ماتوكيا كلمني من كام يوم و طلب مني نتقابل لأنه عايز يشتغل بأه ....
رديت و قلت و ماله نتقابل يوم الأحد بعد ما اخلص شغل ...
بس هو أنت عملت إيه لحد دلوقت ... وتحفني ماتوكيا بالي عمله ...
1- أول ما أتخرج سلي نفسه في شركة تسويق الكتروني لحد النتيجة ما تطلع وورق الجيش و الذي منه.
2- بعدين أول ما الشهادة طلعت .... علي طول قدم في جيل المستقبل ... و طبعا 3 شهور من الكفاح المتواصل في تعلم مهارات كتابة السيرة الذاتية و المقابلة و المراسلات و شوية انجليزي علي شوية مهارات اتصال ...الخ.
3- خلص ماتوكيا ... و ابتدي ينزل ارض الواقع و ابتدي حملة البحث عن عمل ... طيب يدور فين يدور فين يدور فين .؟؟؟؟
و قرر ماتوكيا يركز علي خدمة العملاء ...
أولا : لأنه يحب الشغلانه دي
ثانيا: لأنها مش تحتاج خبره.
و جمع ماتوكيا قاعدة البيانات بتاعته .... جمع فيها كل الcall center الي في القاهرة و كتب السي في الظريف ...
وكل يوم ينزل مكان يرمي السي في هناك ...علي حد تعبيره طبعا ....
قلت هايل جدا ...طب نتقابل و نتناقش في إلي أنت عملته و نشوف نوصل لايه و ممكن نعمل إيه تاني ....
كلمني ماتوكيا يوم السبت .... وقال سوري مش هقدر أقابلك أصلي أتقبلت في رايا و هنزل شغل من بكره ...
و بنصل بيكي علشان أفرحك .... الحقيقة اني بجد بجد بجد فرحت ...
مبروك يا ماتوكيا .... ألف مبروك ...
و بكده يبقي نظريتي في إن السعي يجيب شغل... أثبتت النجاح :)
ها مين هيعمل زى ما توكيا ؟؟؟؟؟
1 التعليقات:
بس الحقيقة يعنى مجال الكستومر سيرفرس العمل فية رخم جدا و و وقتة كبير و مرتباتة ضعيفة جدا
إرسال تعليق