امسك متحرش تليفونات

من فتره و أنا بتعرض ل شوية سخافات علي الموبايل …

التليفون يرن وارد ألاقي واحد بـ يتكلم بطريقة أسامة منير … منتهي السهوكة يعني بسمع صوته بالعافية اقفل يتصل ثاني مردش يفضل يتصل ورا بعض لدرجة مره عملت التليفون صامت صحيت الصبح لقيت 80 مكالمة لم يرد عليها احد .

حاجه مستفزه يعني …

الحكاية دي بدأت تحصل كده تحديدا من بعد شبكات المحمول ما عملت عروض انك تأخذ مكالمات مجانية في فترات معينة خلال اليوم فطبعا أخينا دا .. يتصل بأرقام عشوائية وأول ما يرد عليه بنت تبدأ سلسلة القرف …

الحقيقة أنا كنت فاكره إن دا موقف حصل معايا أنا بس صدفة علشان رقمي مع ناس كثير بحكم طبيعة شغلي لكن وجدت إن دي مش مشكلتي انا بس دي مشكلة كل صاحباتي تقريبا وكلهم يعانوا من الموضوع دا .

خاصة إن خدمة القائمة السوداء اللي عاملاها الشركات دي مش خدمة مجانية يعني مع كل رقم بـ تدفع فلوس فطبعا موضوع مكلف يعني …

أمبارح اتصلت علي خدمة عملاء فوافون وقلت لخدمة العملاء اللي رد عليا أرجوكم الغوا المكالمات المجانية 

لكن فيه حل … و أنا قلت لازم أشارك معاكم الحل دا

دي أرقام مباحث التليفون المفروض إنهم بـ يتصرفوا بسرعة بعد ما أي حد يبلغهم …

25760502

25771755

و دي ارقام تانيه

0225771755

0225798166

و دي ارقام للناس اللي مقيمين في القاهره و محافظات تانيه

0227033633

ودي ارقام للمقيمين في الشرقيه و العاشر ودمياط و المنصوره

0502328881

بس علي فكرة لازم كمصريين نتعلم أزاي نستخدم الحجات بطريقة أحسن من كده … مش معقول كل حاجه حلوة نستخدمها بطريقة غلط ونعك الدنيا… يا جماعة لازم نرتقي بمستوانا باه العالم بـ يتطور من حولنا وإحنا لسه بـ نعاكس في التليفونات ؟؟؟

Use Facebook to Comment on this Post

امسك متحرش تليفونات