كل الناس بتسالني ؟؟؟ أشمعني الصين يعني ؟؟؟؟
الحقيقه معرفقش ؟؟يا تري سمعتها كده !!و لا قريتها كده ؟؟؟ مش عارفه عموما ... أقصر طريق لاي حته بيبتدي دايما بخطوة ...بس شرط اساسي ...أنه يكون في الاتجاه الصحيح .... منطقي الكلام دا ...يعني الخواجه الي قال المقوله دي ...الي انا اصلا معرفش هو مين... يقصد اننا هنوفر وقت .. و مجهود!!!!
طيب مكملين باه الطريق للصين ..أقصد للشغل ...نفتكر بس كده بسرعة احنا عملنا ايه قبل كده
أولا : أحنا جمعنا بيانات و عملنا احصائيات ( يعني من الاخر عرفنا السوق عايز ايه)
ثانيا : عرفنا المهام بتاعت كل وظيفة ( يعني لو عجبنا الموضوع نتدرب كويس عليه علشان نليق بالمكان)
ثالثا : ابتدينا أول خطوة ..أننا نعمل سيره ذاتيه ..( و ناخد بالنا نكتب ايه و منكتبش ايه )
متنسوش مع كل دا ... حبيبنا جوجل ..ميتأخرش علينا في حاجه ...الحقيقه عامل الواجب و زياده ..يعني اساله السؤال من هنا يطلع الاجابه في ثواني ... أحيانا بفتقده في الامتحانات ....أقصد جوجل طبعا.
طيب فاضل ايه ؟؟؟؟
فاضل اني ابتدي انزل الحمله بتاعتي باه ...
ازاي يعني ؟؟ أعمل قاعدة بيانات ... هو مش لما بحب ابيع حاجه لحد اعرف هو مين ؟؟؟و اوصلها ازاي؟؟؟
1- أجمع ارقام تليفونات كل شركات التزظيف الي في البلد ...طبعا السؤال احيبهم منين؟؟؟ عندنا مصادر كتير منها 140 اون لاين ،يلو بيجز ، جروبات التوظيف علي الفيس بوك ،مواقع التوظيف....و جوجل اوعو تنسوه.
2- ادخل علي غرفة التجارة الامريكية و اجيب ارقام تليفونات والبيانات بتاعت الشركات الكبيره .
3- أعمل علاقات عامه لنفسي ... صحاب علي جيران علي قرايب ...كله بينفع.
طيب جمعت كل دا ...نمسكهم واحده واحده ...
شركات التوظيف:
شركات التوظيف ابعتلهم السيره الذاتيه و بعض الشركات لازم اعمل مقابله هناك ..أعرف السيره الذاتيه بتاعتي مع مين ؟؟ واوطد علاقتي معاه ...يعني اتصل بيه من وقت للتاني علشان يفضل فاكرني ...عارفين انا عندي اصدقاء في شركات التوظيف و اعرفهم معرفه قويه و نتكلم و يبعتولي حاجات ...و عمرنا ما شفنا بعض...لكن علاقتنا طيبه .. و مش لما اشتغل اقطعها لااااااااااا ابداااااااااااا لاني بحتاجهم .
أرقام الشركات الكبيره بقي:
بدخل علي الموقع الالكتروني للشركات ... و اسجل نفسي في قاعدة البيانات بتاعتهم ...و بكده بيبقي ليا فرصه ان السيره الذاتيه بتاعتي تظهر لما يحتاجو موظفين ...لو مفيش موقع الكتروني للشركه بتصل بالتليفون ..و بسأل عن أدارة الموارد البشريه في الشركة و بشياكة و لباقة أعرف نفسي و اقول اني عايز احط السيره الذاتيه بتاعتي في قاعدة البيانات بتاعتكم ...يدوني الميل أو الفاكس و أبعت ...بعد ما باعت اتابع وصلت و لا و الي انا كلمته اعرف هو مين و اسمه ايه و اعمل معاه زي ما عملت مع بتوع التوظيف بالظبط ..علاقات علاقات ....
اصحابي و اهلي و جيراني ...
دول الموضوع اسهل شويه ...متقولش لحد انك عايزه يتوصتلك علشان تشتغل معاه في الشركه ...تقوله قولي مين مسئول التوظيف و اديني رقمه ... و تعامل برضه بنفس الطريقه الي عملناها مع الشركات الكبيرة و التوظيف..يعني علاقات علاقات ....
إن الله لا يضيع اجر من أحسن عملا
يعني مثلا لو احنا عملنا قاعدة بيانات مكونة من 500 شركة ... و كلمنا كل يوم 10 شركات أكيد ربنا هيدينا علي قد مجهودنا ..يعني لو كلمت 20 توصل اسرع ....كده يعني.
الطريقة دي متجربه 100 % ان شاء الله تعالي ... نكمل مع بعض الطريق ...مستنيه تعليقاتكم
رشا خليفة
الحقيقه معرفقش ؟؟يا تري سمعتها كده !!و لا قريتها كده ؟؟؟ مش عارفه عموما ... أقصر طريق لاي حته بيبتدي دايما بخطوة ...بس شرط اساسي ...أنه يكون في الاتجاه الصحيح .... منطقي الكلام دا ...يعني الخواجه الي قال المقوله دي ...الي انا اصلا معرفش هو مين... يقصد اننا هنوفر وقت .. و مجهود!!!!
طيب مكملين باه الطريق للصين ..أقصد للشغل ...نفتكر بس كده بسرعة احنا عملنا ايه قبل كده
أولا : أحنا جمعنا بيانات و عملنا احصائيات ( يعني من الاخر عرفنا السوق عايز ايه)
ثانيا : عرفنا المهام بتاعت كل وظيفة ( يعني لو عجبنا الموضوع نتدرب كويس عليه علشان نليق بالمكان)
ثالثا : ابتدينا أول خطوة ..أننا نعمل سيره ذاتيه ..( و ناخد بالنا نكتب ايه و منكتبش ايه )
متنسوش مع كل دا ... حبيبنا جوجل ..ميتأخرش علينا في حاجه ...الحقيقه عامل الواجب و زياده ..يعني اساله السؤال من هنا يطلع الاجابه في ثواني ... أحيانا بفتقده في الامتحانات ....أقصد جوجل طبعا.
طيب فاضل ايه ؟؟؟؟
فاضل اني ابتدي انزل الحمله بتاعتي باه ...
ازاي يعني ؟؟ أعمل قاعدة بيانات ... هو مش لما بحب ابيع حاجه لحد اعرف هو مين ؟؟؟و اوصلها ازاي؟؟؟
1- أجمع ارقام تليفونات كل شركات التزظيف الي في البلد ...طبعا السؤال احيبهم منين؟؟؟ عندنا مصادر كتير منها 140 اون لاين ،يلو بيجز ، جروبات التوظيف علي الفيس بوك ،مواقع التوظيف....و جوجل اوعو تنسوه.
2- ادخل علي غرفة التجارة الامريكية و اجيب ارقام تليفونات والبيانات بتاعت الشركات الكبيره .
3- أعمل علاقات عامه لنفسي ... صحاب علي جيران علي قرايب ...كله بينفع.
طيب جمعت كل دا ...نمسكهم واحده واحده ...
شركات التوظيف:
شركات التوظيف ابعتلهم السيره الذاتيه و بعض الشركات لازم اعمل مقابله هناك ..أعرف السيره الذاتيه بتاعتي مع مين ؟؟ واوطد علاقتي معاه ...يعني اتصل بيه من وقت للتاني علشان يفضل فاكرني ...عارفين انا عندي اصدقاء في شركات التوظيف و اعرفهم معرفه قويه و نتكلم و يبعتولي حاجات ...و عمرنا ما شفنا بعض...لكن علاقتنا طيبه .. و مش لما اشتغل اقطعها لااااااااااا ابداااااااااااا لاني بحتاجهم .
أرقام الشركات الكبيره بقي:
بدخل علي الموقع الالكتروني للشركات ... و اسجل نفسي في قاعدة البيانات بتاعتهم ...و بكده بيبقي ليا فرصه ان السيره الذاتيه بتاعتي تظهر لما يحتاجو موظفين ...لو مفيش موقع الكتروني للشركه بتصل بالتليفون ..و بسأل عن أدارة الموارد البشريه في الشركة و بشياكة و لباقة أعرف نفسي و اقول اني عايز احط السيره الذاتيه بتاعتي في قاعدة البيانات بتاعتكم ...يدوني الميل أو الفاكس و أبعت ...بعد ما باعت اتابع وصلت و لا و الي انا كلمته اعرف هو مين و اسمه ايه و اعمل معاه زي ما عملت مع بتوع التوظيف بالظبط ..علاقات علاقات ....
اصحابي و اهلي و جيراني ...
دول الموضوع اسهل شويه ...متقولش لحد انك عايزه يتوصتلك علشان تشتغل معاه في الشركه ...تقوله قولي مين مسئول التوظيف و اديني رقمه ... و تعامل برضه بنفس الطريقه الي عملناها مع الشركات الكبيرة و التوظيف..يعني علاقات علاقات ....
إن الله لا يضيع اجر من أحسن عملا
يعني مثلا لو احنا عملنا قاعدة بيانات مكونة من 500 شركة ... و كلمنا كل يوم 10 شركات أكيد ربنا هيدينا علي قد مجهودنا ..يعني لو كلمت 20 توصل اسرع ....كده يعني.
الطريقة دي متجربه 100 % ان شاء الله تعالي ... نكمل مع بعض الطريق ...مستنيه تعليقاتكم
رشا خليفة
0 التعليقات:
إرسال تعليق