في أخر صالون لنصايح رشا يوم الجمعة الي فاتت ....حسيت ان لسه الفكره مش واصله للشباب ...فكره انه لما يدور علي شغل ...في طريقة للبحث ...يعني البحث مش المفروض انه يتم بطريقه عشوائية ..... امال نعمل ايه ؟؟؟؟؟
نفتح شركة ؟؟؟؟؟؟
مهو طالما في الوقت الحالي انا قاعد في البيت مبشتغلش .....يبقي أفتح شركة ......
أو بشتغل الصبح و الشغلانه مش عجباني .......افتح شركة برضه بعد الشغل .....يجري ايه يعني؟؟؟؟؟
طيب منا مش معايا رأس مال ...و لا مكان ....و لا موظفين .... و لا اي حاجه !!!! طب اعمل ايه.؟؟؟؟أقولك تعمل ايه؟؟؟؟؟
مقر الشركة هيبقي مقر سكنك ...و بيانات الاتصال بيك هتبقي رقم تليفونك و ايميلك ....كده حلينا حاجه ...
راس المال .... دا بقي موضوع مهم .....درسنا في الادارة ان راس المال دا مش بس الفلوس ...فيه موارد مادية –و بشرية – والادوات ....الخ.
طيب الموارد المادية ....مصورفك ...بدل ما يضيع في اي كلام اصرفه في حاجه مفيده.....
الموارد البشرية.....هو مش انت مبتشتغلش ....خلاص اشتغل عند نفسك .....
يعني اشتغل مدير علاقات عامة لشركة أنا ...و مدير تسويق لشركة أنا ...ومدير مالي لشركة أنا ...و مدير إداري لشركة أنا ....معلش تعالي علي نفسك و اشتغل كل حاجه في الاول ...يعني اختار اسم الحملات الدعائية ...وايه الي هتقدمة للجمهور .... و مين الفئة الي انت تقدر تقدملها خدمات ؟؟؟؟ واسلوب الدعاية .... و رتب مواعيدك ...وظبط ملفاتك ....و جهزأوراقك ...و اعمل ميزانيتك .... كل حاجه.
الادوات ......مهو انت قاعد علي الفيس بوك ليل و نهار ...يعني عندك كمبيوتر ...هو دا الاداة الي هتستخدمها ...و عندك موبايل هتعمل بيه اتصالاتك ..... و امكيد بتشتري الجرايد ...و الوسيط في كل مكان...
طيب هفتح شركة ... تعمل ايه يعني الشركة دي؟؟؟؟؟؟
طالما هفتح مشروع يبقي لازم اعرف ايه هي المشاريع الناجحه في السوق علشان اعمل زيها ....أو اشوف السوق محتاج ايه؟؟؟؟ وافتحه ....؟؟؟؟؟
طب لما افتح الشركة دي هشغلها ازاي.؟؟؟؟؟ مهو طالما هتستثمر باه يبقي لازم تكون مؤهل انك تفتح شركة ...امال تفتح الشركة ....و تقفل بعد يويمن علشان مش عارف تشغلها ....طبعا مينفعش .
حد يسألني ؟؟؟؟ اسمي الشركة ايه......؟؟؟؟؟؟؟
الشركة اسمها أنا !!!!!!
فهمتو عايزه اقول ايه؟؟؟؟؟؟
الشركة دي هي انت ....
ها مستني ايه؟؟؟؟؟؟
متقوم تفتح الشركة .....
رشا خليفة
2 التعليقات:
كلامك عين العقل انت زى ما يكون بتقولى ال انا عملته من كاااام سنة بالظبط بدأت بجهاز كمبيوتر تعبان شوية وانا من زمان علمت نفسي بنفسي الكمبيوتر والانترنت وكنت بحب الجرافيك اتعلمته من خلال النت وبدأت ادخل فى مجال تصميم المواقع واتعلمته وعملت بالظبط نفس كلامك اشتغلت كل حاجة مسوق و موزع ومدير وحاليا الحمد لله صاحب شركة استضافة هذا موقعي www.ox0x.com
والجهاز التعبان الحمد لله طورته واصبح جهاز واثنين وثلاثة
واطمح للوصول لأكثر من ذلك
أسلوبك في الكلام......جامد
Medo Joe
http://ForexTradingOnline.biz
إرسال تعليق