أنا كنت عايزة اقولك انى زهقانة اوى من نفسى حاسة انى ماليش لازمة مش حابة
شغلى ومش عارفة اغيرة .
حاسة انى انا كمان عايزة اتغير عايزة اغير حاجات فيا بحب اوى الخشب والديكور
والفخار والحاجات دية بس عمرى ماحاولت اعمل حاجة تخالينى اشتغل فى كدة مع
انى نفسى اوى عايزة تغير شامل كامل ليا .
يمكن عاندى فى البيت فى تشدد شوية فى مواعيد الكورسات واماكنها عشان كدة كان
بيبقى صعب بس انا عاندى استعداد اعمل حاجات كتيير وكمان انا عاندى ازمة نفسية
كدة من موضوع حصلى فعايزة اشغل نفسى اوى واعمل حاجات كتييير اوى واحس من
جوايا انى حاجة كويسة مش مجرد انى اتخرجت واشتغلت شغلانة كدة وخلاص.
عايزة اروح عندك فى خطوات بس مش عارفة اروح لمين ولا اقولوهم انا عايزة اية
فقولت ممكن تساعدينى انى افهم اعمل اية معلش انى
انى طولت عاليكى ومعلش على كل الرغى دة
مش عارفه اقولك ايه
بس الحقيقه انا معنديش علاقه بخطوات ... أنا بس بروح لما بيكون عندي كورس او
تدريب ....
بالنسبة للتغير ... انا من مشجعي التغيير جدا خاصة انه لطيف بين الحين و الاخر
الواحد فعلا بيحتاج انه يعيد حساباته مع نفسه و يحسن و يطور يعني انا اشجعك جدا
علي الخطوة دي لكن ....
بشرط
و شرط هام جدا ... ان التغيير ميبقاش علي حساب نفسك... يعني الي فات مات و احنا
ولاد انهارده ... غلطنا و عكينا و فكرنا غلط و ضيعنا وقت ... كل دا عادي و انتهي
خلاص صفحة اتقفلت ... يعني نقطه و من أول السطر و الي فات نتعلم منه مش
نحاسب نفسنا حساب الملكين ... فهمتيني؟؟؟؟
بالنسبة للهوايات ... ابتدي ... حتي و ان كان علي نطاق بسيط و بعدين نتوسع و
ننتشر و نقتل :)
بصي مفيش حد في الدنيا ملوش لزمة ... لو ملكيش لزمة مكنش ربنا خلقك ...يعني
وجودك في الحياه ليه سبب يمكن بس انتي مش واخده بالك منه لكن انتي لكي دور و
دور مؤثر كمان .... ركزي بس في الحياه حواليكي و هتعرفي الدور دا ايه بالظبط ...
بالنسبة لمواعيد الكورسات ... مش لازم تاخدي كورسات في مكان بعيد و مش لازم
تكون متأخرة ... يعني ظبطي ظروفك ...
انا شايفه انك ممكن تروحي اي جمعية اهليه قريبه منك و تشوفي ايه الانشطه الي
عندهم او لو مشتركة في نادي ...او ساقية الصاوي او قصور الثقافة .... الي يسأل
ميتوهش ... و ان شاء الله تنولي الي انتي عايزاه
2 التعليقات:
Hi Rasha i whant to ask about the online jobs and how could i apply for it?
hi rasha ana kont 3ayez as2al so2al ana tale3 rab3a english commerce we estakareet enn el major yb2a management bas nas kteer bt2oly la2 accounting a7san men 7es el sho3'l wl accounting te2dar tshta3'al fl finance we kman sho3'l el management field bas ana myoly fl management 7ases en el skills bta3ty 7tb2a a7san we ba7eb mwad el business a2i momken tensa7eny
إرسال تعليق