دايما كنت أنا و أمي في شقار و نقار .....هي تخاف عليا لحد الجنون و آنا مخنوقة آخر حاجه ..... و تتخانق و تزعق لو يوم أتأخرت ولا لو عملت حاجه غلط ....
طبعا كلكن عارفين إني مش متزوجة....لكن عارفين.... بقيت بحس بوجع قلب أمي ...مع كل واحد من الحروب يبعتلي يقول عاير شغل وابقي مش قادرة أساعده ...و لا واحد أبعته يعمل مقابله في حته ويتصلوا بيا بعد كده ...و يقولوا آسفين والي أنتي بعتبهم مينفعوش ......
علي فكره إنا بكتب دلوقت و فعلا قلبي واجعني و حاسة إني مخنوقة بالعياط ..... لدرجة إني فكرت للحظه إني القفل الحروب و خلاص بقي ...علي رأي هاني رمزي ....مفيش فايده
من اول ما عملت الحروب و أنا بقدم نصايح أشي مقابله و سي في و سوق نفسك ..... لدرجة ان الناس اليم تابعاني بقت تقولي إيه هو أنتي معندكيش جديد ؟؟؟؟؟ عماله تعيدي و تزيدي في موضوع واحد ....
طبعا تسألوا سبب الكلام دا ليه ؟؟؟؟
كل ما كنت أبعت علي شغل أو حاجه .... اطلب من الناس تبعتلي علي ميل الحروب ...المهم مش هطول عليكم .... بقي عندي حوالي 2000 سي في ....في مجالات كثير ... المهم كل ما شركه تسألني علي حد ابعتلهم من السفيهات إلي في الميل دي ...
من كام يوم ....اتصلت بيا بنوته بتشتغل موارد بشريه في شركه و بتتعامل معايا من مده ....المهم قالت لي أنا مزنوقة جدا و محتاجا ناس ...ٌلتلها بصي دا الميل ...و دي الباس ورد ...ادخلي و عندك 2000 سي في اختاري منهم .....
البنت مكنتش مصدقه ...قلت لها أهم حاجه إن الناس تشتغل ....
و دخلت فعلا ...و اختارت منهم ....رد عليها مدير الشركة .... أنتي جايبه الناس دول منين ؟؟؟؟ دول مينفعوش ؟؟؟؟ و لا من حيث الشكل و لا من حيث المضمون .....
لما البنت كلمتني .....زعلت جدا .... و حسيت بإحساس أمي ....لما حد يروح يشتكي من علشان عملت حاجه غلط ... قولولي أعمل ايه ؟؟؟؟
و مش عايزه اسمع مش كل الناس زي بعض ..... لأني بعد مقفلت معاها ...من أمبارح و أنا بفتح السيفيهات واحده واحده .... وفعلا هي عندها حق....
خبرني بالله عليك ..... ماذا تفعل لو كنت مكاني ...؟؟؟؟؟
مش أن الأوان باه نصدق إننا محتاجين نطور من نفسنا ....علشان نوصل للي احنا عايزينه و لا هنعمل ايه
مسننيه ردكم :(
22 التعليقات:
عندك حق يا رشا
الناس بتقول ما فيش شغل
لا ... فيه شغل بس انت للأسف مش مناسب ... ما عندكش الامكانيات اللي تؤهلك انك تكون في وظيفة زي ده
الشغل كتير ... بس محتاج الرجل المناسب
لازم نطور من نفسنا وامكانياتنا علشان نقدر نبقى أهل للشغل
شكراً
SPrince
عندك حق يا روشا واسمحيلي اقلك كدة لاني بجد بحس انك اختي الكبيره رغم اني معرفكيش شخصيا لكن يمكن عشان كان نفسي اختي تبقي زيك
المهم انتي فعلا ليكي حق تزعلي لكن لازم تتاكدي ان مجهودك مبيروحش علي الفاضي وانك اكيد بتساعدي ناس حتي لو كان واحد بس من ضمن 2000 فده حاجه مش وحشه المهم ان في حد بيستفيد بس احنا ممكن نفكر في حل لكدة
يعني مثلا ال سي في اللي يتبعتلك تشوفيه وتكتبي ملاحظاتك عليه وتبعتيه طبعاانا عارفه انك مشغوله ودة هيبقي متعب ليكي بس بردة هنلاقي حل في انك ممكن تعملي فريق عمل يشتغل تحت اشرافك وبكدة هيدربوا علي حاجه كيد هتفيدهم وفي نفس الوقت هيساعدوا الناس طبعا دة مجرد اقتراح لكن مهما كان بجد انا فخوره ان في زيك في بلادنا دي واكيد اكيد اكيد عمر ماعبك هيروح وربنا يكرمك يارب ويوفقك
الموقع جميل جداااا وفى حاجات كتير كويسه بس المهم فعلا يوفر لينا وظائف
انا خريج بكالوريوس خدمه اجتماعيه دفعه حديثه بتقدير جيد ولغه اجنبه اولى جيده نفسى اشتغل بمدرسه بس فى الخارج ده اميلى hoba_20042003@yahoo.comياريت يكون فى رد عليا
انتى عندك حق وكل واحد منهم لازم يطور نفسه ولازم يكون
Up to date
فى مجاله ، بس التطوير يجي ازاي فى حين اني الواحد بيخلص شغل على 6 كده وساعة مواصلات وساعة يقعد مع الاهل واكيد كلكم عارفين بعد يوم طويل محتاج تنام
تفتكروا ازاي الواحد ينظم وقته فى ظل الشغل
على فكرة انا بشتغل وبدرس بس معنديش مشكلة فى التطوير والشغل ولكن المشكلة فى متابعة الدراسة
يا ايهاب ....بقولك الناس مش مؤهله .؟؟؟؟ لو انت فاكر نفسك مؤهل اخر حاجه ابعتلي السي في اشوفها و عارف لو فيها غلطه :)
================================================
مر ا س
الي عايز يطور من نفسه بيلاقي الوقت انا بشتغل تقريبا 12 ساعة في اليوم دا غير شغل الجروب و عندي اهل برضه و كل حاجه و بعدين لو متعبناش دلوقت هنتعب امتي :)
بصى يا رشا احنا بنستفيد منك جدا ومنقدرش اننا نسيبك علشان كلنا بنحبك بجد وبنحب نسمع نصايحك لأنها بتفيدنا بجد . انتى بتعملى اللى عليكى وربنا يجازيكى خير على اللى بتعمليه مع الناس . وأخيرا أشكرك على تعبك معانا علشان انتى بتسعى الى انك توصلى كل واحد مننالأحلامه وبنكون بفضل ربنا ثم فضلك قادرين على تحققيق هذه الاحلام. شكرا ليكى وكملى المسيره واحنا كلنا معاكى .
اه طبعا مهم الي احنا نطور من نفسنا
بس في حاجه اظن ان الناس بتفكر في الهدف من غير متفكر ازاي توصله كمان للاسف بلدنا مش بتيح فرص كتير للتميز الفعلي والعلمي للمتميزين يعني الي عندو موهبه بتموت من عدم الاهتمام نقص الوعي
المشكله اكبر من ان الشب يروح ياخد كورسين كمبيوتر ولغه يحطهم في سي في وبعد كده يشتغل في شركه تديلو مبلغ مالوش لزمه ويفضل مستني الدور ي التلرقيات علشان مرتبه يزيد وبعد كده يبقي يفكر يتجوز يبقي عنده 40 سنه هااااااي اكيد في حاجه غلط
اظن من وجه نظري ان لازم الشاب يوصل للمستوي الي يرضيه هو مش يرضي الشغل ومديره المباشر والكلام ده
وده يحصل لما اصلا يبقي ليه طموح وده برضو مش هيحصل غير بوجود امثالك
اوعي تسيبيها وتمشي يا رشا
انا رأى انك تقولى بعض متتطلبات والمؤهلات العامة اللى بتحتاجها معظم الوظائف واللى شايف فى نفسه المؤهلات دى يبعتلك على ايميل او موقع مخصوص اة انك تحاولى تعملى تخصيص وتقسيم للناس من حيث المؤهلات والمهارات لأن شئ طبيعى ان 2000 cvهيكونوا مش مناسبين لشركة بتدور على واحد بمؤهل معين فلو كان بيدور على واحد خريج هندسة هيعمل ايه بالف cv لخريجيين كليات تانية.
بس فى نفس الوقت انا مقدرة مجهودك ومش عايزاكى تيأسى وعلى فكرة انتى مجهودك اكيد بيفيد ناس كتير وبيفيدك
انا اشتغلت مصمم جرافيك فى وكالة دعاية واعلانلمدة سنة فى السعودية ونزلت اكمل كورساتى فى مصر فى الجرافيك ولما جيت ادور ع شغل فى مصريكون اعلى ومحترم طلعلى حاجة خنقانى جداا المؤهل الدراسى انا خريج خدمة اجتماعية معظم الاماكن لازم تكون متخرج من حاسبات ونظم معلومات مش عارف طب اية علاقة دا بواحد عنده خبرة وسافرت وتلاقى ال يوافق علي كدا يقول راتب قهرى يعنى بجد لازم ارجع اخد مؤهل جديد ولا اعمل اية ...!!!
السلام عليكم
انا مختلف مع اراء البعض الحقيقه ..مش دايما الافضل والمطور في اداءه هو اللي بيلاقي فرصه كويسه لعمل متميز ..الحقيقه الكلام ده افلاطوني ومثالي جدا وملوش اساس من الصحه ..انتي الحقيقه كتر الف خيرك انك محتفظه بايميلات الناس وموضوع ان رئيسها قالها دول لايصلحوا فالمشكله عند المدير وعند اللي شغاله في الموارد البشريه لانها تفتقد معيار الكفاءه في اختيار الافراد الذين يصلحوا في اخذ منصب معين ..ومش معني ان الافراد دول معجبوش المدير فهم مش كويسين ..الحياه مش ابيض واسود الكويس عندك ممكن يبقي وحش عند غيرك والعكس صحيح ..وانا عاوز اقولك بس ان الموقف ده حصل معايا شخصيا فانا كمهندس قدمت في شغل قبل كده وكان اللي شغال في الموارد البشريه اللي قابلني واحد خريج تجاره او حاسبات فكيف يكون التقيم ...اسف علي الاطاله ونتي كتر الف خيرك الحقيقه
انا بقى اللي عايز اسأل سؤال يا اختي العزيزة اولا انا اسمي تامر حسام .... المهم 2000 سي في مفهمش ولا واحد مؤهل شكلا ولا مضمونا والأخ الفاضل صاحب الشركة لو جاله واحد بواسطة هيشغلوا ولا لا ؟ ومش المفروض الشركات تشغل الناس عشان يخلوهم مؤهلين بعد كده ؟ انا كنت سوبر فايزور في مستشفى كبيرة في دبي ولظروف سبت الشغل بقالي اكتر من سنة مفيش حد عايز يشغلني يمكن عشان مش مؤهل صح ؟ انا مش صغير انا عندي 28 سنه عارفة يعني ايه يعني كارثة بجد وشكرا
السلام عليكم ورحمه الله وبركاته
عندك حق طبعا يا رشا
وانا شيفه انو فعلا فى شفل بس الناس هى اللى محلك سر
محدش بيطور نفسه ومعظم اللى بيفكرو يطورو نفسهم
بيخدو وقت كبير علشان يخدو الخطوه دى بجد مش عارفه ليه معظم الشباب الولاد بالذااات بقى عندهم كده لا مبالاه
حاجه تخنق بجد
وفى المقابل تلاقى البنت هى اللى بتسعى انها تطور من نفسها وتدور على شغل وفى الاخر يجو يقولو ان البنات بقت تشتغل اكتر من الولاد
طيب ماعلشان هما مجتهدين ولكل مجتهد نصيب
طب انا مش هقول مشكلتى لانى زى اى حد خلصت دراسه وبحاول اطور نفسى بنفسى مع انه نظام فاشل ماعلينا
انا اعرف مهندس همره 36 سنه خبره 14 سنه فى مجاله بس للاسف حصلت ظروف قهريه فى الشغل وتقريبا سابه والمشكله ان مفيش شغل بديل ليه؟
لان مفيش شركه هتقدر توفرله المرتب اللى كان بياخده وعاوزين حد كده صغير لسه معندوش خبره عشان مرتبه يكون صغير!!!!!
لا الخبره نافع ولا اللى معندوش خبره نافع
هى البلد كده ربنا يحسن خاتمتنا فيها على خير
طب وتقولي يا رشا في حد متخرج بقاله 3 سنين ومعاه شهادة يفترض انها محترمة وواخد كورسات قد كدا، كمبيوتر وترجمة وموارد بشرية و و و، ومش عارف يشتغل تاني في حاجة عدله من ساعة ما ساب شغله الأولاني نظرا لظروف خارجة عن إرادته وهي أزمة مالية الشركة مرت بيها واضطرت تستغنى عن موظفين كتير،
والحد دا حيموت أصلا ويشتغل عشان يتعلم ويحتك بمجالات عمل مختلفة تفيده ويكتسب خبرة قبل أي اعتبارات مادية (ولو انها أكيد مهمة بردو)
قوليلي انتي الحد دا يعمل ايه وغيره اللي زيه آلاف يعملوا ايه؟؟؟؟؟؟؟؟؟
اولا احب اشكرك على كل المجهود اللى بتعمليه مع الشباب و احب اقولك ربنا يعينك و يجازيكى كل خير .. وياريت بلاش تزعلى نفسك كدة لان الحمد لله فيه ناس كتير بتستفيد من نصايحك و حتى لو مفيش اكيد ربنا مش هيضيع تعبك ابدا
ثانيا انا شايفة المشكلة باختصار ان للاسف ناس كتير مش عارفة هى عايزة ايه وبالتالى مش عارفة هو ايه اللى المفروض يتطور فيها بالظط لان اكيد كل مجال وليه المتطلبات الخاصة بيه .. وزى مابسمعك دايما تقولى اول خطوة لازم تعملها انك تحدد انت عايز تشتغل ايه .. بعد كدة شوف متطلبات الشغل دة واشتغل عليها لكن انك تكتب سىفى كدة و خلاص و تقول اهو يخدونى فى اى شغل والسلام وممكن كمان لما يجى الشغل دة يقول لا مش دة اللى انا عايزه يبقى اكيد المشكلة فيك
مشكلة معظم الشباب هو انهم تايهين .. دة لاسباب كتير على فكرة ممكن يكون هما نفسهم ملهومش ذنب فيها.. يعنى لو فكرتى مثلا تسألى واحد انت دخلت الكليه دى ليه هيكون رد 99 % ( المجموع ) .. بصراحة يا رشا المشكلة مشكلة طريقة تفكير نماها نظام تعليم مبنى على فكرة فيه اجابة واحدة بس صح و فى هدف واحد انك تجاوب نفس الاجابة دى علشان تجيب الدرجة النهائية ياكدا يا اما لا.. ودة بيخلى بردو الشباب بيفكر كدة حتى بعد التخرج والواحد مبيكتشفش انها غلط غير لما يصطدم بالواقع ويلاقى نفسه مش لاقى شغل .. ساعتها فعلا بيعرف انه لازم يتغير و يغير طريقته فى التفكير علشان ربنا يكرمه بشغل مناسب .. ربنا يعينك يا رشاو يباركلك يا رب
والله يا رشا الى عايز يطور نفسة ويشتغل هيشتغل بجد لكن شباب عايزين اللى يساعدهم عطول الخط بدون اى تعب منهم.
انا رايي من راي استاذة اية امين احنا فعلا محتاجين نساعد الشباب وخصوصا في موضوع السي في دة
وابسط حاجة خليهم وهم بيبعتوا السي في يقولوا هو ايه طموحهم وهدفهم في مجال العمل
ومش في حاجة اسمها اي شغلانة استرزق منها
لازم يكون ليه هدف علشان تقدري توجهيه ازاى يطور نفسه
دة رايي
وربنا يقدرك دايما للي فيه الخير يا رشا Soaad
المشكله ان فى ناس كتير مش عارفه المفروض تعمل ايه فى الموضوع ده مش عارفين ازاى يكتبو سي في مش عارفين ايه المؤهلات اللى لازم تكون عندهم بجد محتاجين حد يحطنا على اول الطريق او يقول اعمل 1 - 2 - 3 وبعدهم انت صالح انك تشتغل
السلام عليكم
اولا انتي عندك حق انك تزعلي جدااااااااا
بس الشباب محتاج الايساعدهم ويواجهم اغلب الشباب دلوقتي تقولية انت عاوز اية يقولك معرفش بس الاشباب الا عارف هي عاوز اية قليلين جداااااااااااااا
رشا اولا نحييك على مجهوداتك الرائعه...والموضوع والسؤال اللى محيرك يستحق ان نطرحه على اوسع نطاق فى الأذاعهعن طريق برنامجنا...وننتظر ان تزورى مدونتنا للتواصل معناخاصة واننا افردنا تدوينه لك فى المدونه
المدونه
http://netonradio.blogspot.com
استاذة رشا احب ان احي سيادتك على المجهود العظيم لأن بجد المفروض كلنا نساعد بعضنا بعضا الناس اللي بتقول مفيش شغل دول مش عايزين يشتغلوا وعايزين فلوس ومرتب عالي وخلاص وهذا لا يحدث الا بالمجهود والتعب وان شاء الله ربنا سبحانه وتعالى سوف يجزي سيادتك خيرا في الدنيا والآخرة لأنك بتفكري في الشباب وفي حالهم الآن وهم لا يخافون ولا يفكرون في انفسهم ياريت لا تجعلى تحديات الحياة تنتصر عليكي وكل حاجة انتي بتعمليها سواء ليكي فيها اجرا وثوابا من ربنا سبحانه وتعالى .
شكرا لسيادتك استاذة رشا
معتز
3yzeen tekn3oni en 2000 C.V. ma3agabsh el beh el moder ??? leh ya3ni, howa ento 3yzeen nas yesht3'alo supermen wala eh ???
tayeb law ento shayfeen en el nas de mesh naf3een, msh momken te2olo eh el na2eshom ??? 3ashan at least yekono 3arfeen homa met25areen fe eh 3ashan yesala7oh we ye5alo nafsohom up2date zai ma bet2olo ???
إرسال تعليق