السلام عليكم ازيك يارشا لوحد متخرج من تربيه موسيقيه وهو بيشتغل فى مدرسه بس المرتب مش عالى وعايز يغير وظيفته ويشتغل فى حاجه تجاريه او اى حاجه متعلقه بالتجاره ايه الخطوات اللى يعملها وفى نفس الوقت يكون فى وقت صغير مع العلم هو عنده 25 سنه وفى نفس الوقت يحصل على راتب كويس ياريت تردى عليا
الحقيقة انا مش موافقة انه يسيب شغلة
.... ودا لعدة أسباب :
- مواعيد المدارس حلوة جدا .... بيبدأ شغل الساعة 8 و يخلص بالكتير 2:30 ودا أكثر من رائع.
- الأجازات في المدارس كتير جدا .... يعني نص السنة اسبوعين - اخر السنة حوالي شهر في الصيف ... ودا مش متوفر في اي مكان أخر.
- كمان فيه مكافأة أمتحانات ...مقابل اتلمراقبة والحجات دي ... وبرضه دا مش متوفر في اماكن أخري.
- بيشتغل في مجالة .... ودا حلم كل شاب مصري.
- فرصتة في الترقي ... مضمونة مفيهاش كلام.
احنا مش بنحسب الوظيفة بالمرتب الي بنقبضه أخر الشهر ,,,, لا في حسابات أخري ... المواعيد وضغط الشغل وقدرتي علي الابداع وتحقيق أحلامي .... مش بس فلوس......
لكن يبقي عندنا مشكلة .... وهي العائد المادي.....
دي ليها حلول مختلفة ....
- انه يحسن مستواه في اللغات مثلا ويشتغل في مدارس دولية خاصة ان هيكون عنده الخبرة اللازمة.... هيكون المرتب افضل كثيرا جدا.
- انه يعمل لنفسه انتشار عبر الأنترنت ومن خلال المدرسة كمان ... انه يدي دروس موسيقي للناس الي عايزه تتعلم.
- انه يشتغل بعض الوقت في بعض المعاهد الي بتعلم موسيقي بعد الظهر .... برضه هيزيد الدخل.
- يعمل دراسات عليا في نفس مجالة ودا يفتح قدامه مجالات أفضل.
- ممكن مثلا يقدم في ساقية الصاوي - دار الأوبرا - مسارح الدولة .... انه يشتغل عازف لبعض الوقت .
- دا غير مراكز الشباب و النوادي الرياضية ..... بيكون فيها أنشطه موسيقية .... هو ممكن يدرس موسيقي للأعضاء و يكون للنادي نسبة من العائد وبرضه هيحقق انتشار ويحسن المستوي المادي .
- كل الأفكار دي ..... و هيكون عنده عائد ثابت شهري .... مهما كان قليل لكن ثابت ....من شغل التدريس...
دي الأفكار الي جت علي بالي دلوقت .... لكن اكيد فيه أفكار زي دي كتتتتتتتتتتتتتتير جدا
ربنا يوفقك
2 التعليقات:
انا ليا رأي انه ممكن يشوف مشروع صغير ليه علاقة بمجاله بيع آلات موسيقية مثلا وفي نفس الوقت مايسبش شغله
انا معاكي اوي في الكلام ده
وكمان شوية شوية يفتح مركز لتعليم الموسيقة في ناس كتير بتبقي عايزة تتعلم و مش بتلاقي مكان وطبعاًالي هيعلموا في المركز هيكونوا اصحابوا من الكلية
إرسال تعليق