الخميس، يوليو 26، 2012

كل يوم مهارة .... "التخطيط"



النهار ده عايزه اتكلم معاكم في موضوع مهم جدا ... التخطيط ..

التخطيط حاجه مهمه و اساسية مش بس في شغلنا لكن كمان في حياتنا .. كل واحد فينا المفروض يكون مخطط لحياته ومستقبله ومحدد بالظبط كل خطوة هتوصولوا لايه و هيوصل ليها ازاي؟؟؟

عايزه اقولوكم ان التخطيط دا مش حاجه جديدة ولا حديثة ... دا من بداية الخلق ... قصص التخطيط كثيره جدا في القران الكريم ...  يعني مثلا قصة سيدنا يوسف كانت مثال رائع جدا علي التخطيط ...

"يوسف أيها الصديق أفتنا في سبع بقرات سمان يأكلهن سبع عجاف وسبع سنبلات خضر وأخر يابسات لعلي أرجع إلي الناس لعلهم يعلمون. قال تزرعون سبع سنين دأبا فما حصدتم فذروه في سنبله إلا قليلا مما تأكلون ثم يأتي من بعد ذلك سبع شداد يأكلن ما قدتم لهن إلا قليلا مما تحضون ثم يأتي بعد ذلك عام فيه ياغاث الناس وفيه يعصرون" "46 - 49 يوسف".

سيدنا يوسف خطط للمستقبل ... يزرعوا 7 و يجنو بعدها 7 ...

ومن الآيات التي أعطت قاعدة مهمة للتخطيط الناجح ، قوله تعالى " لِكُلٍّ جَعَلْنَا مِنْكُمْ شِرْعَةً وَمِنْهَاجَاً" ( المائدة :48) ، أي سبيلاً وسنة وطريقا سهلا واضحا إلى المقاصد الإسلامية (الصابوني: 524) .
الامثلة علي التخطيط في الأسلام لا تعد ولا تحصي ... المهم اننا واجب علينا فعلا اننا نتعلم منها بما يفيدنا في حياتنا العملية او كمان 
حياتنا الخاصة ...

خلينا نخش في الموضوع و نتلكم يعني ايه اصلا تخطيط ؟؟؟
مفهموم التخطيط  " هو أسلوب أو منهج يهدف إلي حصر الإمكانيات و الموارد المتوفرة ودراستها و تحديد إجراءات استغلالها لتحقيق أهداف مرجوة خلال فترة زمنية معينة"
يعني احدد انا امكانياتي ايه؟؟؟ والموارد المتاحة ايه؟؟؟ وانس طريق لاستغلالها ايه ؟؟؟

بالنسبة لاهمية التخطيط ...
1-      التخطيط بيساعدك علي تحديد اتجاهاتك .
2-      بيساعد طبعا في تحقيق توازن بين الموارد المتاحة والاحتياجات المطلوبة.
3-      بيساعدك التخطيط علي زيادة الكفاءة والفاعلية .
4-      كمان بيضمنلك وجود رقابة ومتابعة مستمرة .
5-      بيساعدك تحدد الوقت والتكلفة لكل عمل بتقوم بيه.
6-      التخطيط بيساعدك انك تكون مستعد للخطوات القادمة .
7-      التخطيط كمان بيجعلك تتخذ قرارات افضل .

التخطيط ليه مراحل ...
اولا .... تحديد الهدف المراد الوصول اليه .. من غير هدف واضح مفيش تخطيط .
ثانيا .... دراسة العوامل المحيطة والموارد المتاحة الي من المفترض انها تساعدني في وضع الخطه لانها بتعرفني ايه المتاح وايه الي ممكن احتاجه في المستقبل.
ثالثا .... تحديد البدائل المتاحة والي ممكن استفيد منها.

التخطي كمان ليه انواع ...
1-      تخطيط طويل المدي " ودا غالبا ما يعرف بالخطه الخمسية كتير بنسمعها في تصريحات الحكومة هههههه لانها بتكون خطة طويلة المدي غالبا ما بتكون 5 سنوات "
2-      التخطيط المتوسط المدي " ودا غالبا بيكون ما بيت سنتين ل ثلاث سنوات "
3-      التخطيط قصير المدي " ودا يطلق علي اي خطه صغيره يعني مثلا اسبوع – شهر – 3 شهور ...الخ المهم انها اقل من سنة .

علشان اعمل خطة لازم ولا بد من توافر شروط معينة ...
أولا : الأهداف..
1-      ان يكون الهدف الماراد الوصول اليه واضح ومحدد وصريح.
2-      الاقتناع بالهدف المراد تحقيقه .... لاني لو مش  مقتنع بالهدف مش هقدر انفذ الخطه بنجاح .
3-      ان يكون الهدف المراد تحقيقه واقعي ... يعني بلاش اعيش دور رجل المستحيل و انا بحدد الهدف .
4-      ان تكون الاهداف الموجوده متناسقه مع بعضها بحيث يسهل تنفيذها .
5-      ان تكون الاهداف قابله للقياس ... علشان اقدر احدد الخطه بتاعتي ماشيه في الاتجاه الصحيح ولا لا.
ثانيا : التنبؤ ....
بمعني اني المفروض اكون محدد الخطه بتاعتي دي هتكون نتيجتها ايه بالظبط ؟؟؟؟ ودا بيعتمد علي البحث الي بعمله قبل ما بخطط لاني بكون دارس الدنيا كويس جدا وبكده الخطه بتاعتي يكون ليها اثر جيد وتحقق الهدف المطلوب .
ثالثا : السياسات ...
المقصب بالسياسات هي القواعد والمباديء الي من المفترض انها بتحكم العمل ... والمباديء دي بتكون زي ارشادات لفريق العمل تحكم تصرفاتهم واسلوب العمل المطلوب.
رابعا : الأجراءات ...
ودي بكون محدد فيها الخطوات التي سيتم اتباعها لتنفيذ الخطه بفاعلية ...

وانا بعمل خطة اراعي شوية معايير ..
1-       الدقة في تحدي الاحتياجات.
2-      الواقعية ..
3-      تحديد المصادر التي سيتم الاستعانه بها.
4-      الفترة الزمنية.
5-      التكاليف المالية التقديرية .

وبكده يكون خلص كلامنا عن التخطيط ... يا تري تحبوا نتكلم عن ايه المره الجاية ؟؟؟؟
رمضان كريم


0 التعليقات:

إرسال تعليق