البيع تسويق ....بس التسويق مش بيع خالص

OH

بصي يا انسه رشا انا مش هطول عليكي بس ياريت تتفضلي تسمعي كلامي للأخر لو سمحتي 

انا طالب في الفرقه الثالثه في قسم الرياضيات بكليه العلوم جامعه طنطا 

انا خلال فتره الدراسه بحاول اشتغل برده اشتغلت لفتره في مكتبه كبيره في طنطا كبائع ومصمم لبعض الدعايا اللي كانت بتعملها المكتبه للعملاء ( للعلم المكتبه كان ليها فرعين وانا والحمد لله لخبرتي اتنقلت في الفرعين وخلال فتره شغلي اللي هي حوالي سنه دربت أكتر من واحد علي كيفيه الشغل وهكذا .. )

وبعد فتره جالي شغل أحسن

وكان الشغل ده في توكيل شركه ........  ودا طبعا كان تخصصه في بيع المراتب الحديثه وكان ليه اكتر من فرع ولكن للأسف مده الشغل كانت شهرين فقط وذلك لظروف شخصيه.

وبعد فتره أخري فوجئت بصاحب المكتبه اللي كنت بشتغل بيها بيكلمني علي الموبايل وبيقولي عندي شغلي ليك طبعا حددت معاه ميعاد ورحتله المكتبه دي كانت واخده توكيل كمركز معتمد لمجله الوسيط وكان الشغل اللي اتعرض عليا كالأتي :

 اني هشتغل لمندوب أو مسئول تعاقد اعلاني انا مش عارف مسماها بالظبط يعني ولكن ماهيه الشغل كانت كالآتي :

اني بتنقل عند الشركات الكبيره وبعرض عليهم عروض المجله وبتعاقد معاهم علي الاعلانات

ولازلت شغال في الشغلانه دي بس بطريقه متقطعه وده لظروف المذاكره والجامعه

وفي الفتره الأخيره اهتميت بقراءة بعض الكتب عن الدعايا والاعلان وغيرها

للعلم اني عندي خبره إلي حد ما كويسه في برنامج الفوتوشوب كبرنامج تصميمي

اللي انا طالبه من حضرتك هو إجابة سؤال وطلب آخر :

1 / السؤال :

انا مش عارف المجال المتاح ليا دلوقي هو مجال الدعايا والاعلان ولا التسويق ولا المبيعات

ودا للأسف لأني مش عارف التصنيف الصحيح للأعمال اللي اشتغلتها واللي مهاراتي ترشحني ليها ؟؟

2 / الطلب :

انا بطلب من حضرتك انك تسوقيني طبقا لمهاراتي السابق ذكرها واللي بضيف عليها ( مهاره في استخدام الكمبيوتر وبرامج الأوفيس والفوتوشوب بالاضافه إلي شبه اجاده اللغه الانجليزيه ) وللأسف اني بطلب وظيفه تكون مناسبه لأني طالب جامعي

وأخيراً اشكرك علي وقتك الثمين اللي بتضحي بيه علشان تقرأي رسالتي

والسلام عليكم ورحمة الله وبركاته

بالنسبة للسؤال الأول .....

الدعاية والأعلان والتسويق والبيع .... ولاد عم بعض .... يعني تقدر تقول انهم شيلة واحدة لان الي بيشتغل في البيع لازم يكون عنده معلومات و ان كانت بسيطه عن التسويق و الي بيشتغل في التسويق لازم يكون فاهم حركة البيع و البيع بيتم ازاي ...وهكذا..

علشان كده دايما في معظم الشركات تجد ان ادارة التسويق و البيع جنبا إلي جنب دائما .... انت معظم خبرتك في البيع اكثر ... لامك خلال شغلك في المكتبة كنت بتبيع و كمان خلال شغلك في التوكيل .

انت بتحب ايه اكثر ؟؟؟؟؟

انا هشرحلك كل واحده منهم  و انت اختار الي تحبة ....

التسويق : 

هو  نظام متكامل من أنشطة الأعمال المتفاعلة التي تستهدف تخطيط وتسعير وتوزيع وترويج السلع والخدمات التي تشبع حاجات ورغبات العملاء الحاليين والمرتقبين.

من خلال 5 حجات  ....

أولاً : دراسة السوق (العملاء) من حيث :

ثانياً : تقسيم السوق إلى قطاعات :

ثالثاً : تصميم المزيج التسويقي لكل قطاع :

رابعاً : تنفيذ الخطة التسويقية :

خامساً : تقييم النتائج المحققة :

البيع :
هو فن الإقناع ويعتبر ذراعا من ا ذرع التسويق تسعي فيه المؤسسة إلي تلبية احتياجات العملاء من السلع والخدمات التي توفرها في مقابل المال التي تطلبه

الدعاية و الإعلان:

هناك تعريفات كثيرة قدمها الباحثون لمصطلح الدعاية والإعلان فقد عرّف بعضهم الإعلان بأنه: " مجموعة الأنشطة التى تهدف الى الاتصال والمخاطبة الشفهية أو المرئية لمجموعة مستهدفه من الأفراد بغرض إخبارهم والتأثير عليهم لشراء سلعة أو خدمة، أو تغيير اتجاهاتهم، وذلك نظير أجر مدفوع لجهة إعلانية محددة" .

أو زي ما ببقول عليه الاقتصاديون  فإن الإعلان هو التحكم في السلوك بهدف إثارة دوافع المستهلك للشراء

.

دي كل المفاهيم .... شوف انت حابب ايه اكثر وتخصص فيه.....

بالنسبة للسؤال الثاني ....

يا سيدي الفاضل انت مش محتاج مني اعملك تسويق .... انت مسوق نفسك من غير حاجه :)

لكن انا هقولك ايه جوانب القوة عندك ... الي ممكن تستغلها بشكل كويس في الحملة بتاعتك.

1-     انت بتشتغل خلال الدراسة ودا بيساوي ( خبرة ).

2-     الأماكن و المؤسسات الي انت اشتغلت فيها لها اسم في السوق (نقطة قوة لانك اشتغلت في مؤسسات كبيرة).

3-     عندك فكره عن التصميم .

ايه الي المفروض تركز عليه في الفترة القادمة ....

1-     مستوي اللغة عندك ( لو اللغة عندك مش كويسة لازم تطور وتحسن ).

2-     ربط الخبرة العملية بدراسة ( اعمل كورس في المجال الي انته تختار انك تكمل فيه)

و ان شاء الله ربنا يوققك لما تحبة وترضاه