الأحد، ديسمبر 19، 2010

انا عايزه منظمات أنسانية!!!!!

سلام عليكم 

انا عايزه اخد رأيك فى موضوع

انا مهندسة اتصالات دفعة 2005 وبشتغل مهندسة كهرباء فى احدى المصانع 

بس للاسف انا زهقيت ومليت وكان بقالى فتره مش عارفة اغير ازاى مجال شغلى 

اخذت كورسات فى Project Management و Mini MBA وحاجات كتير فى ال Leadership لكن انا مش مقتنعه اشتغل فى الsales او Marketing 

المهم انا نفسى اشتغل فى مجال ال Human Relief لانى بحب الموضوع ده بس مش عارفة اخد كورسات فين لكى اكون مؤهله للعمل معاهم ...... ممكن تساعدينى اروح فين و اى كورسات...

دلوقت انتي مهندسة أتصالات و بتشتغلي في نفس المجال ( مجال تخصصك الدراسي ) .... ودرستي مهارات إدارية وادارة مشروعات وتسويق وبيع .....  طب انتي درستي الحجات دي ليه؟؟؟؟؟ علشان توصلي لايه بالظبط؟؟؟؟؟

بعدين عايزه تسيبي كل دا وتشتغلي في مجال تاني خالص الي هو .... الأغاثة الانسانية ؟؟؟؟؟؟ 

الرسالة بتاعتك محيرة شوية .... لكن انا هحاول اجاوبك ..... 

طالما درستي إدارة مشروعات أفتكر انك من السهل انك تشتغلي مع الجهات دي .... خاصة ان معظم المؤسسات اي بتعمل في المشروعات الإغاثية أوالخدمات المجتمعية بتعمل بنظام المشروعات .... افتكر ان دراستك لادارة المشروعات هتفيدك جدا وكمان التسويق هيفيدك كتير ... خاصة ان معظم المؤسسات بتحتاج الي الترويج والدعاية والتسويق لكن مش لمنتج للخدمات المقدمة من تلك المؤسسات .

اقترح عليكي انك تعملي لنفسك اسم وسط المؤسسات الغير هادفة للربح من خلال التطوع وتقدمي خدماتك ليهم و من خلال دا هتقدري توصلي للعمل معاهم.

ربنا معاكي ان شاء الله.

Reactions:

0 التعليقات:

إرسال تعليق