الثلاثاء، فبراير 05، 2013

اجابات علي أحد القراء


سيد الفاضل دا ... بيتابع مقالاتي علي اليوم السابع والحقيقه بيحوال بشتي الطرق انه يطلع القطط الفاطسة في المقال ... دي عينه من التعليق بتاع + إجاباتي علي كل سؤال
ياريت محدش يحبطكم ويؤثر فيكم ...كل مشكله ولها حل 


علي الرغم من ان المقالات لا تعجبك ولكنك متابع جيد ... دا يعتبر تناقض برضو ولا ايه راي حضرتك 
بالنسبة للاسئلة : 
1. انتي بتفترضى ان كل الناس عندها كمبيوتر ودا مش صحيح لأن فى ناس لا تجد قوت يومها.
فعلا 90% من الناس عندهم كمبيوتر ولو مش عندهم فأي سيبر كافيه الساعة فيه ب 1 جنيه مش مبلغ يعني دا اقل من علبة عصير والي عايز يتصرف هـ يتصرف ....

2. خدمة الواي فاي (الانترنت اللاسلكي) لو لاقتيها فى اي مكان بتبقى مش مجانية.
اجبت علي هذا السؤال فوق ... أولا في كثير من المكتبات الشبابيه فيها الانترنت مجانا انا مقلتش روح اقعد في سيلانترو  

3. الزملاء فى معظم الاحيان بيضللو مش بيساعدو وعلى رأي المثل "عدوك ابن كارك"
الزملاء هم طريقة من ضمن طرق ... مش عايز تسأل الزملاء اسأل جوجل مثلا ولك حرية الإختيار 



4. ازاي احصل على دورات تدريبية وانا اساسا معنديش فلوس.
جاوبت علي هذا السؤال في مقال سابق حضرتك اقرأ المقالات السابقة وهتجد الإجابة.

5. فى احيان كتيرة الواحد بيتخرج من الجامعة معندوش اي مهارات لسوق العمل حتى الحاجة اللي بيتقنها احيانا بتبقى اتقرضت (مثلا لغات شرقية، اجتماع، حضارة لاتينية ...).
انا بتكلم عن المهاره الي هو يملكها مش شهادته .... عزت ابو عوف مثلا خريج طب و بيشتغل ممثل ... باسم يوسف نفس الكلام .. علاء الاسواني اصلا دكتور اسنان ... رئيس جمهورية مصر العربية مهندس ... المهم انك تعرف ايه هي المهارده الي عندك ... وتستغلها 

6. تسجيل المشروع (دا لو اساسا اتعمل) بيبقى بأموال طائلة وممكن تتأكدى من خلال هيئات التسجيل أو من خلال المحامين اللي بيشتغلو فى المجال دا.
تسجيل المشروح لاي يحتاج لاموال طائلة ولا حاجة ... خاصو لو كان تابع لاحدي الجهات الممولة للمشاريع الصغير ة وحتي لو مكنش تابع لجهة ممولة ....برضو الموضوع مش ملايين ... وعلي فكره في البداية مش محتاج محامين ..محتاج بس انك تفهم الاجراءات كويس ... وراجع موقع الهيئة العامة للاستثمار 

7. اللوجو بيحتاج انه يتسجل برضو ودا بيتكلف فلوس كتيرة وكمان تصميم اللوجو فى حد ذاته من الحاجات المكلفة لأنه محتاج فنان بارع له رؤية.
خالص ... بلاش تروح عند طارق نور يعملك لوجو ... ابحث علي الانترنت هتجد مواقع مخصصة للمصممين انا شخصيا عملت لوجو قبل كده عبر الانترنت واحد الي عمله من ماليزيا بحوالي 5 دولار ... يعني تقريبا 32 جنيه مصري 

8. حكاية اني اطلب من العملاء انهم يدفعو مقدماً دي بصراحة مش داخلة دماغي خالص. لأن ازاي العميل يثق فيا وانا معنديش سابقة اعمال.
لا مش صعب ولا حاجه انت بس انت الي مكسل تحاول 

9. حكاية بقى ان الموظف يشتغل فى مشروعه وهو ما زال موظف حتى لو في وقت فراغه دي مخالفة صريحة وصارخة للقانون رقم 47 لسنة 1978 ولائحته التنفيذيه وبتعتبر من المخالفات التأديبية التى تستوجب احالة الموظف للتحقيق.
علي اساس انه هيروح يفتح شركة منافسة هههههههههههه دا يمكن الاتفاق عليه مع المؤسسة ...

10. حكاية الترويج للمنتج على المواقع اللى الكاتبة ذكرتها دي فى حد ذاتها فيها مخالفات قانونية جسيمة للشروط والاحكام المتعلقة بتلك المواقع وهو ما قد يتسبب فى قضايا على المستوى الدولي لصاحب المشروع.
هذا غير صحي ... حضرتك اطلع علي ادوات التسويق الألكتروني ... حضرتك بس الي مش عارف 

11. الاهم بقى من كل اللي فات حكاية الضرايب وحق الدولة. لأنه لو فرضنا ان المشروع تم فلابد ان يكون هناك ضرايب تدفع للدولة والنقطة دي فى منتهى الاهمية ولابد اننا نعلم الناس ان الضرايب دي واجب وطني لابد من ي
أي مشروع يتم اعفائة من الضرائب لمده 5 سنوات ... من الواضح ان حضرتك متعرفش المعلومة دي 


فى كل الاحوال تحياتي بالرغم من ان المقال يصلح لأن يكون رواية قصيرة عن قصة فشل من العيار الثقيل. وكان اجدى من الكاتبة انها تقولنا ازاي احصل على وظيفة فى عشر خطوات لأنني هتجنن واعرف ازاي.....

و الله العظيم مفيش اجبار ان حضرتك تقرأ مقالاتي طالما لا تعجبك هههههههههههههههه ال 10 خطوات حضرتك اعمل بح مث علي جوجل واقرأ الموضوع بسيطه يعني ههههههههه
في النهاية ميرسي و الله انط تواظب علي قراءة مقالاتي الغير جيده ... مش عارفه ليه؟؟؟؟

Reactions:

0 التعليقات:

إرسال تعليق