الاثنين، يناير 18، 2010

جواب ......علي قد السؤال !!!!!!!


دا موضوع اتكلمنا فيه كتير جدا ....المفروض لما اكتب السيرة الذاتية بتاعتي ....بيكون معاها خطاب مرفق ..الخطاب دا
مهم جدا ...من وجهة نظري بشوف ان الخطاب المرفق حاجه اساسية ... دا بالاضافة لانه فعلا مهم ....

طب ايه اهميته ؟؟؟؟

اولا ...و علشان انا بحب الشياكه ...فالخطاب دا من باب الشياكة و الاتيكيت .

ثانيا ...فيه فرصة اني اقول انا عايز اشتغل ايه و اتكلم باختصار عن ليه الشركة ممكن تاخدني .

ثالثا ....هم علمونا كده ...علمونا ان السيرة الذاتية بيكون معاها جواب مرفق.

طيب اكتب ايه في الجواب دا ...

الحقيقه الجواب دا شكله بيختلف عن السيرة الذاتيه ...بيكون جواب عادي

طبعا تاريخ وتحية و3 فقرات ..كل فقرة من 3 ل 5 سطور .. فيهم ايه؟؟؟..

انا قبل ما ابتدي اكتب الجواب دا ...استرجع مهاراتي في كتابة موضوعات التعبير ...من اولي اعدادي لحد 3 ثانوي و مدرسين العربي طالع عينهم يعلمونا اكتب موضوع تعبير ازاي ...و شرحة في الانجليزي .... الناس دي كانت بتتعب معانا أوي ...... المهم هم علمونا اننا نحدد العناصر ..و بعدين ابتدي اكتب في العناصر دي مع مراعاة الترتيب المنطقي .... طب يعني اكتب ايه؟؟؟؟

هنبتدي الفقرة الاولي ...و أكتب انا مين وعرفت الوظيفة دي منين وعايز اشتغل ايه...بس كده

الي بعدة اتكلم عن خبراتي و مهاراتي و انجزاتي ...برضه من 3 ل 5 سطور ....بلاش نطول علشان بتاع الموارد البشرية خلقة ديأ بيزهأ بسرعة ...يعني يا بخت من زار وخفف...

الاخير بأه ... اقول اني منتظر موعد ...و ممكن تكلموني علي الارقام دي أو علي البريد الالكتروني دا ...

وخاتمة

و توقيع

خلص الخطاب .....

طيب ايه الي اخد بالي منه و انا بكتب الجواب دا ؟؟؟؟؟؟
•تأكد من عدم وجود أخطاء إملائية أو نحوية.
•إطبع الجواب على طابعة محترمة لو هسلمة بالبريد أو باليد .
•الجواب دا انت بتبيع فيه و تظهر كيف ستكون إمكانياتك و مهاراتك مفيدة لتحقيق أهداف الشركة....و أنت وشطاراتك.
•إستخدم standard format.
•إستخدم single line space بين السطور و double بين الفقرات.
•يجب أن يكون جوابك قصيراً لايزيد عن صفحة.
•إجعل فقراتك قصيرة و فى الموضوع .... يعني خير الكلام ...ما قل و دل....

وبكده نكون خلصنا كلام عن السيرة الذاتية و الخطاب المرفق وازاي ندور علي شغل وازاي نسوق نفسنا .....

رشا خليفة

1 التعليقات:

شكرا لكم جزيلا وجزاكم الله خيرا أ/رشا
ولكن ممكمن حضرتك تضعيلنا خطاب مثال يعني او نقول نوع من التطبيق. شكرا

أحمد شاكر

إرسال تعليق