انا معايا ليسانس اداب قسم علم نفس وبرده نفس المشكلة مش عارفه عايزة ايه؟؟؟؟؟؟
عايزة اشتغل فى تخصص علم النفس بس مش عارفه ابدأ ازاى انا لسه خريجة السنة دى 2010 مش اخدت اى كورسات غير دورة بينيه لذكاء الاطفال مش عارفه اعمل ايه او ابدا منين ياريت تساعدينى .
بسيطة جدا ......
انتي محدده علي الأقل انك عايزه تشتغلي في مجالك ( علم النفس يعني ) .
فاضل انك تقدمي في المكان الي ممكن يحتاج الوظيفة دي ... وأفتكر ان دورة بينية هتفيدك جدا ...
هتدوري علي الاماكن التالية :
1- المدارس الخاصة .
2- مراكز رعاية الأطفال ذوي الأجتياجات الخاصة.
3- الجمعيات الاهلية الي فيها مراكز نفسية.
5- المستشفيات الخاصة ومستشفيات الأطفال ( فيه قسم خاص للاستشارات النفسية للاطفال)
بعدين تكمللي بانك تروحي و تقدمي السيرة الذاتية بتاعتك هناك ... و ان شاء الله تلاقي الشغل الي بتتمنية ...
احب اعرفك ان الاماكن دي معظمها مش بيدي مرتبات كبيرة .... لكن انتي ممكن تشتغلي بعض الوقت (بالساعة) في العيادات و بكده تحصلي علي مرتب مناسب ....
دا غير حاجه مهمه اوي .... البكالورليوس لوحده مش كفاية ... انصحك تلتحقي بالدراسات العليا .... و تشتركي برابطة الأخصائيين النفسيين ... لان المجال دا كل لحظه فيه جديد و لو مطورتيش نفسك .... فرصك هتقل في ايجاد الوظيفة.
0 التعليقات:
إرسال تعليق