الأربعاء، ديسمبر 22، 2010

عرض خاص .... ليه لا

انا خريجة حاسبات ومعلومات 2004  واخدت كورس ويب ديزين  وجيت ادور علي شغل ولا شركة وافقت بيا قالتيلي ادة ممعكيش اي خبرة وماعملتيش اي مواقع مانقدرشي نشغل مع مجال اليب ديزين حلو وانا معروفة اني بفهم في الالوان والتناسق  والله اتصدمت لاني بجد خدت الكورس ب1000 جينينة ولااستفدت اي حاجة لاقيت شركة بتقولي اشتغلي تيلي مارككت للويب سايت ووافقت قولت اخد 

خبرة وفي نفس الوقت ادور علي شغل  مافيش فايدة جالي شغل تاني اني اكون مستشار ويب يعني اروح للشركات واعرض عليهم نعمل ليهم ويب سايت واقولهم هيحتاجوا  لية الويب وهيفاديهم في اية وممكن يكون شكلة ازاي  .

وبعد كدة  روحت مجال تاني خالص روحت تيم ليدر في شركة اليكو بناعت التاكين علي الحياة ممكن تستغربي بس انا بجد يأست ساعتها وكل مادور علي شغل او اقدم سي في الشركة تكلمني وتقولي عايزة ماركيت او سيل  بس ماستمرتشي في اليكو لانها شغلانة صعبة موت عايزانك من 9 صباحا لغاية مثلا 9 مساء شغل وكمان انتي بتعملي كل حاجة سيل ان دور واوت دور  وتنزلي وتتبهدلي بصراحة ماقدرتش علي الشغل دة  وبعدين اتجوزت وقعدت سنة في البيت خدت فيها حبة كورسات في الخدمة العملاء وكدة وكمان خدت كورس mcp 

بتاع مايكروسوفت  واديني اهوة بدور علي شغل تاني سواء كاستمر سيرفيس او كول سنتر او اي ادمينسترايشن او حتي هيلب ديسك في اي شركة ولا الهوي وكل ماروح شركة يقوليلي لية هتغيري مجال شغلك ولية ماشتغلتيش اصلا في مجالة وبجاوب عليهم اجابات دوبلوماسية زي مثلا بدروعلي فرصة احسن خبرات جديدة تحدي جديد بضيف خبرات لنفسي في حياتي المهنية  والاجابات دي  ولا الهوي وبصراحة تعبت حاسة اني عمالة اجري اجري اجري ومش لاقية نهاية ياتري اية الحل في رايك 


بصي يا ستي الشركات بتقولك عايزه ماركت أو سيلز لان الوظائف دي مطلوبة في السوق اليومين دول وبشدة ..... احنا بلد انتجها قليل فمش عايزين منتجين علي قد ما احنا محتاجين حد يروج لنا المنتجات الي احنا اصلا استوردناها .... دا حال بلدنا فانتي لازم تتماشي مع الواقع .

نيجي للسؤال المهم .... انتي عايزه تشتغلي في مجال تصميم المواقع ....يبقي تصري علي موقفك لحد ما توصلي لمرادك ... و تكوني فاهمه كويس اوي ان الطريق مش سهل ولا مفروش بالورود ...... مش عايزه و حابة التسويق ... الفرص متاحه و اشتغليها .

نيجي للاجابة علي السؤال انتي فين خبراتك في مجال تصميم المواقع .... مهو كل واحد عنده مهنه لازم يكون عنده سابقة اعمال ... فانتي كمان لازم يكون عندك سابقة اعمال ... ودي هتيجي منين .... بسيطه جدا .... انتي لو عملتي اعلان صغير علي الانترنت انك مستعدة تصممي مواقع مجانا هتلاقي 100 حد باعتلك عايز موقع .... و انتي لما هتصممي الموقع بدون مقابل هتكتسبي خبرة السوق بالاضافة لانك هيكون عندك سابقة اعمال .... ولما الاعمال بتاعتك تنتشر هي هتعلن عن نفسها و الناس بعد كده هم الي هيجرو وراكي علشان تعمليلهم شغل ....ايه رايك؟؟؟؟؟


Reactions:

1 التعليقات:

إرسال تعليق