الثلاثاء، يوليو 24، 2012

مهارات المراسلات 2



نكمل باه الكلام عن المراسلات
النهار ده هنتكلم عن كيفية الكتابة وشوية نصائح كده ناخد بالنا منها اثناء الكتابة ... المراسلات ليها دور جامد جدا علي مر التاريخ يعني لو نرجع بالزمن كده ايام الفراعنة فاكرين قصة الفلاح الفصيح الي من خلال مراسلاته للملك استطاع انه يحصل علي كل ما يريده ... وخلال الاسلام كانت المراسلات هي الوسيلة للدعوة لدين الاسلام زي ما شفنا في الموضوع  الي فات ...
انا شخصيا باعتبر ان المراسلات في العصور السابقة هي بالنسبه لي زي الالهام كده ... منها الواحد فعلا بيتعلم كثير جدا .. وموقف اردوغان مع ساركوزية كان لعبة حلوة فعلا ... لما ساركوزيه رفض انه يزور تركيا ... اردوغان بعت هدية لساركوزية وكانت عبارة عن رسالة من السلطان التركي سليمان القانوني لملك فرنسا عندما وقع اسيرا في يد الأسبان  لما قريت الخبر دا يعني قلت شابوه لاردوغان ....
خلينا باه نخش في الموضوع ...

كيفية كتابة المراسلات ...
بقي المثل بيقول " الي فيه عين وراس ... يعمل زي ما عملت الناس " افهم ايه انا ... افهم اني لما احب اكتب مراسلات صح لازم اشوف الناس بتكتب ازاي؟؟؟ و من خلال الي اقراه اتعلم واحسن من نفسي وعلشان كده ... انا شايفه ان أول خطوة هي اننا نقرأ ... ونبحث ... و نشوف الناس بتعمل ايه ....

وطبعا في المرحلة دي اول حاجه اعملها اني اسال GOOGLE  ببساطه اعمل بحث علي جوجل عن المراسلات الإدارية أو Business Letters  والحقيه جوجل ما يتوصاش ... هتلاقي كل ما تتمناه مش هيخلي نفسك في حاجه ...
المرحلة التالية ... هي استخدام MS WORD  
هشرحلكم بالتفصيل دا من خلال الفيديو التالي ... الفيديو دا انا كنت بتكلم فيه عن كتابة ال cover letter لكن الخطوات واحدة  ...



































دلوقت خليني اكلمكم عن شوية نصائح كده ناخد بالنا منها ....

1-      خير الكلام ما قال ودل ...يعني بلاش اطول من غير لازمة اختصر و اخش في الموضوع.
2-      الترتيب المنطقي للموضوع ...  يعني خليك مرتب في افكارك وكلامك علشان الامور تكون واضحة.
3-      واضح ومحدد وصريح ..... يعني افتكر زمان لما كنا بنكتب موضوعات التعبير المدرسين كانوا بيعلمونا اننا نحدد العناصر الأساسية الي احنا هنتكلم فيها علشان نكون محددين.
4-      خليك شيك و انت بتكتب وخلي شكل الخطاب حلو وبسيط.
يا رب يكون موضوع النهارده مفيد بالنسبه ليكم ... و يا ريت اعرف مقترحاتكم عن الموضوعات الي عايزين اننا نتكلم فيها بعد كده ... 


Reactions:

1 التعليقات:

إرسال تعليق