الأحد، ديسمبر 19، 2010

يموت المعلم .... ولا يتعلم



انا حسه اني في دوامة بين اللي نفسي فيه والواقع.اتخرجت السنة دي من كلية هندسة وربنا رزقني علطول بمنحة ولسه مخلصها
انا عندي مشكلتين 
  1. .انا بقول عاوزة اعمل واعمل ولا انفذ ما اقول علي ان سهل تنفيذه ليه كده؟
  2. .نفسي اشتغل في شركة اتصالات كبيرة وابقي مهندسة ناجحة ومتطورة وعشان ابقي كده لازم اعمل حاجات كتير ومن الحاجات دي كان منها المنحة اللي اخدتها والمفروض اني اكمل الحاجات التانية اللي محتاجها

بس انا زهقت نفسي اشتغل واحس بالمسئولية وجيالي فرصة اني اشتغل بس مش الشغلانة اللي نفسي فيها.فكرت اني اقبلها اكسب منها عائد مادي والمساء اخد الدورات اللي محتاجها .

بصراحه خايفه من نفسي بسبب المشكلة اللي عندي(ا) وكمان خايفه لتجيلي فرصة تانية احسن وتضيع مني وفي نفس الوقت خايفة لتضيع دي مني رغم انها مش حلمي وكمان اللي مخليني مترددة اني سمعت من حد لو مجتلكش الوظيفة الكويسة خد كورسات احسن وانا بقول لغيت امتي اخد امتي بقي اقدر ادي؟؟؟

ارجو منك ان تردي عليا وتنصحيني

بصي يا ستي ..... انتي ماشيه في الطريق الصح الي غيرك كتير لسه مخدوش بالهم منه ....
أولا ...انت محدده انت بتحبي ايه؟؟؟
ثانيا ..... محددة عايزة تشتغلي فين ؟؟؟؟؟؟
ثالثا ...... محددة الخطوات الي توصلك لهدفك ....

فاضل ايه ؟؟؟؟؟ فاضل الشحن ...... 

زي الموبايل كده أول ما البطريه تفضي ..... بيحتاج اعادة شحن مش كده ؟؟

دا بالظبط نفس الي بيحصل للعزيمة بتاعتنا .... بتكون قوية جدا جوانا ونفسنا نهد الدنيا و نبنيها .... لكن مع الوقت العزيمة بتقل ...يعني البطارية بتفضي :) 

طب الحل ؟؟؟؟؟

تخيلي ان بطارية موبايلك بتفضي بسرعة .... و انتي عندك مكالمات كتير هتعملي ايه؟؟؟؟؟ هتشتري شاحن و تخليه معاكي في الشنطة 

دا بالنسبة للموبايل ..... طب و عزيمة البني ادم .... نحط الشاحن قدامة 

  1.  انا هقولك عن تجربتي الشخصية ..... رسمت حلمي علي الحيطة .... في كتبي و علي مكتبي في كل حته حطيته قدامي  .... ودا كان دايما بيشحني علشان احسن ..... انت كمان ارسمي حلمك وخليه قدامك علي طول .
  2. حطي مراحل للوصول للهدف .... دا هيسهل عليكي انك تنجزي كل الي انتي عايزاه بس علي هيئة اجذاء صغيرة وهيشعرك بالانجاز.
  3. مع كل مرحلة تنفذيها .... مكافاة بسيطة لنفسك ....مهما كانت بسيطة بس هتديكي حافز علي انك تكملي المشوار .
  4. اقري كتير واتعلمي أكثر ..... دا هيفتح زهنك ويعطيكي دافع .
  5. الحل السحري لطرد الطاقة السلبية ...... مشي لمدة نصف ساعة كل يوم .... السلبية مش هتعرفلك طريق و هتلاقي دايما نفسك مقبلة علي الحياة.... وعندك حلول لحجات كتير جدا .
بالنسبة لنقطة .... انا هفضل اخد كورسات لحد امتي .... هقولك ان المثل بيقول 
يموت المعلم .....ولا يتعلم 
يعني مهما وصلت وكبرت في عملي لسه فيه اكثر واكثر اتعلمه .... افتكر كده جاوبت عليكي 



‎ ‎

Reactions:

0 التعليقات:

إرسال تعليق