الأربعاء، يناير 20، 2010

يوميات نوفا ..علي الفيس بوك

زمان في ثانوي كان فيه مسلسل في التليفزيون اسمة "نساء خطيرات " و كان فيه واحده مشاغبة اسمها مانيرفا في المسلسل ...المختصر يعني اصحابي المقربين أطلقوا عليا هذا الاسم .... لدرجة ان احيان كتير كانو بينسو اسمي الحقيقي .....!!! و انا كمان بقي اسم نوفا دا ليه عندي معاني كتير منها انه زكري حلوة ... منها ان احيانا لما بحب اخرج نفسي بره الموضوع بقول نركن رشا علي جنب و مانيرفا هتتكلم ..... انهارده حبيت اعرفكم علي نوفا و احكيلكم لما بنعض مع بعض بنقول لبعض ايه علي الفيس بوك .....!!!!

أول معرفتي بالفيس بوك كانت لعبة ... و ادخل اعمل كويز ... و ارخم علي ولاد عمي ....و هي دي الحياة ...!!!
لكن الوضع اتغير كتيررررررررررر .... عن الاول و دا كان بسبب ناس كتير .... هكلمكو عنهم انهارده ....!!!!

الاول ..... مروة رخا
الحقيقه انا بعتبرها صحبتي .... يمكن أكتر شويه كتير كتير حبتين كده يعني ...المهم اتعرفت علي مروة في الجامعة الامريكية اصلا ... و اعجبت بيها جدا ... و بعتلها ...و حكيتلها ...زي اي حد ... و كنا بنتكلم كتير ونتناقش ..فكرة الجروب الي عملته ...شجعتني عليها جدا مروة رخا .. وساعدتني في البداية و عرفتني علي ناس تساعدني ..و لما احتجت حاجات في شغلي ...كانت بتعلنلي عندها ....., وكفاية اني لما عرفتها كنت مكتابه جدا اوي خالص .....بس دلوقت .... خلاص ....المهم يعني ميرسي ميرسي مروة رخا ....

الثاني .....سامح أمين.... يلا ورك
سامح دا ثاني واحد ساعدني علي فكرة الجروب ... و شجعني جدا ... و كل ما كنت بكتب حاجه الحقيقه كان من غسر كلام بيبعتها علي كول لكل الناس الي عنده .... سامح أشكرك علي كل حاجه .....

الثالث .....فارس أحلامي ...و فارس أحلام كل فتاه عربية ..... محمد زكريا
محمد زكريا ...يعني من الاخر ....قانون الحذب ....و ......هتجوز بطريقتي ......و هقابل ......النص الثاني...
محمد اول مره قرا توبيك كنت كاتباه اسمه و ايه يعني 35 ... و بعتلي علشان لما اكتب حاجه ينشرها عنده ...صحيح كان بيكومنت و يقول رايه لكن كان بينسي ينشرهم ....لكن خليني أقول انه ساعدني أقطع الحبل ..و دي حاجه مكنتش مقتنعة بيها أصلا ....مش هتصدقوني لو قلت ان موضوع مش عارفه اخرج منه 4 سنين ...خرجت في قعدة نص ساعة .... بيني و بينكم مبحبش اقوله اني اقتنعت ....محدش يقولو لحسان يتغر علينا باه ...

الرابع .......فتي الفيس بوك الأول....رمز الشياكة و الاناقة ..وعيشها بدماغك ....نهاد رجب .
الحقيقه أول ما عرفت نهاد رجب كانت توبيك بعتاها مروة رخا و قريتها ... و عجبتني جدا ... و بعدين عملت له أضافة ...قبلها ... و مره شفته علي الشات ...فقلت امسي ...و طبعا قلت مش هيرد ...احرجني و رد عليا ... و بعتله لينك لتوبيك كنت كاتباه و قلتله ممكن تقراه .... قالي ممكن ... و قراه و كومنت ... و طلب مني ابقي ادمين عنده في عيشها بدماغك ... اتصدمت ....و مكنتش مصدقة ... و هو الي ساعدني في ان عدد الجروب يكبر ...و بيهتم بانه يكومنت علي الكلام الي بكتبه ....و الاهم من كل دا ....انه كل ما يشوفني بيجيبلي شيكولاته ....مش قلتلكو أخلاق جنتل مان ...مبقاش فيه كده في الزمن دا.....

الخامس ......الحاج الجميل و يومياته .....عم مرسي
عم محمد مرسي ...راجل كده من الزمن الجميل ....تعد معاه علي القهوة مش عايز تقوم ...حكايات و جرايد و يوميات ...فعلا بجد قلب ...و طلع له بني ادم...!!!!

سادسا .....الفنان ...الكلماوي الكبير ..... سعيد محمود ..
سعيد كنت بحاول اتصل بيه علشان جمعية اهلية كنت بعملهم علاقات عامة ... مش كتير تقريبا شهر كل يوم اتصل و السكرتيره تقولي عنده اجتماع ....و برضه لما كتبت و ايه يعني 35 ؟؟؟ لقيت ضايفني ....واو ...فقلتله علي فكره بحاول اتصل بيك بقالي شهر و الله ....وحددنا معاد و قابلته في اليوم الي رايحه امضي فيه عقد شغل جديد ....يعني وشه حلو عليا ....مش عارفه الجمعية الاهليه عملوا ايه بعد كده ....لكن ...هو رمز للاخلاق العالية
و الاحترام ....برضة بقي نادر في الزمن دا ....

أخيرا......و ليس أخرا .....فارس هيروبوليس الجسور .... محمد تهامي
مش هقول غير ان اول رساله جاتلي منه كانت ....صباحك سكر زيادة ...بجد من احسن الناس الي عرفتهم ...كفايه اني لما كنت في السويس الاسبوع دا ...ساب شغلة و الي وراه ...و فضل معايا نلف شوارع السويس علشان الحملة الاعلانية الي بعملها .... بجد مهما قلت مش هقدر اوفيك حققك يا محمد ....و ربنا معاك في صالون هيروبوليس ...والكتاب الجديد ...

ميرسي للجميلة مروة رخا ...و الرائع سامح امين ....و فارس الاحلام محمد زكريا ...و البرنس نهاد رجب ...و عم مرسي...و سعيد .... و الفارس تهامي..........
بحبكو كتير كتير كتير كتير قد الدنيا.....ربنا يخليكو ليا

رشا خليفة

Reactions:

0 التعليقات:

إرسال تعليق