ازيك يا رشا انا مينا في ثانيا هندسة قسم عمارة (الحقيقة بعيد السنة :) وكنت عايز اسئلك لو من دلوقتي عايز اخد كورسات وادرب علي الشغل ايه الكورسات الي ممكن اخادها و يا ريت لو في اماكن مش غاليا تعرفيها
وانا دلوقتي باخد كورس autocad بس عايز اخد شهادة autodesk بعد الكورس هي ب 100 جنيه رايك اخودها ولا ملهاش لزمة , وطيب انا لو من الكلية تقديري مقبول او جيد بس معايا كورسات وتدرب يبقي كويس ولا التقدير ضروري (بس انا مش هاعرف اجيب اكتر من جيد :)
وشكراُ علي وقتك
منورني يا مينا .... و كل سنة و انت طيب ...يعو عليك الأيام بخير ان شاء الله.
بالنسبة للكورسات ... انا مش عارفه اقولك ايه .... يا مينا كلية الهندسة كل شوية تنزل كورسات في الكمبيوتر و الناس بتيجي من بره الكليه علشان تاخدها .... انا بشوف اعلانات كورسات الكمبيوتر في الجرايد كل مده ... ابتدي من كليتك الأول ...و شوف هم بيعرضو ايه و افتكر اسعار الكورسات بتكون مناسبة .
الحاجه الثانية .... تابع الجرايد واعمل بحث في الانترنت علي الجهات الي بتقدم منح ... و المنح معظمها بيكون باسعار مخفضة او بيكون مجانا ... علي حد علمي فيه في جامعة القاهرة مركز كبير جدا فيه كل كورسات الكمبيوتر الي ممكن تحتاجها ... تقريبا ناحية مدينة الطلبة كده مش فاكره المكان بس ممكن تسأل .... و الي يسأل ميتوهش .... ولا ايه؟؟؟؟؟
بالنسبة للتقدير .... فيه شركات كتير عندها حد ادني للقبول ... زي شركة رايه مثلا ...لازم تكون متخرج بجيد علي الاقل علشان يقبلوك عندهم ... انا نصيحتي انك تأمن نفسك ... و انت لسه عندك فرصة ... ركز انت بس و ان شاء الله تجيب تقدير ..
1 التعليقات:
فيه شركات كتير عندها حد ادني للقبول ... زي شركة رايه مثلا ...لازم تكون متخرج بجيد علي الاقل علشان يقبلوك عندهم
انا لسه خريج جديد
اقدم فيها ازاى ؟؟؟
إرسال تعليق