الثلاثاء، ديسمبر 28، 2010

معظمهم ...مش كلهم يعني


السلام عليكم 
اتمنى لكى مزيد من التقدم والنجاح وكل الخير
انا عايزه منك خدمه لو تقدرى 

انا وجوزى عندنا صيدليه وعايزين نعمل تعاقد مع شركات لتوريد ادويه للوظفين فى الشركات طبعا اللى بتقدم الخدمه دى
انا دورت كتير بس معظم الاماكن اللى روحتها كانت عامله مع الصيدليات الكبيره وبعض محتاج 


تكونى عارفه حد فيها
فلو تعرفى حد من الشركات اللى بتتعاملى معاهم محتاج ممكن تقوليلى وانا اروح اقابلهم
لان فعلا التعاقد هيفرق معانا جدا

وشكرا 

الحقيقه أنا معرفش شركات بعينها .... لكن انا ممكن اقولك تعملي ايه؟؟؟؟؟

انتي بتقولي معظم الشركات الي انا رحتها .... بتتعامل مع صيدليات كبيرة .... مش كل الشركات يعني .....

افتكر انك محتاجه

1-  قاعدة بيانات لشركات أكثر.

2- تتصلي بالشركات دي وتحددي معاهم مواعيد .... في حالة الشركة بتتعامل مع صيدلية اخري ... قدمي عرض من الصعب رفضه .. تخفيض مثلا ،خدمةر24/7 ...الخ يعني حاجه متترفضش.

3- تتابعي العملاء بتوعك دايما.

4- و انت بتعرضي العرض بتاعك ... خلي المدير الي قابلتية يرشحلك شركات أخري .... وبكده قاعدة البيانات بتاعتك بتذيد وفرصك بتكبر في نفس الوقت.... ونفس الكلام مع العملاء الحاليين الي انت بتتعاملي معاهم ...يرشحولك اخرين ...

5- المجتمع المحيط بيكي .... يعني الناس الي بتشتري من عندك من الصيدلية .... مدام فلان و أ/ علان ...الخ اتعرفي عليهم و اعملي معاهم علاقات بمعني انك تعرفي بيشتغلوا فين ووايه .... وممكن يكونو هم البوابه الي بتدخلي من خلالها للشركات ...يعني هم الي يرشحوكي للشركات بتاعتهم للتعاون .

6- خدمة ما بعد البيع دي مهمه جدا .... يعني بعد ما تبعتي الطلبيات كلمي العملاء ... ها ايه الاخبار الدوا وصلك في معاده ...هل في اي مشاكل انت شايفها؟؟؟ دا هيخلي عملائك يثقوا فيكي اكثر ويقدروكي.

7- دا غير مش هوصيكي في الاعياد و المناسبات السعيدة .... كروت تهنئه لطيفة كده ... 

دي الأفكار الي جت علي بالي الحقيقة .... و ان شاء الله ربنا يوفقك ...



Reactions:

0 التعليقات:

إرسال تعليق