الأحد، ديسمبر 18، 2011

فاقد الشيء ... يدور عليه !!!!!


المدير هو كمان موظف ...
يعني المدير مش لودر اوف زا رينج ...LORD OF THE RING
ولا هو الحاكم بامره ...

 المدير موظف ... عادي يعني ... الفرق بينه و بين الموظف العادي شوية فروق صغيره ... منها فرق الخبرة مثلا
والخبره دي ممكن تكون راجعة لسنه ... يعني الدنيا اخدت منه و اديتله كتير و منها اتعلم و علشان ده استحق انه يكون مدير ...

فرق العلم ... يعني هو ممكن يكون عنده علم مش موجود عن الموظفين الي عنده ... علشان كده برضه استحق انه يكون مدير ...



دور المدير انه يرتقي بمستوي الموظفين الي بيشتغلوا معاه ... دوره انه يعلمهم الي هو اتعلمه في من خبره وعلم حتي الاخلاق .. مهم انه يعلما لفريقه ...

يعني لو انا مؤسسة و رقيت واحد لوظيفة مدير ... برقيه علشان احمله مسئولية سير العمل بشكل جيد ... ودا عمره ما هيحصل لو هو مدير فاشل و معرفش ازاي يتعامل مع موظفين الي بتشتغل تحت ادارته ....
 علي راي الست شويكار " اوووو انت شديد اوي مع الموظفين بتوعك "

جيبالكم النهارده مقارنة جامده جدا بين المدير الفاشل ... والناجح ...

يا تري انت انهي مدير فيهم؟؟؟؟؟

جاوب انت ... و انت وضميرك ... لو لقيت في نفسك اكثر من 6 صفات من المدير الناجح ... يبقي انت كده في الامان ... اما لو لقيت اكثر من 6 صفات من المدير الفاشل ... يبقي لازم تراجع نفسك يا معلم وتشوف باه تعمل ايه لحاسن تقع ... و محدش يسمي عليك ... حاصة ان المدير لما بيقع .... بييكتر سكاكينة ...


المدير الفاشل
المدير الناجح
مفرح الفريق ولا منكد عليهم ؟؟؟؟
يداوم على تحطيم معنويات المجتهدين من موظفيه ، فهم قد يشكلون عليه خطرا في المستقبل البعيد ( فهو ذو استراتيجية طويلة الأمد قصيرة النظر) قلقان طبعا ... لتيجي تاخد مكانه ... باصص تحت رجليه مش باصص للامام.
يسعد بسعادة موظفيه و يسعى لإبراز المجتهدين منهم وإعلاء مناصبهم .... نجاح فريق العمل بتاعه من نجاحه هو الشخصي
ترغيب .. ولا ترهيب؟؟؟؟
يرهب الموظفين ، يكسر في مقاديفهم ، يسيطر عليهم بقوة التهديد والانذارات والتقارير الكاذبة..
يكون صديقا لموظفيه يفرض عليهم احترامه بالطرق الحضارية
مناقشة مواضيع العمل...
يجتمع بهم في نهاية الدوام ويؤخرهم ساعة وأكثر بعد يوم شاق و طويل ليؤنبهم حول طرق شرب القهوة واخر موعد لشرب الشاي.
يجتمع مع موظفيه كل صباح ويناقشهم في مواضيع العمل و كيفية جذب العملاء و كسب رضاهم
التعامل مع المديرين الأخرين
يتحارب مع غيره من المدراء عايش في برجه العاجي حاسس انه اشطر واحد والي حواليه كلهم ..... دون المستوي علي راي واحده صحبتي " عبيط في نفسه"
يتعاون مع غيره من المدراء في الشركة لمصلحة العمل
مهتم ولا منكد علي الي معاك ...
. يصب جام غضبه على موظفيه ... منكد علي فريقه يا عيني و هم ملهمش ذنب اصلا ... ذنبهم الوحيد انهم بيشتغلو تحت ادارته ...
يستمع لموظفيه باهتمام وبكل جدية مهما كان متعبا أو متوترا
مقابلة اخطاء الفريق
لما واحد يعمل حاجه غلط ... يفضحة فضيحة الجزرة في سوق الخضار ... ماش بمبدا يا الي مشفتش شوف ...
يعاتب الموظف المخطئ دون أن يعلم باقي الموظفين
الجو العام
يتبنى سياسة فرق تسد دون أن يكون له هدف سوى الثرثرة والنميمةعلى موظفيه وخلق العداوات بينهم .... دا غير التكتلات ... حزب الاعداء وحزب الاصدقاء ...
يسعى لخلق جو من المحبة والمرح في محيط العمل بين الموظفين ... يحسس الموظفين ان جو الشغل لطيف ...
الاهتمام بالتفاصيل
يهتم بالقشور و يركز عليها ويجعلها من أولوياته .... يعين بيجي للهايفه و يتصدر ...
يهتم بالتفاصيل المهمة التي تمس سير العمل ... بيجيب من الاخر يعني .. وهمه هو ان الشغل يخلص علشان المؤسسة تمش للامام
الكرسي.؟؟؟
ايعتبر الكرسي عرشا و يظن نفسه السلطان فيحاول التحكم بالبشر واللعب بمستقبلهم تنفيسا عن عقد الطفولة والمراهقة وسن الرشد التي عانى ويعاني  منها ...
ينظر الى كرسيه على أنه مسؤولية عليه أن يستغلها في مصلحة العمل ...


مش هفكرك ... انا هسيبك لضميرك :)


Reactions:

2 التعليقات:

إرسال تعليق