الخميس، ديسمبر 09، 2010

نص ساعة مشي .... تحل الموضوع

أولا كل سنه وأنتي طيبه أناكنت أعمل بقطاع البترول بنظام العقد ثم جائني تعين بالقطاع العام الحكومي  وهنا كان الفرق في النظام والإمكانيات خاصه أن مجال عملي في الأمن الصناعي الذي يعتبرونه إداري يعني علي الورق تقارير وملاحيظ لإخلاء المسؤليه علي عكس الخواجه في البترول الذي يعتبر الأمن الصناعي تروموميتر العمل مما جعلني في حاله من اللامبالاه يعني حضور وإنصراف وبس أما نفسيا فغير راضي عن نفسي


الحقيقه  موضوع فعلا صعب ....

بس .... كلنا عارفين عيوب العمل الحكومي .... فانت الي اخترت من البداية انك تشتغل في الحكومة علي الرغم من كل العيوب... لكن خليني اقولك علي كام حاجه .... ممكن يساعدوك 

كالعاده هقولك القول المأثور .... إذا لم تعمل ما تحب .... حب ما تعمل ...

و بعد اكد اقولك انا لو مكانك هعمل ايه ..... و استغل الموقف ازاي....

أولا الشغل مع الخواجه جامد رائع جدا.... بس بيهد الانسان .... ففرصته في انه يدرس و يطور نفسة ... بتكون محدوده أو علي حساب صحته .... انا شايفة ان عندك فرصة جامده جدا انك تكمل مثلا الدراسات العليا ( ماجستير - دكتوراه - كورسات في التخصص ).
وطالما في الحكومة .... هيكون فرص الترقي والحجات الحلوة دي افضل طبعا من القطاع الخاص .

بالنسب لمكان شغلك .... حاول تعمل تغيرات ... يعني غير نظام المكتب .... اعمل تغير في الديكور يعني ... دا بيفيد جدا في تحسين النفسية ورفع المعنويات ....

كمية الطاقة السلبية الي جمعتها خلال اليوم من شغلك .... حلها نصف ساعة مشي كل يوم ... أو يوم بعد يوم حتي .... المشي علاج مضاد طبيعي للأكتأب ... لانه هيخرج كل الطاقة السلبية الي جواك ... و هيخلي مزاجك احسن.

دا غير انك ممكن تستفيد من كل الي اتعلمته في تقديم مشروعات للتطوير في المكان الي انت فيه .... 

Reactions:

3 التعليقات:

إرسال تعليق