الأحد، ديسمبر 26، 2010

من طلب العلا.... لازم يعرف يطلع السلم

السلام عليكم ,بصي يااستاذه رشا انا ريهام بعتلك قبل كده اسالك عن التعليم العالي وضرورته في شغل الsalesوmarketingورديتي عليا وقولتي مش لازم.
طيب انا كنت بائع في مركز لتجارة الملابس الحريمي لمدة 4سنين واكتسبت خبرة عملية كبيرة وكنت متميزة وتقريبا كنت بشرف على كل حاجة بتحصل في المركز وحبيت اخد خبرة علمية كمان قمت دورت على دروس البيع

والتسويق والاشراف على صالات البيع والمهم في ده كله ادارة المؤسسات التجارية .

 ولقيتني من غير مااعرف اني مديرة شاطرة جدا مش ببالغ والله انا فعلا كان عندي ملاحظات كتير على اسلوب ادارة المركز الذي كنت اعمل به وكان عني رؤية مستقبلية لتنميته واقتراحات لمعاجة مشاكل العملاء المهم ان محدش كان مقدر دماغي ف تركت العمل منذ سنه تقريبا ومازالت تلك المؤسسة تسعى لاسترجاعي مرة اخرى .
حاسة ان عندي كتير اكتر مجرد محل لبيع الملابس او حتى ادارته ومش عارفه امشي ازاي ياريت تساعديني لاني بجد من ساعة ماسمعتك لاول مرة حاسة فيكي الصدق والامانة وربنا يوفقك لكل خير واعتذر عن الاطالة

بصي يا ستي .....  انت قبل كده سألتنيني علي نفس الظروف والشغل الي انت بتشتغليه ..... و ساعتها فعلا قلتلك مفيش مشكلة .... طول ما الأنسان في المستوي الوظيفي العادي ....
انت طموحاتك كبيره جدا .... وعندك أمكانيات ... بس مع الأسف مش بنفس حجم الطموحات الي انت عايزه تحققيها .... اني اشتغل في البيع حاجه .... و اني أكون مدير .... دا موضوع تاني خالص ....
المؤسسة بتفكر لبعيد .... يعني هيكون صعب انهم يخلو المدير تعليمه اقل من الناس الي تحت ايده .... هيكون صعب عليه التعامل معاهم و هم كمان هيكون صعب عليهم تقبل الاوامر منه ...
انا بقترح عليكي تعملي التالي ....
اولا المؤسسة الي انت كنت بتشتغلي فيها طالبة انك ترجعي .... ودا نقطه قوة بالنسبه ليكي ... انا شايفه انك ترجعي للمؤسسة دي وتفضلي في نفس وظيفتك السابقة .... وفي نفس الوقت .... تدرسي بالجامعة المفتوحة .... علشان انتي عايزه توصلي لمرحلة المدير يبقي لازم تكوني قد المنصب ... و بكده هتشتغلي  و هتحسني من مستواكي التعليمي .... بعد شوية صغيرين ختحسني مستواكي الوظيفي ان شاء الله .... انت عندك الدافع لتحقيق ذلك ... استغلي الفرصة ومتضيعهاش .

Reactions:

0 التعليقات:

إرسال تعليق