الخميس، ديسمبر 02، 2010

اطبخي يا جارية ....كلف يا سيدي!!!!

ناس كتير سواء في الصالون أو علي الرسائل او في اي حته بيسالوني عن موضوع مهم اوي ... المـــــــــرتـــــب ....

لما اروح مقابلة اتكلم معهاهم عن المرتب و لا لا؟؟؟

كتب المرتب الي انا عايزه و لا لا؟؟؟؟؟

موضوع المرتب دا موضوع محرج جدا .... و مش بعرف اتكلم فيه؟؟؟؟؟

لما اقدم لوظيفة ..... اطلب مرتب كام؟؟؟؟؟؟

وغيرها و غيرها و غيرها من التساؤلات ؟؟؟؟؟؟


النهادره عايزه اتكلم معاكم عن المرتب ... الحقيقه انا شخصيا عديت بالفترة دي ... اروح اقدم علي شغل واتكسف اتكلم معاهم في المرتب ... علي اساس اني بكون عارفه متوسط سعر السوق قد ايه و بيكون مناسب .... لحد في مره رحت قدمت في مكان ... مش هقولوكم اسمه ايه ... وقبلت مرتب ضعيف جدا ... لظروف مش هحكيهالكم ... وخير الهم اجعله خير ... اجد ان انا اتضحك عليا في المرتب و كل الناس الي بتشتغل معايا بتاخد مرتبات ضعف الي بخده... ودا طبعا لاني زي الشطارة لما قالولي المرتب قلت ماشي ...

بس اتعلمت الدرس تمام .... و النهارده جايه اجيبلكم من الاخر .... و اوعو حد يتكسف و هو بيتكلم في موضوع المرتب ... مش المثل بيقول كل فوله .... و لها كيال ... تضغط علي نفسك ليه؟؟؟؟؟

ركزوا معايا في النصايح الي جايه دي كويس اوي ....

1-     انت المفروض تطلب المرتب الي انت عايزه بشكل عادل و مش مغالي فيه .
2-    اي شيء في الدنيا قابل للتفاوض ... بس انت و شطارتك تثبت للشركة  ان المنصب دا مهم ليهم.
3-    متخليهمش يحسوا انك مجبر علي قبول العرض دا... خد وقتك و قول انك هترد في خلال يوم او اثنين ... دا التقل صنعة.
4-    و انت بتتفاوض علي المرتب ... متقولش مبلغ اقل من الي انت مخطط ليه ... أصل الفصال دا اصله عادة متأصله ... هتقول لمسئول التوظيف 10 يوقلك خليها 7 ... طب 8 ...طب بص من الاخر 9 ... الخ.
5-    مرتبك القديم ... ملوش اي علاقة بمرتبك الحالي .... مرتبك الحالي دا مرتبط بسعر السوق ... سعر السوق كام؟؟؟؟ دا الي لازم تطلبه.
6-    قبل ما توافق علي المرتب ... لازم تطلب و بشكل واضح متطلبات الوظيفة دي ايه بالظبط؟؟؟؟ و بتعمل ايه؟؟؟ و المهام المطلوبة مني ايه؟؟؟ و هياخد وقت و مجهود قد ايه؟؟؟؟؟ و بعدين احسبها هل المرتب مساوي لجهدك ووقتك و لا واقف عليك بخسارة؟؟؟؟؟
7-    لازم تحدد اولوياتك في البداية  يعني عارف كويس اوي ايه الي ممكن تتنازل عنه و ايه الي مستحيل انك تتنازل عنه ... انا مثلا مستحيل مستحيل مستحيل اشتغل في شركة مفيهاش تامينات ...
8-    كشف المنافسة ... يعني تحاول كده تشمشم و تعرف الوظيفة دي متقدملها قد ايه ؟؟؟ و بكده تعرف تضغط اوي و انت بتطلب مرتبك و لا تضغط نص نص و لا ربع ربع كده يعني.
9-    عملية التفاوض دي بتبدا منذ اللحظات الأولي .... من اول ما تبعت الCV في كل الموراحل لازم تعرف المرتب قد ايه.
10-   مسئولي التوظيف دايما سايبين العرض الافضل للنهاية .... بوقلك الفصال عندنا عادة متأصلة.... اقولك بالبلدي كده و انت قاعد معاه ...هات اخره؟
11-   خد بالك ان التفاوض دا ليه شوية مخاطر .... و انت مستعد نفسيا لذلك.
12-   صاحب الشركة عايز شخصية قوية قابلة انها تتكلم و تتفاوض باسم الشركة ... عارف ان فاقد الشيء لا يعطيعه... اختار
 بقولوكم ... اطبخي يا جارية ... كلف يا سيدي 

Reactions:

2 التعليقات:

إرسال تعليق