الخميس، ديسمبر 09، 2010

امشي عدل ... يحتار عدوك فيك


سؤاللى ياترى لو قبلت زميل لية فى الشغل او زميلة بالعربى كدة منفسنة
يعنى بتحب تظهر اوى على حساب الاخرين وبتوصل كل اخطائك للمدرين وبتنتهز اى فرصة عشان تعمل كل الشغل لوحدها وانتى فى الاخر يبقى صورتك وحشة قدام المرؤوسين اية الحل يبقى معاها والتعامل مع الشخصية المنفسنة دية ازاى


 يعني ايه شخصية منفسنة؟؟؟؟؟؟

بصي انا مؤمنة جدا بالمثل القائل أمشي عدل .... يحتار عدوك فيك ....

دلوقت انتي عندك مشكلتين

الاولي انها بتحب تظهر علي حساب الاخرين . 

الثانية انها بتنقل اخطائك لمديرك.

بالنسبة للموضوع الاول ....

البنت الي بيطلب منها بتعمله .... و من الواضح انها بتعمله بسرعة و بتعمله كويس ... بدليل ان مديرها مبسوط من شغلها و بيطلب منها غيره .... مسألة انها بتعمل الشغل كله و بيكون شكلك وحش .... تروحي لمديرك المباشر و تطلبي منه قائمة بالمهام المطلوبة منك بالتحديد و المهام دي انت مسئولة عنها .... و بالشكل دا هنفض الأشتباك بينك و بينها .... كل واحد عنده مهام محددة وواضحة وبيقوم بيها ..

بالنسبة لحكاية بتنقل الأخطاء ..... دي عادة مصرية أصيلة .... والحل انك متغلطيش ... راجعي الحاجه اكثر من مره ... طوري من مستواكي وحسني من نفسك .... اتعلمي من الأخطاء وحاولي عدم تكرارها ..... الخ.

ونصيحة ركزي في شغلك  .... وملكيش دعوة بحد ....  بدل ما تركزي في اصلاح الكون من حولك .... اصلحي نفسك اولا .... هدفك هو انك تكوني احسن واحده في مجالك ... بغض النظر مين حواليكي .. سيبي كل واحد يشتغل بطريقتة و يتصرف بطريقه احنا مش هنغير الناس .... بس نقدر نغير نفسنا ... وتذكري دائما ... ان الله لا يضيع أجر من أحسن عملا

Reactions:

0 التعليقات:

إرسال تعليق