با عاجبنى مشوارك دة ونفسى امشيه عليه بس افهم انتى بتقولى انك مديرة مشروعات ممكن اعرف انتى ابتديتى ازاى وايه انواع الشغل الى ابتديتى بيها وعملتى ايه عشان توصلى للشغل دة وهو محتاج ايه شغلك دة من نوع دراسة او كورسات يعنى من الاخر مشوار حياتك باختصار والنبى عشان افهم وكمان انتى قولتلى مرة جالك الولايات التحدة ازاى يعنى مش فهمتها دى ؟؟؟؟؟؟
أولا.... ميرسي يا سارة .... بالنسبة للاجابة الموضوع كبير يا سارة تحبي نبتدي منين ؟؟؟؟ يعني 35 سنة من حياتي صعب احكيهوملك في كلمتين :)
عموما خليني اقولك اني بني ادمة عادية جدا و يمكن أقل من العادي كمان ... نشأت في أسره الحمد لله علي قدر جيد من التعليم والدي مهندس ووالدتي كانت بتدرس الطب و لظروف الحياه مكملتش الدراسة و اشتغلت بالثانوية العامة بعد وفاة والدي كان عندي وقتها 5 سنوات .
و لظروف الشغل كنت معتمده علي نفسي بشكل كبير في الدراسة والتعليم و الحياه دا الي اتعلمته من أمي ربنا يديها الصحة حابة ابتديلك من اول اولي اعدادي ... علشان دي اول سنة ادرس فيها انجليزي .. انا كنت في مدارس عربي و حكومة كمان مش خاصة ... المهم مش هطول عليكي ركزت جدا مع الانجليزي وكنت اي حاجه بالانجليزي اعيش فيها ...اغاني افلام كتب جرايد...كل الي نفسك تحبة ...
و من هنا اتعلمت لغات ... في الثانوية العامة كنت مركزة جدا اني ادخل خدمة اجتماعية بالذات ... علشان كنت عايزه اشتغل في العلاقات العامة ... نسيت اقولك اني اتعلمت الكمبيوتر و انا في اولي اعدادي برضة و اول كمبيوتر كان صخر ...طبعا متسمعيش عنه ... بعد كده ابتديت مشوار العمل ... بعد التخرج اشتغلت في الامم المتحدة ( اليونسيف ) مش الولايات المتحدة ... كان مشروع و بعد ما خلص اشتغلت في شركة و الثانية و الثالثة ... لحد دلوقت ... و انا بدور علي شغل كان مهم عندي حاجه مهمه اوي ...اني اشتغل في شركة او مؤسسة لها كيان مش شقة في عمارة وكنت بصر علي دا جدا ... كتير كنت بعمل مقابلات و برفض الشغلانه لانها مكتب الله اعلم ظروفه ايه؟؟؟؟
بالنسبة للحياه المهنية ... ابديت من اول سكرتيرة ... علي الرغم من رفض كل اهلي ... علي اعتبار ان السكرتارية دي مش شغلانه اصلا ... و السكرتيرة دي اقل مستوي وظيفي في الشركة ... و عملت نفسي مش واخده بالي و اشتغلت سكرتيرة ... لاني عارفه اهمية الوظيفة دي ... و من السكرتارية اتعلمت ادارة المشروعات و الموارد البشرية و العلاقات العامة وحجات تانية كتير ... الي انا دلوقت بقدمها للناس ... اتمني اكون جاوبت علي سؤالك :)
2 التعليقات:
جميل اوي يا رشا بجد
بس انتي مش حاسة انك مبسطة الدنيا اوووووووووي
يعني في حد دلوقتي ممكن يخرج من خدمة اجتماعية -مع احترامي ليها ككلية- ويشتغل اول مرة في اليونيسيف؟؟
وكل مؤهلاته الشهادة وانه بيعرف انجليزي وكمبيوتر؟؟
متهيألي الحياة بتبقى أصعب من كده كتييييير
بالتوفيق يا رشا :))
لكل واحد من البشر له من المزايا
التي وهبها له الله عز وجل تجعله يسود العالم ولكن العيب فينا نحن البشر
نستسهل الخطوات وطول المسير بل الذي يعطل ويحبط باننا ننظر فيما يمتلكه
الغير من المزايا وانه وصل اي نجح في حياته علي حد القول (نداء الي كل اخ
واخت انظر فيما في يدك من قدرات فسوف تسود العالم فقط فتش عن النجاح فانت
...وحدك تستطيع تحقيقه....انت اليوم حيث اوصلتك افكارك وستكون غدا حيث تاخدك افكارك
إرسال تعليق