الأحد، ديسمبر 19، 2010

اتفرج الأول ....والعب بعدين

السلام عليكم

ازيك رشا اسمى منى و انا معجبة بيكى جدا و بافكارك و نشاطاتك 

و انا قريت الموضوع ان فية واحد عايز يفتح شركة استيراد و مش عارف ازاى و عجبنى الموضوع فقلت اسالك
انا خريجة تجارة و معايا كورسات انجليزى و كمبيوتر كتييييير و مع ذلك مش لاقية شغل و من فترة بفكر افتح مشروع و اعمل business خاص بى و انا نفسى اعمل شركة كبيرة و على مستوى عالى و شيك لان انا اصلا نفسى اشتغل فى شركة كبيرة و شيك
بس المشكلة الكبيرة
  1.  انا مش عارفة اية الموطلوب فى سوق العمل من مشاريع لان مافيش مشروع معين فى دماغى و انا خايفة اعمل اى مشروع و مانجحش فية
  2. زى مثلا افتح شركة سياحة طيب مافية شركات سياحة كتييير دة غير ان السياحة ممكن تضرب فى اى وقت و بالتالى اخسر
  3.  الخبرة فى ادارة المشروع
  4.  التمويل كماديا للمشروع هايكون مثلا من اى بنك؟
  5.  و لو روحت للبنك التفاهم معاة على تفاصيل المشروع و تمويلة الكلام هايكون ازاى؟ط
شكرا لاهتمامك و تشجيعك للشباب

يا مني ميرسي علي كلامك الجميل ..... ربنا يخليكي يا رب ...

بصي يا ستي .... انا مش محبزة فكرة ان واحد يفتح مشروع و هو معندوش خبره كفاية .... بمعني .... من الواضح ان عندك الرغبة .. لكن انتي مش محددة المجال و الموضوع الي انت عايزه تعملي فيه مشروع .... 

وجهة نظري المتواضعة  ممكن يتم من خلال مراحل ....

المرحلة الاولي : انك تنزلي السوق كمتفرج في الاول .... ودا عن طريق انك تشتغل وتخطلتي بسوق العمل
المرحلة الثانية :  انك تتدربي علي اللعب ... دا من خلال كورسات ومعرفة و تدرسي السوق عايز ايه و انتي تقدري تقدمي ايه؟؟؟؟؟؟
المرحلة الثالثة :  انت خلالص كده اتعلمت ودرستي السوق ..... ابتدي شوفي تعملي مشروع ازاي .
المرحلة الرابعة ...... دي اخر مرحلة انك تعملي دراسة للبنوك و الجهات المانحة الي ممكن تمول المشروع بتاعك .... و تعملي زيارة صغيرة ... و هتاخدي منهم كل المعلومات الي انت محتاجاها لبداية مشروعك ... وربنا يوفقك ان شاء الله

Reactions:

1 التعليقات:

إرسال تعليق