خناقشة ...و انا مالي هو انا هصلح الكون

نوفا الغلبانه يا عيني لسه عماله تدور و تبحث و تنقب عن شغل جديد ... بعد الفضيحه الياباني الي عملتها في الشركه اياها ...فاكرين طبعا ....

موزا فعلا اشتغل علي نفسه كتير ...و خد كورسات ... و ظبط ...بأه استاذ و ورئيس قسم ....اي شركه تتمناه ...

في يوم فتح الجرنال شاف اعلان بيقول عايزين منسق تصدير في شركة من الشركات الكبيره .... المهم راح و

قدم والحمد لله اتقبل في الشغل ... ورجع قال لنوفا الخبر السعيد ...الحقيقه موزا كان فعلا مبسوط ....ونوفا اتمنتله كل التوفيق .

بعد يومين ....نوفا قابلت موزا ...قالتله ايه يا أبني انت مش عندك شغل و لا ايه؟؟؟؟؟؟

رد موزا بابتسامه عريضه ....لا منا سيبته .... هو انت لحقت دا يويمن ....؟؟؟؟

موزا حكالها الحكايه ...

انا رحت و قعدت مع الموارد البشرية ادوني ورق فيه تاريخ الشركة والاعمال الي قامت بيها قبل كده ...وعرفني علي المكان و علي الجو العام للشركة ....و قالي ان الادارة دي مكانتش موجوده عندنا قبل كده ...وانت هتبتدي معانا من البدايه خالص ....قلت وماله ...رحت اول يوم شغل دخلت احجرة بتاعتي لقيت المكتب مش نضيف ...و مفيش كمبيوتر وقعدت مع زمايلي في الشركه قالو ان المرتبات وحشه ...وان مفيش نظام واضح ...وان الدنيا ماشيه سبهلله ...فخدتها من قصيرا ومشيت روحت ....وقلتلهم مش جاي تاني .....

نوفا كانت مستغربه جدا من كلامه .....

نزفا : طيب انت كلمت مدير الشركة في الحاجات دي؟؟؟

موزا : ...لااااااا متكلمتش مع حد ؟؟؟؟

نوفا : طب سألت مديرك المباشر عن طبيعة الشغل و ايه الي مطلوب منك ؟؟؟؟

موزا : برضه قال ...لااااااااااااا

نوفا : طيب انت طلبت حاجه و هم منفذوهاش ....

موز: ا قال لاااااا انا مطلبتش :) حاجه

نوفا : طب انت حكمت عليهم من ايه؟؟؟؟

موزا : يا بنتي من كلام الناس ....الموظفين الي في المكتب كلهم اتفقو علي نفس الكلام ...هم هيكدبو ليه يعني ؟؟؟؟

نوفا : هي الشركة اسمها ايه؟؟؟؟؟

موزا : الشركة المتحده للتصدير

نوفا : طب هات العنوان .

وراحت نوفا ثاني يوم .... قابلت الموارد البشرية و قالت انا عايزه اشتغل ...مسئول الموارد البشرية قالها دا انتي جيتي نجده من السما ...احنا عينا واحد ...ومشي بعد يوم واحد .... و علشان هم مستعجلين طلبو منها تستلم في نفس اليوم .. وقابلت المدير المباشر ليها ...و قالها : معلش مش فاضي اعرفك علي المكان لاننا بنستلم الاجهزة الي هنشتغل بيها كان فيه مشكله في الجمارك و لسه حالنها النهارده ....هتتعبي معانا ووحنا بنركب الاجهزة هعلمك تستخدميها ازاي ...دي تقنيه جديده مكلفانا كتير جدا ....وبيها نقدر نوصل لكل اسوقنا خارج مصر ....مهي هتشتغل منسق تصدير ...

مهي الفرصه كده ....بتيجي ...بس يا تري انت مستعد ليها ؟؟؟؟ و لا لاااااااااااااااااااا

مش كنت تصبر شويه يا موزا .....

مبروك عليكي يا نوفا ......بيضي وشنا بأه

و لسه فيه خناقشات كتييييييييير ....... بين موزا ...ونوفا