الاجابة عندك !!!!!!!

السلام عليكم ورحمة الله وبركاته

بعد تحياتى لك على مجهوداتك الكبيره فى دفع الشباب للتخلص من الاحباط والياس و انهم ينطوا فى حمام السباحه بتاع سوق العمل

احب اقولك سؤالى

انا خريج اداب 2009   علم اجتماع

كملت بدبلومه تربيه عامه 2010

اشتغلت 5 شهور فى الوسيط وانا طالب موزع جرايد

وحاطط دا فى السى فى هل دا يضيف ولا يضعف ؟

حاجه تانيه

انا بعد ما اشتغلت فى الوسيط كنت بنزل كل جمعه

لقيت شغلانه كنت بحلم بيها من زمن وهى انى اشتغل فى شركة كمبيوتر

وفعلا بقيت اشتغل 7 ايام فى الاسبوع دا كان فى 4 كليه

وحاليا بقى معايا سنتين خبره فى الشغل

انا بدات فى الصيانه بس نجحت اكتر فى المبيعات و سمعت جدا فى السوق وبقيت معروف وليا العملا بتوعى

عندى مشكله

انى بقيت مدير مبيعات  وسنى صغير لما بحط دا فى السى فى 

بسمع يا اما انى مفبرك السىفى  او انها شركه وقعه يعنى مش كبيره  هى فعلا متوسطه بالنسبه لراس المال بس ليها اسم كبير فى السوق وجزور وقاعدة عملا كبيره .... بدافع طبعا بس بحس انهم ماشيين بالمنطق مش بيفكروا ان دا ممكن يحصل

تانى حاجه انا زهقت من شركتى اللى انا فيها لانى حاسس انى وصلت فيها لجدار سد

خلاص معنتش هتقدم فيها غير ان ممكن كل فين وفين المرتب يزيد حبه صغيرين

وانا لسه ببدأ وعايز اطلع لقدام وانا مش من القاهره مشكلت الناس الازليه لقيت شغل كويس جدا فى القاهره بس لوجيت اعيش هناك هفرتك المرتب واقول الحقونى عشان العيشه والموصلات غاليه اييييه العمل ؟؟

الحقيقة ..... كلامهم منطقي بشكل كبير ....

خليني الأول اسألك يعني ايه مدير ؟؟؟؟؟

المدير مش بس تارجت بيحققه .... المدير مزيج من العلم و المهارة والأنجازات .... وكل دا بيكتسبة مش بين عشية وضحاها دا بيجي بالوقت و المجهود .... ودا الي متعارف عليه في كل الشركات ..

نيجي ليك انت .... انت اقدر واحد و اكثر واحد عارف حجم شركتك .... بالشكل دا تقدر تتكلم عنها في اي مقابلة شخصية يعني اعمل زي سيناريو للمقابلة الشخصية اول ما تتسأل السؤال دا هتجاوب تقول ايه؟؟؟ و ركز علي العناصر التالية :

1- حجم الشركة الي كنت بتشتغل فيها .

2- عملائك .

3- انجازاتك في المبيعات و الي حققته خلال السنين الي فاتت 

4- كل دا ... كان السبب الأساسي في انك بقيت مدير مبيعات لشركتك...

فيه حاجه مهمه جدا .... انت الوحيد الي تقدر تجاوب عليها .... هل انت عندك استعداد تشتغل في منصب اقل من مدير مبيعات ... في مقابل انك تشتغل في شركه كبيرة ... و تتعلم مهارات اكثر و برضه هيكون فيه مكاسب ماديه لطيفة ؟؟؟؟  جاوب علي السؤال دا و افتكر دا حل موضوعك :)