الأربعاء، ديسمبر 22، 2010

Goooooooooooooooooooogle

زيك يا رشا انا معجبه جدااا بيكي

وشفت الجروب بتاعك و اد ايه بتساعدي الشباب

انا عندي 34 سنه خريجه علوم

بس ما اشتغلتش كتير غير كام شهر في مدرسه كنت بادرس للحضانه

انا الحقيقه مش عارفه ابدأ ازاي انا باحب الكومبيوتر ومشكلتي اني خجوله وده ضيع مني فرص كتير زي العمل في الدعايه الطبيه او التسويق انا في الفتره دي عايزه اشتغل من البيت مؤقتا لحد ما اخد كورسات واطور نفسي بس عايزه تقترحي عليا مواقع مضمونه للعمل من خلال الانترنت انا لقيت مواقع انتي اقترحتيها في شغلانه في عشر ايام بس تهت فيها جدا

يا ريت مكنش طولت عليكي


ربنا يوفقك يا رشا

في حفظ الله



العمل عن بعدمن وجهة نظري موضوع جامد جدا ..... بس المشكلة الشغنونه ان ثقافتنا كمصريين لسه مش متعودة علي فكرة ان الواحد يشتغل من البيت .... ما علينا 


بس بجد برافو عليكي انك بتفكري في اتجاهين .... ازاي تطوري من نفسك وفي نفس الوقت يكون عندك عائد مادي

الحقيقه مواقع العمل عن بعد كثيرة جدا ..... في منها المواقع العربية فيه كمان المواقع الأجنبية ....

مهم قبل ان تبدأي في العمل عن بعد اجادة اللغة طبعا لان دا موضوع أساسي جدا .... وخاصة في المواقع الأجنبية بيتطلب الموضوع اجادة تامة للغة الأنجليزية.

وفيه مواقع عربية .... وانت ممكن تعملي حصر باسماء كل مواقع العمل عن بعد عن الطريق صديقي الصدوق .... جوجل 

بالنسبة للمواقع الأجنبية الي انا زكرتها في الموقع .... المواقع دي محتاجه شوية تركركيز و صبر لحد ما تفهمي كل الجوانب بتاعتها .... ان شاء الله قريبا هنعمل محاضرة عن الموضوع دا ... و يكون فيها شرح وافي لكل جوانب الموقع وازاي نشتغل من خلاله.



Reactions:

0 التعليقات:

إرسال تعليق