ياتي التغيير .... بما لا يرغبة الموظف !!!!

التغيير .... كلمة واحدة وبسيطة ...

لكن بتولد مشاكل ملهاش اي 30 لازمة 

الانسان بطبعة رافض للتغيير .... محب للاستقرار .. ... لكن الحياه مش كده ....الحياه مليانه متغيرات بتحصل طول الوقت .... 

تخيلو لو الدنيا شتاء طول السنة ؟؟؟؟

مطره و برد و يوم قصير .... جو مغيم تشوف النور ساعتين في اليوم ... انا شخصيا اعشق جو الشتاء ... بس عمري متخيلت الن الصيف ميجيش ... اللبس الملون والاقبال علي الحياه و الخروج والرحلات ...

شغلنا هو حياه صغيرة ... رضينا ام لم نرضي لاااااااازم تحصل تغييرات 

يعني مؤسسة كانت صغيرة .... و كبرت ... دا يتطلب تغيير طبعا ...

شركة محلية ... وبضربة حظ اتقبلت عالمية .... برضه لازم تغيير....

شركة خسرت فلوسها في البورصة .... 

ناهيك عن التطور التكنولوجي الي بيتغير كل ثانية .... طبعا دا كمان يتطلب تغيير..

طبعا اول المصابين جراء التغيير .... هم الموظفين الغلابة الي لا حول ليهم ولا قوة ....

الي الادارة الغدارة الوحشة .. الشريرة ... مش سايباهم في حالهم .... دا طبعا بيكون كلام الموظفين رد فعل طبيعي جدا للمتغيرات الي بتحصل ...

 بس مع الاسف مع الألم ... مضطره اصدمكم و اقول ....

ان التغيير شر لااااابد منه و علي السادة الموظفين ... مراعاة فروق التغيير 

لكن لا تقلقو ... انا قعدت مع جدوجل وناقشنا الموضوع .. وكانت النتيجة شوية نصايح كده علي ما قسم للتعامل مع التغيير 

النصيحة الأولي ....

المقاومة مش هتفيدك .... علي الرغم ان دا عكس الطبيعة البشرية لكن خليني اقولك ان مقاومة التغير هتستنفذ من قوتك ومجهودك ... في حين انك لو استغليت الوقت دا في التعامل مع التغيير والتأقلم عليه افتكر من وجهة نظري المتواضعة ... انك هتكون الكسبان 

النصيحة الثانية ....

ارجوك .. من فضلك ... لو سمحت ... ابوس ايدك .. تبص لنص الكوبايه المليان .... عارفين انا لو مكنتش سبت شغلي في الاغاثة الاسلامية سنة 2009 وخطوبتي اتفسخت ... كل دا وانا عليا اقساط والتزامات .... مش هتصدقوني لو قلتلكم انه علي الرم من هذا الكم من المشاكل الي كلها جت مع بعض في نفس الوقت .... إلا ... ان لولا هذا التغيير مكنتش عملت نصايح رشا ولا كنت طلعت في التلفزيون .... صدقوني لما اقول ان النظر لنصف الكوباية المليان .... فعلا بيدفع بالانسان للامام :)

النصيحة الثالثة .....

شعار الجيش .... كن مستعد ... اعمل قائمة بكل الاحتياجات الي ممكن تحتاجها علشان تقوم بالتغيير .. كل ما تكون منظم افكارك ومستعد كل ما تاقلمك مع التغيير هيكون اسرع :)

النصيحة الرابعة ....

متضيعش وقت .... الوقت كالسيف ان لمت تقطعة .... هيعملك بوفتيك .... علشان كده الزم تلحق نفسك بسرعة تاقلم مع الوضع الجديد يعني غير طريقتك و اسلوبك علشان تتناسب مع الوضع الجديد ... ابتدي و عر نفسك للناس الجداد لو فيه اعادة هيكلة او مكان جديد ...  كلما اسرعت في التاقلم علي الوضع الجديد .... الوضع الجديد هيتحرج منك وهيتكسف علي دمه و يتعامل معاك بشياكه و لطف ...

النصيحة الخامسة ...

الجنه من غير ناس .... ما تنداس ....

راعي زمايلك ارجوك ... اقعد مع نفسك وفكر .... ايه شكل فريق العمل الي انت عايز تشتغل فيه ؟؟؟؟؟؟ 

وساعد في تكوينه من خلال كلامك وافعالك ومظهرك وكل حاجه .... يعني بل ما تقعد مع زمايلك تسب و تلعن في اليوم اي حصل فيه التغيير ... و تنزل هجوم علي المدير الي هو كان من وجهة نظرك سبب التغيير .... اقعد معاهم اقنعهم بالافكار الجديدة وضحلهم ازاي هم هيستفادو منها ... كلمهم عن ايجابيات الوضع الجديد ... كلمهم عن اننا ازاي هنكون فريق عمل رائع في ظل الظروف الجديدة ... 

النصيحة السادسة ....

لما يكون فيه تغييرات كتير كده حصلت كلها مع بعض .... بلاش تشتت تفكيرك وبالتالي مجهودك ... ركز علي مظهر مظهر من مظاهر التغيير و اشتغل عليه و لما تنتهي خش علي الي بعده ... متستعجلش ... الاستعجال مش كويس علي صحتك 

النصيحة السابعة ....

الصبر سيدي الفاضل ... مفتاح الفرج ...

يعني خد وقتك واصبر متضغطش علي اعصابك ... يعني مثلا لو جابولك نظام كمبيوتر جديد ... اكيد يعني مش هتتعلمه في يوم وليله خد وقتك ...

النصيحة الثامنة ....

مش معني ني بقولك خد وقتك .... تريح باه وتضربها طبنجه ..... خد وقتك .. بس بالعقل 

النصيحة التاسعة ....

خليك ايجابي ... و اسال نفسك اسئله ايجابية .... بلاش موجه النكد الي بتهب مع رياح التغيير ...

النصيحة العاشرة ....

خلي الامور تحت السيطة ... انت بتواجه تحدي جديد في حياتك ... و اعرف انك قادر علي السيطرة 

دي كانت نصيحتي ليكم لمواجهة التغيير ... 

المصدر : Ten tips for managing change