الثلاثاء، ديسمبر 21، 2010

ادي العيش لخبازة !!!!

رشا ازيك انا خريجه كليه تجاره

2009 واشتغلت الحمد لله علي طول في شركه اسيراد وتصدير اشتغلت محاسبه 

اشتغلت ازاي باه زي ماانتي بتقولي بالضبط رحت شركه توظيف كده وعملت اترفيو وكانت الشركه التوظيف في الوقت ده بتدور علي حد قوي جدا في الانجليزي والفرنساوي وانا مش قويه اخدوا مني cvوقالولي لو في احياج لمحاسبين بعد كده هنتصل بيكي وفعلا عدي 3 شهور وشركه التوظيف اتصلت بياه وقالتي انهم هيخدوا نص شهر من اول راتب وافقت وانا دلوقتي شغله بقالي سنه

الموضوع دلوقتي اي عايزه اعمل خطوه جديده بس انا حسه ان قدراتي اكبر من اني اكون محاسبه بس او حتي رئاسه حاسبات

عايزه اشتغل في مجال تاني مجال في تجديد ابتكار

عايزه اشتغل في مجال التنميه البشريه بس مش عارفة اخد كورسات في ايه انا خلصت كورسات انجليزي خلاص اكمل ازاي علشان اكون حد قووووووي في التنميه البشريه

محاضر تنميه بشريه يعني

الأول اسمحيلي أسئلك ..... يعني ايه تنمية بشرية؟؟؟؟؟

انا هترلجمهالك بمفهومي انا البسيط 

تنمية = تطوير - تحسين 
ذاتية = انا 

بالشكل دا .... اي حاجه تطور في الانسان = تنمية بشرية 

دا معناه ان كورسات كتير جدا هي عبارة عن تنمية بشرية .... زي اللغات - التربية - التنشئة الاجتماعية - الدين كل دول بيساهمو في تنمية البني الادم وتطوير شخصيته وادائة ...

طيب نيجي باه نتكلم عنك .... انت بتشتغلي محاسب ... وعندك خبرة حسابات .... طب متنقلي الخبرة لغيرك .... هتبقي بتدي تنمية بشرية برضه .... بس في مجالك وفي تخصصك ....

مش المثل بيقول ادي العيش لخبازه ...حتي لو أكلو نصه...... ليه تروحي للحاجه الي متعرفيهاش في حين انك ممكن تكوني حاجه متميذه جدا في مجالك.؟؟؟؟؟

دا غير حاجه مهمه اوي .... انتي ليه عايزه تكوني مدربة تنمية بشرية ؟؟؟؟؟؟ 

طيب علشان تكون مدربة تعملي اسه؟؟؟؟؟ 

  1. يكون عندك الموهبة في الاول ... يعني انك تقدري تقفي وتواجهي جمهور من غير ما تخافي ولا تتربكي.
  2. تقدمي علي كورس TOT تدريب المدرب المحترف .... و ابوس ايدك بلاش تاخديه تحت السلم ( روحي اكاديمية السادات - غرفة التجارة - الجامعة الامريكية - الاكاديمية المصرية للعلوم المصرفية ) حاجه معتمدة.
  3. وبعدين تبتدي تحددي انت هتدرسي ايه للناس .... وبتدي شغل بأه .
دي هي الخطوات ببساطة .... و من غير تعقيد 


Reactions:

1 التعليقات:

إرسال تعليق