السبت، سبتمبر 25، 2010

شغل الصيف :)


ازيك يا روشا بجد انتي ماشاءالله قدوة حلوة أوي ومثال يحتذي به مش هكدب عليكي وأقول إن أنا متابعة جيدة ليكي بس أنا كنت سمعتك علقهوة مع يونس واشتركت ف الجروب وكنت مستنية تعملو حلقة كده عن حاجة هقولك عليها بس قبلها حبة أقول ربنا يجازيكي خير عشان إنتي بتعملي حاجة من أحسن الحاجات ف الدنيا إنك بتيسرلي علي الناس وبتساعديهم بجد ربنا يجعله في ميزان حسناتك يارب
أنا ياستي ف تانية طب أزهر
من زمان وأنا نفسي أشتغل ف الأجازة وهو ده الموضوع اللي كنت نفسي تتكلمو فيه شغل للطلاب ف الأجازات أنا عن نفسي معنديش أي مانع أشتغل بياعة ف محل لأني بحب أتكلم مع الناس وأساعدهم وبحب أي حاجة فيها ناس بس طبعا ماما وبابا مش يوافقو علي حاجة زي دي تشتغلي ف محل


تمسحيه بقولهم إن فيه فرق بين بياعة وعامل نضافة وإن ف أمريكا والدول المتقدمة كل الطلاب بيعملو كده أغنيا فقرا مش حوار محتاجين أو مش محتاجين بالنسبالي احتياجي للشغل احتياج معنوي الأجازة بتضيع الشغل يعني التزام تنظيم وقت حاجة بتصحيلها كل يوم حاجات أنا بجد محتجالها ومش هخبي عليكي حتي لو الواحد بياخد مصروف محترم من باباه بيحب إحساس إنو كسب من تعبه وليه بوكت money




أنا ف حاجة كمان بحبها أوي وهيا الكتابة ودي ممكن أشتغلها ف أجازة أو دراسة نفسي ألاقي مجلة أكتب فيها بحب كمان أتكلم ف التليفونات وأرد علناس يعني نفسي أشتغل كوستمر سيرفس بحب حاجات كتير ونفسي أعمل حاجة ممكن ألاقي شغلانة يوافق عليها مامتي وبابايا من غير مايكون معايا مؤهل جامعي؟




أنا الإنجلش بتاعي الحمدلله كويس لأني بحب الإنجلش أوي وكنت أزهر نموذجي بناخد إنجلش هاي ليvل الكمبيوتر صراحة أعرف فيه اللي بستخدمه بس آسفة إني طولت عليكي بجد وربنا يكرمك يارب

بصي بجد انتي حد جميل اخر 800 حاجه .... بصي يا ستي الحقيقه احنا فعلا كنا هنوفر فرص عمل للشباب أو بمعني ادق تدريب صيفي لكن  فترة الصيف كانت مقفوله اخر حاجه .... طبعا علشان رمضان و الاجازات و الحوارات دي كلها ...
نرجع باه لرأي أهلك .... هم عندهم حق ... لكن احنا ممكن ننفذ الي احنا عايزينه بطريقة تتوافق مع البيئه المحيطه بينا يعني نعمل ايه يعني ..؟؟؟؟؟
في فتره الصيف ممكن تتدربي في صيدلية مثلا .... انتي دكتور و هتشتغلي و تاخدي فلوس في حاجه محترمة ...أو ممكن تشتغلي اون لاين في الابحاث الطبية مثلا .... أو انك تشتغلي في مستشفي حتي لو شغلانه بسيط  او مركز طبي ... يعني دوري في الاتجاه الي ميخليش أهلك يتضايقو ... او مثلا ادخال بيانات في معمل تحاليل ... يعني الافكار كتير ...اخرجي بره الصندوق .. و دوري علي حاجه مناسبه .... بصي لو خرجتي بره الصندوق هتلاقي افكار كتير جدا ...
خدمة العملاء دي ... اي كول سنتر ممكن تشتغلي بسهوله جدا حتي لو كنتي طالبه ... دا موضوع سهل .. اجمعي عناوين الكول سنت رالي في القاهره و روحي حطي السي في عندهم ... بيكلموكي علي فكره...
بالتوفيق

Reactions:

0 التعليقات:

إرسال تعليق