الاثنين، ديسمبر 20، 2010

خلي مصيلحي مثلك الأعلي؟؟؟؟؟

أنا أسمى عبدالرحمن خريج مودرن أكاديمى (نظم معلومات عربى)، كويس فى الأنجليزى إلى حد ما، كمبيوتر بردو كويس اوى وكل ده مش مهم 

و تقريبا كل اللى أنا أتعلمته حاسس أنه مش مهم ولا الشغلانات اللى ممكن أشتغلها دى تناسبنى 

عندى طموح كبير جداً و واثق أنى إن شاء الله هحقق نجاح فى المستقبل

عارف أنا بعرف أعمل أيه كويس أوى و أمكانياتى بس مش عارف أيه أسم الشغلانه اللى بتعمل اللى هقولك عليه ده 

و بردو معرفش أخد شهادات أيه علشان أشتغل الشغلانه ديه

المهم

الأول أقولك أنا كويس فى أيه...

أنا عندى خيال واسع و أفكار بنائه جداً يعنى مثلا ممكن أكون بستخدم أى منتج بنستخدمه فى حياتنا اليوميه و يجيلى فكره أنه لو حصله كذا أو كذا يبقى أحسن وياه بقى لو ضيفناله كذا و الأفكار تنزل زى المطر بمجرد ما أدخل فى مود التفكير علشان أطور حاجه معينه وهكذا بقى زى اللى بيكتب شعر أول ما يحس بحاجه و يكون ماسك قلم تلاقى أيه بتكتب لوحدها و الكلام بييجى لوحده من غير تفكير
بس ده بيحصل لما أستخدم المنتج أو أى كان الشى اللى بفكر فى تطويره 

ممكن أطور خدمة، ممكن أطور فكرة، ممكن أطور نظام تعليمى، ممكن أطور أى حاجه بمجرد ما أعرف أبعادها و مشاكلها و أعيشها يعنى مثلا الأنترنت ياه لو كان ينفع أنا أتحكم فى الأنترنت جو مصر أو أعمل خطط للأنترنت أو مثلا أفكار لبيت مودرن أو حتى تطوير عربيات او كاميره أو موبايل او او او او (بس المهم أكون أستخدمت الحاجه و أعدت معايا فتره علشان أقول أيه العيوب اللى ممكن نشيلها من المنتج و أيه المزايا اللى ممكن نظهرها أكتر و أيه الأمكانيات اللى مش موجوده ممكن نضيفها)

أنا عارف أنا طولت عليكى أوى و كمان مقولتش كل اللى عندى بس يا رب تكونى فهمتى أنا أقصد أيه

 مستنى الرد


دا انت عبقري بأه ..... ما شاء الله عليك ....

عارف ايه اكثر حاجه عجبتني في الرساله بتاعتك .... انك عارف مهاراتك و امكانياتك ... ودا مش دايما بيكون موجود ..... 

طيب انا حساك جدا .... في التسويق ...لان التسويق بيكون عايز مهارات ابتكارية وعايز حد يقدر يبرز مميزات المنتج و يعرف عيوبة ويدرس احتياجات الناس ويقدر يطلع بأفكار جديدة و مبتكرة من نفس المنتج الحالي .... زي مصيلحي كده .... اتحفنا ب فنتا لوب :)

كمان انت ممكن تكون كويس اوي في رقابة الجودة علي المنتجات .... بس انا حساك أكثر في التسويق ..... لان التسويق حياه لطيفة ودمها خفيف .. انا شخصيا بحب التسويق جدا ...

علشان كده انصحك أنك تدرس تسويق و بكده هتقدر تعمل شغل جامد جدا ... ومهاراتك في استخدام الكمبيوتر واللغات هتساعدك كتير تفكيرك الي بيخرج بره الصندوق دا هيساعدك جدا جدا جدا جدا .... استمر 
ربنا معاك 

Reactions:

0 التعليقات:

إرسال تعليق