الثلاثاء، ديسمبر 14، 2010

مفيش أكل في البيت .... اطلب ديلفري :)

انا بصراحه يأست من حياتي وحاسة بالفشل المدوي والله لاني اتخرجت واشتغلت علي طول 
فمكان ومنفعش اسيبوه وقولت باخد خبرة

 واكتشفت بعد سنتين اني صفر علي الشمال واني واقفه مكاني انا ديزينر في شركة ملابس بخبرة سنتين علي الورق لكن الخبرة الفعليه حساها شهرين وبس والله وكرهت نفسي ومجالي وقررت اغير المجال لتصميم ويب مجال محترم بس كلو عايز خبرة.


يعني بقت من الناحينين ديزينر اكني مليش خبرة والويب خلاص برضو مليش خبرة ومش عارفه اعمل ايه
لو الاقي شركات ويب تدرب المصممين انشاله ببلاش عشان احس اني عايشه
ارجوكي انصحينيييييييييي.


هو ليه كل الناس الي بتبعتلي مش عاجبها حالها و عايزين يغيرو و يروحو مكان تاني ؟؟؟؟؟؟
علشان كده دايما أنادي و اناضل و بهتف بضرورة ان كل واحد يكون عنده هدف .... 

الشركات مثلا بيكون ليه رؤية و رسالة و أهداف .... و علشان كده بتنجح ..... عارف الخطوة الجاية مصيرها ايه و هيعمل ايه و يروح فين و يجي منين !!!!

ما علينيا .... نرجع مرجوعنا تاني لموضوعنا .... دلوقت انتي مصممة في شركة ملابس ... ليكي سنتين دلوقت معاهم .... مش عارفه ليه ان صعب جدا في خلال سنتين متكونيش اتعلمتي حاجه ... 

في مره كنت بتكلم في صالون من الصالونات و اديت مثال علي الناس الي بتشتغل .... ناس تشتغل والجو الي حواليها وزمايلها يشدوها للقاع زيهم .... وناس تانيه تنزل تاخدهم من القاع و تطلع بيهم للقمة ....

لو الشركة مطورتش من امكانياتك ... انتي كنتي فين طول السنتين؟؟؟؟؟
ليه متورتيش و حسنتي من مستواكي ؟؟؟؟
ليه مبحثتيش وعرفتي ايه الجديد في السوق علشان تواكبي التطور؟؟؟؟؟؟
ليه متعرفتيش علي احتياجات الشركات الاخري الي بتعمل في نفس مجالك و اتعلمتيها ؟؟؟؟؟
اسئلة كتير مسالتيهاش لنفسك علشان محبطة .... 
نصيحتي ليطي قبل ما تغير مجالك أو تكملي في نفس المكان ..... حددي لنفسك أهداف ...رؤيا .... رسالة لحياتك .... ساعتها مفتكرش انك هتحتاجي نصيحتي :) ربنا معاكي 

Reactions:

0 التعليقات:

إرسال تعليق