السلام عليكم
استاذتي رشا انا اسف هتقل عليكي شوية
انا مشواري غريب شوية ودا ناتج عن اني غيرت مسار حياتي .... انا خريج تجارة السنادي دفعة 2010
انا عمري ما حبيت التجارة ولا المحاسبة ودا ناتج عن رغبتي في دخول الاكاديمية البحرية (الملاحة البحرية)
ولما محصلش نصيب في دخولي
الاكاديمية دخلت تجارة بس عمري محبيتها ... وجهت نفسي لمجال الكمبيوتر والصيانة ومنها للشبكات ( cisco & microsoft )درست كورسات كتير اثناء الدراسة في الكلية وفي سنة رابعة كلية اديت كورسات لناس زملاتي في كلية الحاسبات والمعلومات
المشكلة اقا اني كل مبروح اعمل انترفيو بيبصولي علي اني واحد مكنش المفروض يدخل في مجال الشبكات
عملت انترفيوهات كتيرو الفترو اللي فاتت دي بس مهيش نصيب ....ياريت لو عندك اي فرصة في مجال ال IT تقوليلي
ده السي في بتاعي انا رافعة علي الموقع ده (http://www.mediafire.com/?2c5bodokacs39os)
امممممممممممممممممممم.... عارف المشكله في ايه؟؟؟؟؟؟
في المقابلة الشخصية .... لانك لما بتروح تعمل مقابلة مش بتعرف تقنع الشركة بانك مناسب للوظيفة دي .... بغض النظر عن شهادة التخرج .... خاصة ان المجال الي انت اختارته معتمد بشكل كبير علي الكورسات و الشهادات من ميكرو سوفت و سيسكو ...
طيب تعمل ايه ....
- لو عندك مشروع نفذته من خلال دراستك يا ريت ترفقة مع السيرة الذاتية الخاصة بيك .
- في السيرة الذاتية بتاعتك ... خلي القاريء عينه تقع في الاول علي شهادة الميكرو سوفت و سيسكو قبل شهادة التخرج اتفقنا قبل كده ان السيرة الذاتية مفيهاش صح مطلق و لا خطأ مطلق ... انت في الاول و الاخر عندك رساله عايز توصلها لقاريء الcv دي و هي انك معتمد من ميكرو سوفت .
- عايزاك تجيب ورقة و قلم و تقعد مع نفسك ... كوبياة شاي وركز جدا انك تكتب كل المهارات بتاعتك ... تحط نفسك مكان صاحب الشركة و اسأل نفسك .... هو ممكن يستفيد منك في ايه.
- بعد كده تمسك الورقة و تحفظها عن ظهر قلب ... بالشكل دا اول ما تقدم في وظيفة وتقابل السئولين .... هتكون جاهز لانك تعرض المنتج الي معاك ...الي هو شهاداتك و امكانياتك.
- دا غير النصايح العامة للمقابلات الشخصية .... دي تسأل فيها الأخ YouTube علشان هتتفرج علي فيديوهات كثيره جدا والحاجه التشوفها بعنيك و تسمعها بودانك ابلغ من 100 مقال مكتوب .
تحياتي و ربنا معاك:)
0 التعليقات:
إرسال تعليق