الأربعاء، أبريل 06، 2011

مفيش عندى إرادة خالص.... اعمل ايه


السلام عليكم و رحمة الله و بركاتة  

بعد التحية أما بعد   

أ/ رشا خليفة  

الأسم:ــــــــــــــــــــــــــــــــــــ

السن: 26  

التخصص: بكالوريوس نظم معلومات إدارية  

العمل : مندوب مبيعات فى شركة اجهزة علمية و معملية 

المجال المحبب لى : إدارة الأعمال - التسويق -القرأة فى مجال التنمية البشرية  

مشكلتى:
مش عارف أخطط لى نفسى مش عارف أبدأ من أين و إلى أين  .... حاولت ابدأ لتخطيط يومى مش عارف ساعات بحس انى فاشل جدا  ... دخلت عليا سنة 2011 و معملتش فيها اى حاجة مفيدة .

كنت عايز اتعلم لغة انجليزية مفيش عندى إرادة خالص .... حتى مرتبى مش عارف ادخر منه شيىء و مرتبى هو 700  

ممكن تقولى لى اعمل ايه و ازاى اخطط و ازاى ابدأ .... و بردو انا مش انسان مثقف عايز اكون مثقف اعمل ايه و اقرأ ايه  

و ده اللى مخلينى انسان مش اجتماعى خالص  

ولكم جزيل الشكر  

اولا .... اسمحلي احيك في البداية ...لانك عارف ايه هو المجال المحبب ليك ودا كبدايه شيء رائع جدا .

نتكلم عن باقي التفاصيل ...

بالنسبة لسنة 2011 لسه فاضل فيها حوالي 8 شهور مش فتره بسيطه يعني بلاش نحكم بالفشل كده من اول 4 شهور .... اي خطه في الدنيا بيكون ليها فتره تجربه مبيتحكمش علي نجاحها او فشلها من اول يوم دا كلام مش منطقي ابدا.

المحاولات الفاشلة هي اول الطريق للنجاح ... اصلا انت لو مفشتلتش يبقي فيه حاجه غلط ... فبلاش حكايه حاسس اني فاشل و كده 

الثقافة .... خلينا نبتدي بالجرائد والمجلات و الانترنت مليانه اخبار وعلم غير عادي ...لو مش بتحب القرائة عليك وعلي اليو تيوب والكتب المسموعة و اسمع و اتفرج ... وبكده هتثقف نفسك وتحسن مستواك طبعا .

بالنسبة لحكاية معنديش اراده .... مهو انا اعمل ايه مش معايا العصاية السحرية الي بيها في ثواني اخلي عندك اراده .... لازم الاراده تكون نابعة من جواك مش حد يدلك عليها .... حدد لنفسك هدف اربطه بمده زمنية علشان تحفز نفسك علي التنفيذ وافضل حاول لاخر يوم في حياتك ...


Reactions:

0 التعليقات:

إرسال تعليق