دلوقتي يا رشا أنا خريج لغة انجليزية بتقدير جيد جدا و هو شىء مش سهل في كلية زي اللي كنت فيها.
بس بمجرد ما اتخرجت لقيت إنه في سوق العمل كل الأمجاد اللي كنت بفتخر بيها في الكلية مالهاش أي لزمة في سوق العما(أو العمل) .
وإنه مفيش غير خدمة عملاء و ترجمة عشان خبرتي في العمل صفر ... و الترجمة مابتجيبش فلوس و خدمة العملاء مالهاش مستقبل !! .
واللي زود الطينة بلة أنه انا كمان معنديش هدف معين أو مجال معين في دماغي ... فالدنيا دلوقتي قدامي مش واضحة خااااالص .. أنا عارف إنني لسه في أول الطريق, بس المشكلة إنني مش شايف أصلاً الطريق اللي أنا ماشي عليه !!!
مين قال ان السوق مفيهوش غير خدمة عملاء وترجمة؟؟؟؟؟ السوق فيه حجات كتير جدا !!!!!
بس المهم انك تعرف انت عايز ايه؟؟؟؟
طيب لو انت مش عارف ممكن نستعين بصديق :)
1- هتعمل بحث عن الوظائف الي ممكن تشغلها كلها ( مبيعات - خجم عملاء - ترجمة - ادارة ... الخ).
2- اعمل بحث عن حاجه اسمها التوصيف الوظيفي ( JOB DESCRIPTION ) لكل الوظائف دي.
النتيجة هتكون ملزمة مكونة من كل التوصيف الوظيفي لكل الوظائف دي .....
تمسكهم .... تقراهم كويس .... تشوف ايه هي اكثر حاجه مناسبه .... اكثر حاجه حبيتها .... اكثر حاجه حاسس انك تقدر تعملها ...
كده انت عرفت عايز ايه؟؟؟؟؟ تبتدي بعد كده تدور بالطريقة المعهودة و تبعت ال CV وبس ....
انا هقترح شوي وظايف بتعتمد بشكل اساسي علي اللغة من عندي وشوف يمكن يعجبوك .... مرشد سياحي - مدرس انجليزي - او مدرس انجليزي للكبار ( تدي كورسات يعني ) - مصحح لغوي في مجلة او دار نشر ( بتعمل مراجعة لغوية) - مترجم طبعا - خدمة العملاء لطيفة - علاقات عامة ( اللغة اساسية ) .
0 التعليقات:
إرسال تعليق