سلام عليكم. ازيك يا رشا ؟ عاملة اية؟؟؟ أنا كنت عايزة نصيحتك فى حاجة. انا اخويا الصغير فى رابعة ألسن أسبانى يعنى خلاص أخر سنة السنة دى. هو نفسه اول م يخلص يشتغل فى الشركة الاسبانية المصرية للغاز - سيجاس اللى هى فى دمياط- احنا اساسا من دمياط -
او حتى اى شركة محتر مة فى القاهرة مش مشكلة يعنى المكان بس المشكلة ان انتى عارفة ان الشركات دايما عايزة وسايط و كدة. هو الاسبانى بتاعه كويس جدا قراءة و كتابة و كمان خد كورس فى معهد سيرفانتس و خد شهادة و هياخد كورس ICDL و كمان عايز ياخد كورس انجليزى ان شاء الله فى الترم التانى. قوليلى كل حاجة ممكن يعملها من دلوقتى عشان بجد يلاقى شغلانه محترمة و يحقق نفسه.
هو فعلا بيحب الشغل جدا مش واحد كسول يعنى. اتمنى انك تردى عليا فى اقرب وقت و بجد شكرا
ان شاء الله يلاقي الشغل الي هو عايزه ..... لكن انا ضد حاجه ان الواحد يحصر اختياراته في عدد محدود من الشركات .... لان دا اسرع طريق للاحباط .... طب والحل ...
هو أولا : يؤهل نفسه مظبوط .... كورسات ولغات و كمبيوتر ...الخ.
ثانيا : يحط خطط لكل حاجه ... يعني مثلا علشان اشتغل في شركة كذا هيكون عليا اعمل ..... ولو لا قدر الله محصلش فخطتي البديلة هتكون اني ادور في ........ وهكذا .
ثالثا : يستغل فرصة الاجازة الصيفية انه يعمل تدريب عملي في شركات .... علشان يثقل مهاراته بالتدريب العملي دا هيعلي نسبة التحاقة.
بالشكل دا هو هيكون مرتب نفسة مظبوط ..... ويسعي ويجتهد و ان شاء الله ربنا يديلة علي قد مجهوده .
0 التعليقات:
إرسال تعليق