الاثنين، يناير 03، 2011

تاني هسأل ...انت جايه اشتغلي ايه

السلام عليكم

ازيك يارشا انا سمعتك مع احمد يونس وبجد عجبتينى جداا وربنا يوفقك دايماانا فى الفرقه الثالثه كليه تجارة جامعه المنصورة وانا الحمد لله بحب دراستى جدا وبجيب تقدير جيد جدا كل سنه ومعايا دورة icdl ودورة لغه.


 بس كنت عاوزة اعرف ايه الى ممكن ابدا اعمله اعمله من دلوقتى عشان يساعدنى بعد التخرج وايه هى الدورات الى لازم اعملها ولازم تكون فى السى فى بتاعى عشان اقدر اشتغل فى اى مكان.

شكرا ليكى بجد واسفه لو طولت عليكى

ميرسي جدال علي كلامك اللطيف .... و الله كلامكم الجميل دا هو الي بيشجعني اني اكمل المشوار ....ربنا ميحرمنيش من دعمكم ليا و يخليكم ليا دايما :)

نيجي للموضوع بتاعك ... انا لاحظت حاجه ... انت متفوقة وكل سنة جيد جدا ...يعني بالشكل دا ان شاء الله ليكي فرصة انك تكملي في الجامعة ... لو كان دا الخطة الي انت حطاها لنفسك ... افتك انتي ماشيه مظبوط .. كمبيوتر و لغات و تفوق في الدراسة ...كملي باه في الدراسات العليا و ربنا معاكي ...

اما لو كانتي بتفكري في اتجاه تاني .... الحقيقه انا مش عارفه انت عايزه ايه بالظبط ؟؟؟؟

يعني هل بتحبي الأدارة ... يبقي هتركزي علي الكورسات الادارية .

لو بتحبي المحاسبة ..... يبقي هتركزي علي كورسات المحاسبة .

حاجه تانية مهمه جدا ليكي .... اعملي اتدربي خلال فتره الصيف في اي شركة او بنك او اي حاجه لان دا هيفيدك جدا جدا جدا!!!! 


Reactions:

0 التعليقات:

إرسال تعليق