عملا بالمثل الي بيقول ....خلينا مع .... لغاية باب الدار ... عايزه اقول ان التجربه خير برهان ناس كتير ممكن تقول ان دا كلام حكومه ... واحنا اتعودنا علي كلام كتير فعل مفيش ...لكن انا متفائلة جدا ... و بقول ان مصر قبل 25 غير مصر بعد 25 ...
و بعدين يعني احنا هنخسر ايه من المحاوله ؟؟؟؟؟؟ طيب المطلوب نعمل ايه ؟؟؟؟؟
هخش في الموضوع علي طول .... اعلنت وزارة المالية عن اتاحة فرص عمل وعلي الراغبين ارسال الCV علي صندوق بريد رقم 11599 ...
بسرعة كل واحد يكتب الCVبتاعته و يبعتها ... لكن خلوني اديلكم شوية نصايح كده علي ما قسم :)
1- السيره الذاتيه تكون نسختين ( واحده عربي و الثانيه انجليزي) .... ودا علشان معظم موظفي الحكومه لا يتحدثون الانجليزية بطلاقه.
2- الCover Letter ... في الحاله دي هيكون اسمه طلب مقدم الي السيد / وزير المالية ... و برضه يكون مكتوب بالعربي .
3 - يتم ارسال صوره من المؤهلات وشهادات الخبره ان وجدت والدورات التدريبية ... ارجوكم بلاش نبعت اصول ...وذلك لان فرص استعادة الطلبات ممكن تكون غير مضمونه فنبعت صور ضوئية بس.
4- يتم ارسال الطلبات ببريد مسجل بعلم الوصول ... لان البريد المسجل بيكون موثق و كمان بيتم ارسال تنبيه للراسل بتاريخ استلام الرساله ومن استلمها ... والخطوه دي هامه جدا للمتابعة بعد ذلك .... يعني اقدر اتابع الوزاره باني بعت طلب رقمه كذا و يا تري ايه الي تم في هذا الطلب.
5- مهم جدا .... اوعي حد يقولك دا كلام ويضعف عزيمتك انك تقدم ....قدم ومش هتخسر حاجه
لتفاصيل الموضوع بموقع وزارة المالية ... من هنــــــــــــــــــــــــــــــــأ
لكتابة السيره الذاتية .... انا اتكلمت عنها كتتتتتتتتتتتير جدا .... تابعو الكتاب شركه اسمها انا و مقالات نصايح رشا ...
الله الموفق
6 التعليقات:
انا فعلا عرفت بالموضوع ده يارشا وانهم فاتحين باب التقديم والتعيين مش بس في وزارة الملية لا دول هايوزعوا الناس علي الوظايف في امكن مختلفة بس انا قدمت بس مش عن طريق البريد لا الوزارة بتدي استمارات تعتبر ابليكشن تمليها وتقديمها هناك وهما بيفرزو الورق ده ويوزعو الناس من خلاله.
انا كمان مش عارفه الحقيقه .... بس هم كتبو الصندوق البريدي فنزل زي ما هم قالو بالظبط
و علشات كده اعلنت و الله الموفق
جزاكي الله كل الخير
جزاكي الله كل الخير
بسم الله الرحمن الرحيم
طالما نصايح نرخم ونستفيد
دلوقتي أنا بعت على البريد تمام وزي الفل
وقلت أكد على طريق الموقع سجلت لكن للأسف
وأنا بسجل لنفسي سجلت بتقدير غلط سجلته مقبول مع إني حاصل على جيد
وسجلت لأختي بتاريخ تخرجي أنا يعني قبل تاريخه الفعلي ب 6 سنين
قلت مش مشكلة أسجل تاني
فوجئت بالكارثة الرقم القومي بيتم تسجيله ولا يتم السماح لا بالتعديل ولا بالتسجيل مرة تانية
راسلت الوزارة وإتصلت بيهم واضح إنهم مش فاهمين أي حاجة في أي حاجة
وفي الأخر واحدة ردت عليا وقالتلي مش مهم التقدير مش مهم سنة التخرج مش مهم أي حاجة إلا الإسم والرقم القومي وتليفونات الإتصال وإحنا أساسا هنبقا نتصل بيكم
مش فاهم الليلة إيه وحاسس إني ضيعت نفسي وضيعت أختي معايا
ايه الاخبار حد اتعين عن طريق وزارة الماليه ولا الكلام كان كله في الهوا
انا طبعا قدمت من خلال النت ولا شوفت حاجه
إرسال تعليق