اليوم كان يوم جامد جدا بكل معاني الكلمة .... علي راي الست سومة ... ما يتحسبش من عمري :)
النهارده كان المفروض اني اكرم فريق العمل الي بيشتغلوا معايا .... تصدقوني لو قلتلكم اني حسيت من جوايا اني انا الي بتكرم
ربنا يديمها علينا نعمة فريق العمل الي بيحب بعضه ..... و يبعد عننا عيون الحاسدين :)
كلامي النهارده عننا ...
فريق العمل حاجه مهمه جدا .... مهم ان الناس تكون متفاهمه مع بعضها و بتحب بعضها بجد ... مش مجرد شعارات مرفوعة
كلام انهارده ... هو نفسه كلام الكتاب ... يعني احنا بفضل الله عملنا فريق عمل زي الكتاب ما بيقول .... يعني اتعلمنا و نفذنا ... مش كلام كلام بدون تنفيذ ....
الخواجه الي انا نسيت اسمه بيقول ايه ... " الفريق الناجح هو مجموعة ايادي كثيرة ... ذات راي واحد "
خلوني اقولوكم ايه اكثر 10 حجات ممكن تنجح فريق العمل بجد ....
.يعني حاسبها قبل ما تقول للفرق اشتغلوا اشتغل انت ... و قبل ما تقول متتاخرش في مواعيدك مهم انك تيجي بدري .. و قبل ما تقولو نظم مكتبك وخلي مكانك نظيف .... بص علي مكتبك و شوف هو نظيف ولا ايه؟؟؟؟؟؟
- مفيش كلمه اسمها "أنا" فيه كلمه أسمها "أحنا"
. فريق يعني مجموعة ... في كل لغات العالم المجموعة بيتقال عليها " نحن "... فكك باه من انا بعمل ايه و انا مين ... فكر في احنا هنعمل ايه و احنا مين؟؟؟؟
- مفاجأه .... فريق العمل بتاعك ... اكبر مما تتخيل ....
دا معناه ايه الكلام دا ... معناه ان فريق العمل مش بس الكام موظف الي داخل ادارتك ... دا يشمل كمان الادارات الأخري ... لازم تضعهم في الاعتبار ومينفعش باي حال من الاحوال انك تتجاهل وجودهم .... انت مش عايش في جزيرة منعزلة مفيهاش غي الادارة بتاعتك بس .... انت عايش في عالم كبير فيه ادارات كتير اسمه الشركة أو المؤسسة ... و بالتالي لازم تضع الادارات الاخري في الاعتبار سيدي الفاضل .
- مش عيب ابدا ابدا ابدا .... انك تعترف باخطائك ....
الناس زمان قالت الاعتراف بالخطأ فضيلة ... هو اصلا ش عيب ابدا انك تخطيء .... العيب انك تكابر و متعترفش بالخطأ ...اعرف اخطائك وواجهها خليك اقوي من الخطأ متخليش اخوف يسيطر عليك و تخاف انك تعترف بخطأك .... متحبكهاش يعني .
- اتعلم كل جديد ... بس متكونش اناني و شارك المعلومات دي ....
يعني اتعلم و علم الي حواليك انقل ليهم خبرات جديدة ... ساعدهم انهم يطورو انفسهم ... اقف جنبهم و انقلهم كل الي اتعلمته ... افتكر قول النبي عليه الصلاة والسلام
"إذا مات العبد انقطع عمله إلا من ثلاث: صدقة جارية، أو علم ينتفع به، أو ولد صالح يدعو له".
- ابعد عن شخصنة الامور .....
كان ليا مدير باكستاني زمان دايما كان يقولي .. ان علية القوم يناقشو الافكار و الابداع والمقترحات ... و الناس النص نص ... تناقش المواقف ... اما ادني مستوي من الناس باه هم الي بيناقشة الأشخاص .... يعني متركزش في انك تفكر ان فلان كلمني كويس ولا فلان بيحبني او بيكرهني أو ان فلان دا سخيف ... متركزش علي الاشخاص ...فكر في الي اهم من كده ارتقي بتفكيرك ... مش هقول اكثر من كده الحدق يفهم باه .
- فكها شوية ... و متعقدهاش ....
يعني متحبكهاش وتنشي و تفضل طول النهار بتتعامل مع الفريق بالشوكة و السكينة .... ميجراش حاجه انك تخرج معاهم ... تتغدوا مع بعض .. تهزروا .. يكون كده فيه لحظات دمها خفيف تجمع الفريق مع بعضه ...
دي حاجه بجد مهمه جدا لانك لو وثقت في الناس هتاخد منهم احلي شغلي دي طريقة متجربة بجد ... لانه بيتحملوا المسئولية وبيشتغلوا بجد ...جرب مش هتخسر حاجه .
- الفريق يكون عنده هدف واحد ... متفق عليه ...
يعني انت و فريقك كلهم بتشتغلوا علشان توصلوا للهدف الي انتو محددينة ... ولو المؤسسة او الشركة ملهاش هدف واضح ودا نادر ما يحدث اتفق انت و الفريق بتاعك علي الاهداف الي عايزين توصولولها ... شوفو انتو عايزين تحققوا ايه ... نفسكم في ايه ؟؟؟؟ احلموا .... و هدفكم يبقي ان حلمكم يصبح حقيقة ...
بص لنص الكوباية المليان .... مش هقول اكتر من كده ....
4 التعليقات:
جمييييييييييل كلام يا رشا
نجاح الفريق بتاعك ده لانك مديره ناجحه جدا انا عن نفسي بحسد نفسي اني بقيت معاكي انت شخصيه لذيذه جدددددااااااااا ( اميره )
احترام الاخرين - اهم من كل ده
د/ منصور ,,,, دا كلام صحيح 100% احترام الناس فعلا واجب شكرا علي المشاركة
إرسال تعليق