق التخصص
وحاسة بالكلام اللي بيقوله جدا
اصل بصراحة صعب اني اخد كورسات هتكلفني الافات ( وطبعا مش هتكلفني انا .. هتكلف اهلي اللي طلع عينهم عشان ابقى مهندسة )وممكن في الاخر اشتغل في حاجة مالهاش علاقة بالكورس او حاجة تتطلب مني اني اخد كورسات مختلفة خالص
و للأسف اغلب مديري الموارد البشرية بيبقوا خريجي تجارة ومش ملمين بالكورسات المطلوبة للخريجين اللي هيشتغلوا عندهم
دا غير ان مدير الموارد البشرية مش هو اللي بيعمل المقابلة الانترفيو يعني في اغلب الاحول !!!!!!!
ايه الحل يا رشا
وربنا يجازيكي كل خير ويوفقك لسواء السبيل
جهاد ... طالما انت عارف مين الي بيعين في الشركة اتصل بيه و كلمه هو شخصيا ... انت المفروض انك بتعمل بحث و بكده ان شاء الله توصل للمعلومة الي انت عايزها ... المهم انك تعرف وتعرف من مصدر موثوق فيه .. و بعدين الباقي بايد ربنا ان شاء الله
إرسال تعليق