الأربعاء، يناير 18، 2012

انما الأمم الخلاق ... ما بقيت ....


كل ما تقعد في قاعدة يقولك" الأخلاق راحت" .... ولا لما تلاقي واحد محترم كده ،تلاقي كلمة مستفزة جدا " آخر الرجال المحترمين" ليه كده؟؟؟؟؟ هو إحنا ليه دايما باصين لنص الكوبايه المتنيل فاضي؟؟؟؟ منبص لنص الكوبايه المليان يجري إيه يعني؟؟؟؟

أنا هتكلم النهار ده عن الميثاق الأخلاقي للمؤسسات ...

في الأول خلينا نعرف أيه هو الميثاق الأخلاقي للمؤسسات؟؟؟؟

"وثيقة تحدد المعايير الأخلاقية والسلوكية المهنية المطلوب آن يتبعها أفراد جمعية مهنية. وتعرف بأنها بيان المعايير المثالية لمهنة من المهن تتبناه جماعة مهنية أو مؤسسة لتوجيه أعضائها لتحمل مسؤولياتهم المهنية"

دا كلام كويس جدا .... يعني مثلا الأطباء عندهم ميثاق شرف وقسم ابوقراط، الأخصائيين الاجتماعيين كمان عندهم ميثاق أخلاقي، والأخصائيين النفسيين..... الخ، باختصار و من غير لت وعجن كتير كل وظيفة ليها معايير أخلاقية بتحكمها ودي اسمها الميثاق الأخلاقي للمهنة وللمؤسسة.
لكن  مش معني أني قلت انه ميثاق يحكم المهنة آو المؤسسة افرضه غصب و اقتدار علي الناس ... علي أساس أن كل شيء بالخناق ... إلا الميثاق الأخلاقي لازم الاتفاق ...

آنا كمؤسسة لازم اقنع الموظفين بمبادئي ورسالتي واعرفهم المبادئ الأخلاقية لمؤسستي واترك لهم حرية الاختيار في الإتباع .... أنا شخصيا بشتغل في مؤسسة و ليها ميثاق أخلاقي... أقولوكم علي سر بيني وبينكم ... أنا مفتحتش الميثاق الأخلاقي ولا قريته .... لحد لما خير الهم اجعله خير لقيت الكلام كتير عليه قلت اقرأه مش هيجري حاجه يعني .... الغريب إن لقيت أني ينفذ كل بنود الميثاق من غير ما اقرأه ...
أنا اكتشفت أن ميثاق الأخلاق مش ورق وكلام منظوم .... ميثاق الأخلاق جوانا ... مش أنا لوحدي علي فكره ... دا زميلي كمان .. خليني أكلمكم عن شوية نماذج ...

أخصائيين تنمية القدرات " الي أصلا يستحملوا الي محدش يستحملوا أبدا ... ملتزمين و همهم الأول والأخير الأطفال ... مبيفرقوش ما بين حد وحد ول عرق ولا لون ولا دين .... الحقيقة هم ينفذوا كل الي في الميثاق من غير ما يحسوا و من غير ما يعرفوا"

الأخصائيين النفسيين "متابعة مع الحالة وشيالين همها ،ملتزمين ، يحترموهم ويقدروهم، بيحافظو علي الأطفال، حاسين بالمسئولية .... دا الي موجود في الميثاق برضه ينفذوه من غير ما يحسو ... ما هو أصلا مش مهم آني احفظ الميثاق عن ظهر قلب ... المهم إني اعمل بيه"

المسئولين عن الأسرة " تبهدلوا يا عيني نزول في الشوارع والزيارات علشان يعرفوا احتياجات الأسر إيه؟؟؟ و نقدر نقدم إيه؟؟؟

دا غير الي ساهموا في تدريب الأمهات ازاي يتعاملوا مع أولادهم، ولا الي ينزلوا يوزعوا معونات ولا الي يعملوا المبادرات .... يوه هحكيلكم علي مين ولا مين ؟؟؟؟

عرفتوا باه إيه الميثاق الأخلاقي للمؤسسات؟؟؟؟

حني لو بتشتغل في شركة و محدش وزع عليك ورقه مكتوب عليها الميثاق الأخلاقي .... أحب أقولك انك مش محتاج .... لان أخلاقك هي الميثاق :)

0 التعليقات:

إرسال تعليق